Diane 15:1-33
15 Karabo fa e le bonolo e faposa bogale,+ mme lefoko le le utlwisang botlhoko le tsosa bogale.+
2 Loleme lwa ba ba botlhale lo dira molemo ka kitso,+ mme mo molomong wa dimatla go tswa boeleele.+
3 Matlho a ga Jehofa a mo lefelong lengwe le lengwe,+ a nna a lebeletse ba ba bosula le ba ba molemo.+
4 Go ritibala ga loleme ke setlhare sa botshelo,+ mme tshokamo ya lone e raya go utlwa botlhoko mo moyeng.+
5 Ope fela yo o seeleele ga a tlotle kotlhao ya ga rraagwe,+ mme ope fela yo o tlhokomelang kgalemelo o botlhale.+
6 Mo ntlong ya mosiami go na le bobolokelo jo bogolo,+ mme go na le go kgaphelwa kwa thoko mo maungong a moikepi.+
7 Dipounama tsa ba ba botlhale di nna di gasamisa kitso,+ mme pelo ya dimatla ga e a nna jalo.+
8 Setlhabelo sa baikepi ke selo se se makgapha mo go Jehofa,+ mme thapelo ya ba ba thokgameng e a mo ipedisa.+
9 Tsela ya moikepi ke selo se se makgapha mo go Jehofa,+ mme o rata yo o latelelang tshiamo.+
10 Kotlhao e bosula mo go yo o tlogelang tselana;+ ope fela yo o tlhoileng kgalemelo o tla swa.+
11 Sheole le lefelo la tshenyego+ di fa pele ga ga Jehofa.+ A bo go ntse jalo segolo jang ne ka dipelo tsa bana ba batho!+
12 Mosotli ga a rate yo o mo kgalemelang.+ Ga a na go ya kwa go ba ba botlhale.+
13 Pelo e e ipelang e na le phelelo e e molemo mo sefatlhegong,+ mme go na le moya o o hutsafetseng ka ntlha ya pelo e e botlhoko.+
14 Pelo e e tlhaloganyang ke e e batlang kitso,+ mme molomo wa batho ba ba dimatla ke o o eletsang boeleele.+
15 Malatsi otlhe a yo o bogisiwang a bosula;+ mme yo o nang le pelo e e thamileng o nna le modiro ka metlha.+
16 Go botoka go nna le mo gonnye o boifa Jehofa+ go na le go nna le letlepu le le nang le tlhakatlhakano.+
17 Go botoka dijo tsa merogo kwa go nang le lorato+ teng go na le poo e e fepetsweng mo bojelong jwa diruiwa mme go na le letlhoo.+
18 Motho yo o galefileng o tsosa manganga,+ mme yo o bonya go galefa o kokobetsa komano.+
19 Tsela ya setshwakga e tshwana le legora la mongana,+ mme tselana ya bathokgami ke tsela e e tlhomilweng.+
20 Morwa yo o botlhale ke yo o ipedisang rraagwe,+ mme motho yo o sematla o nyatsa mmaagwe.+
21 Boeleele ke boipelo mo go yo o seng botlhale,+ mme motho yo o nang le temogo ke yo o tlhamalalang fela.+
22 Go na le go kgoreletsega ga dithulaganyo kwa go se nang puo ya sephiri teng,+ mme go na le se se fitlhelelwang mo go nang le bagakolodi ba bantsi teng.+
23 Motho o a ipela mo karabong ya molomo wa gagwe,+ mme a bo lefoko ka nako ya lone e e tshwanetseng le le molemo jang ne!+
24 Tselana ya botshelo e ya kwa godimo mo go yo o dirang ka temogo,+ gore e fapoge Sheole kwa tlase.+
25 Jehofa o tla rutlolola ntlo ya baikgodisi,+ mme o tla baakanya molelwane wa motlholagadi.+
26 Maano a yo o bosula ke selo se se makgapha mo go Jehofa,+ mme mafoko a a monate a phepa.+
27 Yo o dirang poelo e e sa siamang o tlisetsa ntlo ya gagwe matlhabisa ditlhong,+ mme yo o tlhoileng dimpho ke ene yo o tla tswelelang a tshela.+
28 Pelo ya mosiami e a tlhatlhanya gore e tle e arabe,+ mme go tswa dilo tse di bosula mo molomong wa baikepi.+
29 Jehofa o kgakala le baikepi,+ mme o utlwa thapelo ya basiami.+
30 Phatsimo ya matlho+ e ipedisa pelo;+ pego+ e e molemo e nontsha marapo.+
31 Tsebe e e reetsang kgalemelo+ ya botshelo e nna mo gare ga batho ba ba botlhale.+
32 Ope fela yo o tilang kotlhao+ o gana moya wa gagwe, mme yo o reetsang kgalemelo o bapala pelo.+
33 Go boifa Jehofa ke kotlhao e e isang botlhaleng,+ mme go na le boikokobetso pele ga kgalalelo.+
