2 Bakorintha 13:1-14
13 Leno ke lekgetlo la boraro+ ke tla kwa go lona. “Kgang nngwe le nngwe e tshwanetse go tlhomamisiwa+ ka molomo wa basupi ba le babedi kgotsa wa ba le bararo.”
2 Ke ile ka bua mo nakong e e fetileng mme, jaaka e kete ke teng koo lekgetlo la bobedi mme le fa go ntse jalo ke seyo jaanong, ke raya go sa le gale ba ba leofileng pele le botlhe ba bangwe, ka re fa go ka direga gore ke tle gape ga ke na go lo dibela,+
3 e re ka lo batla bosupi jwa ga Keresete a bua mo go nna,+ Keresete yo o seng bokoa mo go lona mme a le maatla mo go lona.
4 Eleruri, ke boammaaruri gore o ne a bapolwa+ ka ntlha ya bokoa,+ mme o a tshela ka ntlha ya maatla a Modimo.+ Gape ke boammaaruri gore re bokoa le ene, mme re tla tshela mmogo le ene+ ka ntlha ya maatla a Modimo+ mo go lona.
5 Nnang lo leke gore a lo mo tumelong, nnang lo ipontshe se lona ka bolona lo leng sone.+ Kgotsa a ga lo lemoge gore Jesu Keresete o seoposengwe le lona?+ Kwantle ga fa lo sa amogelwe.
6 Ruri ke solofela gore lo tla itse gore ga re ba ba sa amogelweng.
7 Jaanong re rapela+ Modimo gore lo se ka lwa dira sepe se se phoso, e seng gore rona ka borona re bonale re amogelwa, fa e se gore lo dire se se molemo, le fa rona ka borona re ka tswa re bonala re sa amogelwe.
8 Gonne ga re ka ke ra dira sepe kgatlhanong le boammaaruri, fa e se fela go se direla boammaaruri.+
9 Eleruri re a ipela leng fela fa re le bokoa mme lona lo le maatla;+ mme re rapelela seno,+ go lolamisiwa ga lona.
10 Ke gone ka moo ke kwalang dilo tseno fa ke seyo, gore fa ke le gone, ke tle ke se ka ka dira ka bopeloethata+ go ya ka bolaodi jo Morena a neng a bo nnaya, e leng go aga+ mme e seng go tlhatlhamolola.
11 La bofelo, bakaulengwe, tswelelang lo ipela, lo lolamisiwa, lo gomodiwa,+ lo akanya ka tumalano,+ lo tshela ka kagiso;+ mme Modimo wa lorato le wa kagiso+ o tla nna le lona.
12 Dumedisanang ka katlo e e boitshepo.+
13 Baitshepi botlhe ba a lo dumedisa.
14 Bopelonomi jo bo sa re tshwanelang jwa Morena Jesu Keresete le lorato lwa Modimo le go abalana mo moyeng o o boitshepo di nne le lona lotlhe.+
