Diane 1:1-33
1 Diane+ tsa ga Solomone+ morwa Dafide,+ kgosi ya Iseraele,+
2 gore motho a itse botlhale+ le kotlhao,+ a lemoge mafoko a tlhaloganyo,+
3 a amogele kotlhao+ e e nayang temogo,+ tshiamo+ le katlholo+ le thokgamo,+
4 go naya ba ba se nang maitemogelo botlhale,+ go naya lekau kitso+ le bokgoni jwa go akanya.+
5 Motho yo o botlhale o tla reetsa mme a amogele thuto e e oketsegileng,+ mme motho yo o nang le tlhaloganyo ke yo o bapalang kaelo e e botswerere,+
6 gore a tlhaloganye seane le polelo ya malepa,+ mafoko a batho ba ba botlhale+ le dithamalakane tsa bone.+
7 Go boifa Jehofa ke tshimologo ya kitso.+ Dieleele di nyaditse botlhale le kotlhao.+
8 Reetsa kotlhao ya ga rrago,+ morwaaka, mme o se ka wa latlha molao wa ga mmago.+
9 Gonne ke serwalo se sentle mo tlhogong+ ya gago sa dithunya tse di tshophilweng le sebaga se sentle mo molaleng wa gago.+
10 Morwaaka, fa baleofi ba leka go go faposa, o se ka wa dumela.+
11 Fa ba nna ba re: “A ko o tsamaye le rona. Mma re laleleng madi.+ Batho ba ba se nang molato re ba bobeleng kwantle ga lebaka.+
12 A re ba kometseng ba tshela+ fela jaaka Sheole,+ ee, ba feletse, jaaka ba ba fologelang mo kgatamping.+
13 A re batleng mefuta yotlhe ya dilo tse di tlhwatlhwakgolo.+ A re tlatseng matlo a rona ka thopo.+
14 O tshwanetse go latlhela bola jwa gago mo gare ga rona. A go nne le kgetsi e le nngwe fela ya rona rotlhe”+—
15 morwaaka, o se ka wa tsamaya mo tseleng le bone.+ Thibela lonao lwa gago mo tseleng ya bone.+
16 Gonne dinao tsa bone ke tse di sianelang kwa bosuleng jo bogolo,+ mme di nna di potlakela go tsholola madi.+
17 Gonne letlowa le phuthololetswe lefela fa pele ga matlho a sepe fela se se nang le diphuka.+
18 Ka gone bone ka bobone ba lalela madi a tsone;+ ba bobela meya ya tsone.+
19 Ditselana tsa mongwe le mongwe yo o dirang poelo e e sa siamang di ntse jalo.+ E tsaya moya wa beng ba yone.+
20 Botlhale jwa boammaaruri+ bo nna bo goela kwa godimo mo mmileng.+ Bo nna bo ntsha lentswe la jone mo dipatlelong.+
21 Bo tlhaeletsa kwa ntlheng e e kwa godimo ya mmila o o modumo.+ Bo bua mafoko a jone kwa matsenong a dikgoro tse di tsenang mo motseng bo re:+
22 “Lona ba lo se nang maitemogelo lo tla nna lo rata go tlhoka maitemogelo ka lobaka lo lo kae,+ mme lona basotli lo tla eletsa go sotla ka tlhamalalo ka lobaka lo lo kae,+ mme lona dimatla lo tla nna lo tlhoile kitso ka lobaka lo lo kae?+
23 Boelang morago fa ke lo kgalemela.+ Mme ke tla dira gore moya wa me o elele mo go lona;+ ke tla lo itsise mafoko a me.+
24 Ka gonne ke tlhaeleditse mme lo ntse lo gana,+ ke otlolotse seatla sa me mme ga go na ope yo o elang tlhoko,+
25 mme lo nna lo tlhokomologa kgakololo yotlhe ya me,+ e bile ga lo a amogela kgalemelo ya me,+
26 Le nna, ke tla tshega matlhotlhapelo a lona,+ ke tla sotla fa se lo se boifang se tla,+
27 fa se lo se boifang se tla fela jaaka matsubutsubu, le matlhotlhapelo a lona a goroga fela jaaka phefo ya matsubutsubu,+ fa lo tlelwa ke matshwenyego le dinako tse di thata.+
28 Ka nako eo ba tla nna ba mpitsa, mme ga ke kitla ke araba;+ ba tla nna ba mpatla, mme ga ba na go mpona,+
29 ka lebaka la gore ba ne ba tlhoa kitso,+ mme ba se ka ba tlhopha go boifa Jehofa.+
30 Ga ba a ka ba dumela kgakololo ya me;+ ga ba a tlotla kgalemelo ya me yotlhe.+
31 Ka jalo ba tla ja maungo a tsela ya bone,+ mme ba tla kgobelelwa maano a bone.+
32 Gonne go tlhanoga+ ga ba ba se nang maitemogelo ke gone mo go tla ba bolayang,+ mme go tsaya botshelo motlhofo ga dimatla ke gone mo go tla ba senyang.+
33 Fa e le yo o ntheetsang, o tla nna ka polokesego+ mme ga a na go tshwenngwa ke go boifa masetlapelo.”+
