Baroma 10:1-21
10 Bakaulengwe, keletso e e molemo ya pelo ya me le mokokotlelo wa me ka bone mo Modimong, eleruri, ke tsa gore ba bolokwe.+
2 Gonne ke naya bosupi ka bone gore ba na le tlhoafalo+ ka Modimo; mme e seng go ya ka kitso ya boammaaruri;+
3 gonne, ka ntlha ya go bo ba sa itse tshiamo ya Modimo+ mme ba batla go tlhoma ya bone,+ ba ne ba se ka ba ipaya mo taolong ya tshiamo ya Modimo.+
4 Gonne Keresete ke bokhutlo jwa Molao,+ gore mongwe le mongwe yo o dumelang a nne le tshiamo.+
5 Gonne Moshe o kwala gore motho yo o dirileng tshiamo ya Molao o tla tshela ka yone.+
6 Mme tshiamo e e nnang gone ka ntlha ya tumelo e bua ka mokgwa ono: “O se ka wa bua mo pelong ya gago wa re,+ ‘Ke mang yo o tla tlhatlogelang kwa legodimong?’+ ke gore, go folosa Keresete;+
7 kgotsa, ‘Ke mang yo o tla fologelang mo moleteng o o se nang bolekanngo?’+ ke gore, go tlhatlosa Keresete mo baswing.”+
8 Mme ya reng? “Lefoko le gaufi le wena, mo molomong wa gago le mo pelong ya gago”;+ ke gore, “lefoko”+ la tumelo, leo re le rerang.+
9 Gonne fa o bolela ‘lefoko leo le le mo molomong wa gago’+ phatlalatsa, gore Jesu ke Morena,+ o bo o dumela mo pelong ya gago gore Modimo o ne a mo tsosa mo baswing,+ o tla bolokwa.+
10 Gonne motho o supa tumelo ka pelo+ go bona tshiamo, mme o dira polelo phatlalatsa+ ka molomo go bona poloko.
11 Gonne Lokwalo lwa re: “Ga go na ope yo o dumelang+ mo go ene yo o tla swabisiwang.”+
12 Gonne ga go na pharologanyo fa gare ga Mojuda le Mogerika,+ gonne go na le Morena a le mongwe fela mo go botlhe, yo o humetseng+ botlhe ba ba mmitsang.
13 Gonne “mongwe le mongwe yo o bitsang leina la ga Jehofa o tla bolokwa.”+
14 Le fa go ntse jalo, ba tla bitsa jang yo ba sa dumelang mo go ene?+ Gape, ba tla dumela jang mo go yo ba sa utlwang ka ene? Gape, ba tla utlwa jang fa go se na ope yo o rerang?+
15 Gape, ba tla rera jang fa ba sa rongwa?+ Fela jaaka go kwadilwe go twe: “A bo dinao tsa ba ba bolelang dikgang tse di molemo tsa dilo tse di molemo di le dintle jang ne!”+
16 Le fa go ntse jalo, ba ne ba se ka ba dumela dikgang tse di molemo+ botlhe. Gonne Isaia a re: “Jehofa, ke mang yo o dumelang mo dilong tse di neng tsa utlwiwa mo go rona?”+
17 Jalo tumelo e latela selo se se utlwilweng.+ Selo se se utlwilweng le sone se nna gone ka lefoko le le kaga Keresete.+
18 Le fa go ntse jalo ke a botsa, Ba ne ba se ka ba tlhoka go utlwa, a ga go jalo? Tota e bile, “modumo wa bone o tswetse mo lefatsheng lotlhe,+ le mafoko a bone a tswetse kwa dintlheng tsa lefatshe le le nang le banni.”+
19 Le fa go ntse jalo ke a botsa, Iseraele o ne a se ka a tlhoka go itse, a ga go jalo?+ Sa ntlha Moshe a re: “Ruri ke tla lo tlhotlheletsa gore lo fufege ka se e seng setšhaba; ruri ke tla lo tlhotlheletsa gore lo galefe mo gogolo ka setšhaba se se sematla.”+
20 Mme Isaia o nna pelokgale thata a bo a re: “Ke ne ka bonwa ke ba ba neng ba sa mpatle;+ ke ne ka bonatshega mo go ba ba neng ba sa botse ka nna.”+
21 Mme malebana le Iseraele a re: “Letsatsi lotlhe ke otlolotse diatla tsa me ke di otlololela batho ba ba sa utlweng+ e bile ba iphetolela.”+
