Diane 27:1-27
27 O se ka wa ipelafatsa ka letsatsi le le latelang,+ gonne ga o itse gore letsatsi leo le tla tla ka eng.+
2 E kete o ka bakwa ke motswakwa, e seng ke molomo wa gago; e kete motho wa moeng a ka dira jalo, e seng dipounama tsa gago.+
3 Bokete jwa leje le morwalo wa motlhaba+—mme go tshwenyega ga seeleele go bokete go di feta ka bobedi.+
4 Go na le bosetlhogo jwa tšararego,+ le morwalela wa bogale, mme ke mang yo o ka emang fa pele ga lefufa?+
5 Kgalemelo e e senotsweng e botoka+ go gaisa lorato lo lo subilweng.
6 Dintho tse di bakwang ke moratiwa di a ikanyega,+ mme dikatlo tsa motlhoi ke dilo tse di tshwanetseng go kopiwa ka tlhoafalo.+
7 Moya o o kgotsofetseng o tla gataka tswina ya dinotshe ya lomepe, mme sengwe le sengwe se se bogalaka se botshe mo moyeng o o tshwerweng ke tlala.+
8 Fela jaaka nonyane e e tshabang mo sentlhageng sa yone,+ motho yo o tshabang mo lefelong la gagwe o ntse jalo.+
9 Leokwane le maswalo+ di ipedisa pelo, le bomolemo jwa molekane wa motho ka ntlha ya kgakololo ya moya.+
10 O se ka wa tlogela molekane wa gago kgotsa molekane wa ga rrago, mme o se ka wa tsena mo ntlong ya ga morwarrago mo letsatsing la masetlapelo a gago. Moagelani yo o gaufi o botoka go na le morwarra motho yo o kgakala.+
11 Tlhalefa morwaaka, mme o ipedise pelo ya me,+ gore ke tle ke fetole ene yo o nkgobang.+
12 Yo o botlhale yo o boneng masetlapelo o ne a iphitlha;+ ba ba se nang maitemogelo ba ba fetileng ba bogile matswela a a botlhoko.+
13 Tsaya seaparo sa motho, fa e le gore o emetse motswakwa;+ mme mo kgannyeng ya mosadi o sele, o tseye sebeelo mo go ene.+
14 Yo o bakang mongwe ka ene ka lentswe le le kwa godimo phakela, o tla kaiwa e le phutso.+
15 Borulelo jo bo nelang jo bo lelekang motho mo letsatsing la pula ya medupe le mosadi yo o ratang manganga di a tshwana.+
16 Ope fela yo o mo sireleditseng o sireleditse phefo, mme seatla sa gagwe sa moja se kopana le leokwane.
17 Tshipi e loodiwa ke tshipi. Fela jalo motho o lootsa sefatlhego sa yo mongwe.+
18 Yo o dibelang setlhare sa mofeige o tla ja maungo a sone,+ mme yo o disang mong wa gagwe o tla tlotlwa.+
19 Jaaka mo metsing sefatlhego se lebagana le sefatlhego, ka jalo pelo ya motho e lebagana le ya motho.
20 Sheole le lefelo la tshenyego+ ga di kgotsofale;+ le matlho a motho ga a kgotsofale.+
21 Pitsa e e itshekisang ke ya selefera,+ leubelo ke la gouta;+ mme motho o lekwa go ya ka pako ya gagwe.+
22 Le fa o ka thuga seeleele boleta ka motshe mo kikeng, mo gare ga ditlhaka tse di tlhobotsweng, boeleele jwa sone ga bo na go tswa mo go sone.+
23 O tshwanetse go itse ponalo ya letsomane la gago sentle. Tlhoma pelo ya gago mo metlhapeng ya gago;+
24 gonne letlotlo ga le na go nna teng ka bosakhutleng,+ le fa e le serwalo sa bogosi go nna teng mo dikokomaneng tsotlhe.
25 Bojang jo botala bo tlogile, mme bojang jo bosha bo tlhogile, le dimela tsa dithaba di phuthilwe.+
26 Diphelefu tse dipotlana ke tsa diaparo tsa gago,+ le diphoko ke tlhwatlhwa ya tshimo.
27 Mme go na le mashi a dipodi a a lekaneng dijo tsa gago, a dijo tsa ba ntlo ya gago, le dilo+ tsa go itshedisa tsa basetsana ba gago.
