Bogosi jwa Modimo bo tla emisetsa dipuso tsotlhe tsa batho bo bo bo busa lefatshe lotlhe. (Daniele 2:44; Tshenolo 16:14) Fa seo se sena go direga, Bogosi jwa Modimo bo tla . . .

•   Fedisa baikepi, ba bogagapa jwa bone bo re amang botlhoko rotlhe. “Fa e le baikepi bone, ba tla kgaolwa mo lefatsheng.”​—Diane 2:22.

•   Fedisa ntwa. “[Modimo] o dira gore dintwa di kgaotse go ya kwa ntlheng ya lefatshe.”​—Pesalema 46:9.

•   Tlisa katlego le tshireletsego mo lefatsheng. “Botlhe ba tla nna ka kagiso mo masimong a bone a mofine le mo ditlhareng tsa bone tsa mofeige mme ga go na ope yo o tla ba boifisang.”​—Mika 4:4, Good News Translation.

•   Dira lefatshe paradaise. “Ditlhaketlhake tse di omileng di tla itumela, naga e e omeletseng e tla ipela e bo e ntsha dithunya.”​—Isaia 35:1, Contemporary English Version.

•   Naya mongwe le mongwe tiro e e nang le bokao, e e itumedisang. “Batho ba me [ba Modimo] ba ba tlhophilweng ba tla dirisa tiro ya diatla tsa bone ka botlalo. Ga ba kitla ba direla ka natla lefela.”​—Isaia 65:21-23.

•   Fedisa bolwetse. “Ga go na monni ope yo o tla reng: ‘Ke a bobola.’”​—Isaia 33:24.

•   Re golola mo botsofeng. “A nama ya gagwe e shafale go gaisa le nako ya bosha; a a boele mo malatsing a matlhagatlhaga a bosha jwa gagwe.”​—Jobe 33:25.

•   Tsosa baswi. “Botlhe ba ba mo mabitleng a kgakologelo ba tla [utlwa] lentswe la [Jesu] mme ba tla tswa.”​—Johane 5:28, 29.