Dipalo 4:1-49
4 Jaanong Jehofa a bua le Moshe le Arone a re:
2 “Go tla tsewa palo ya bomorwa Kohathe+ mo go bomorwa Lefi, kafa malapeng a bone mo ntlong ya borraabone,
3 go simolola ka ba ba nang le dingwaga di le masome a mararo+ go ya kwa godimo go fitlha ka ba ba nang le dingwaga di le masome a matlhano,+ botlhe ba ba tsenang mo setlhopheng se se direlang+ go ya go dira tiro mo mogopeng wa bokopanelo.
4 “Eno ke tirelo ya bomorwa Kohathe mo mogopeng wa bokopanelo.+ Ke selo se se boitshepotshepo:
5 Arone le bomorwawe ba tsene fa bothibelelo bo tsamaya, ba folose sesiro se se bipang+ mme ba bipe letlole+ la tshupo ka sone.
6 Ba beye sebipo sa matlalo a manyebi+ mo godimo ga lone ba bo ba tsharolola letsela lotlhe le le bobududu mo godimo ba bo ba tsenya dikota+ tsa lone.
7 “Mme ba tsharolole letsela le le bobududu mo godimo ga tafole+ ya senkgwe sa tshupo, mme ba beye dijana+ le dinwelo le megopo le dinkgo+ tsa tshupelo ya senō mo godimo ga yone; mme senkgwe sa ka metlha+ se tswelele se le mo godimo ga yone.
8 Mme ba tsharolole letsela la bohibidu jo bo letlhololo jwa khokhase+ mo godimo ga tsone, ba e bipe ka sebipo sa matlalo a manyebi+ ba bo ba tsenya dikota tsa yone.+
9 Mme ba tseye letsela le le bobududu ba bipe setlhomo sa lobone+ sa masedi le dipone+ tsa sone le ditimalobone+ tsa sone le ditsholamolelo+ tsa sone le dijana+ tsotlhe tsa sone tsa leokwane tse ba se direlang ka tsone ka metlha.
10 Mme ba se tsenye le dilwana tsotlhe tsa sone mo sebipong sa matlalo a manyebi+ ba bo ba se baya mo godimo ga kota.
11 Ba tsharolole letsela le le bobududu mo godimo ga sebeso sa gouta,+ ba se bipe ka sebipo sa matlalo a manyebi+ ba bo ba tsenya dikota+ tsa sone.
12 Ba tseye dilwana+ tsotlhe tsa bodiredi tse ba direlang ka tsone ka metlha mo lefelong le le boitshepo, ba di beye mo letseleng le le bobududu ba bo ba di bipa ka sebipo sa matlalo a manyebi+ ba bo ba di baya mo godimo ga kota.
13 “Ba tlose melora e e mafura ya sebeso+ ba bo ba tsharolola letsela la boboa jo bo fetoletsweng mo mmaleng o o bobududu jo bo mokgona jo bohibitswana mo godimo ga sone.
14 Ba beye dilwana tsotlhe tsa sone mo godimo ga sone tse ba direlang ka tsone mo go sone ka metlha, ditsholamolelo, diforoko le digarawe le megopo, dilwana tsotlhe tsa sebeso;+ ba tsharolole sebipo sa matlalo a manyebi mo godimo ga sone ba bo ba tsenya dikota+ tsa sone.
15 “Arone le bomorwawe ba fetse go bipa lefelo le le boitshepo+ le dilwana+ tsotlhe tsa lefelo le le boitshepo fa bothibelelo bo tsamaya, morago ga moo bomorwa Kohathe ba tla tsena ba tla go di sikara,+ mme ba se ka ba ama+ lefelo le le boitshepo gore ba se ka ba swa. Dilo tseno ke morwalo wa bomorwa Kohathe mo mogopeng wa bokopanelo.+
16 Mme bolebedi+ jwa ga Eliasare morwa moperesiti Arone ke jwa leokwane+ la lobone le maswalo a a nkgisitsweng monate+ le tshupelo+ ya ka metlha ya dijo tsa ditlhaka le leokwane+ le le tlotsang, bolebedi jwa motlaagana otlhe le sotlhe se se leng mo teng ga one, e leng, lefelo le le boitshepo le dilwana tsa lone.”
17 Jehofa a tswelela go bua le Moshe le Arone a re:
18 “Lo se ka lwa letla lotso lwa malapa a Bakohathe+ lwa kgaolwa mo Balefing.
19 Mme ba direleng jaana gore ruri ba nne ba ntse ba tshela ba se ka ba swa ka ntlha ya go atamela ga bone dilo tse di boitshepotshepo.+ Arone le bomorwawe ba tla tsena, mme ba ba abele mongwe le mongwe wa bone kwa tirelong ya gagwe le kwa morwalong wa gagwe.
20 Ba se ka ba tsena ba tla go bona dilo tse di boitshepo le fa e le ka nako e khutshwanyane, mme ba tshwanelwa ke go swa.”+
21 Morago ga moo Jehofa a bua le Moshe a re:
22 “Go tla tsewa palo ya bomorwa Gereshone,+ ee, bone ka ntlo ya borraabone kafa malapeng a bone.
23 O tla ba kwadisa go simolola ka ba ba nang le dingwaga di le masome a mararo go ya kwa godimo go fitlha ka ba ba nang le dingwaga di le masome a matlhano,+ botlhe ba ba tlang go tsena mo setlhopheng se se direlang gore ba direle mo mogopeng wa bokopanelo.
24 Eno ke tirelo ya malapa a Bagereshone ka ga go direla le ka ga go sikara.+
25 Mme ba sikare matsela a mogope+ a motlaagana le mogope wa bokopanelo,+ sebipo+ sa one le sebipo+ sa matlalo a manyebi se se mo godimo ga one, le sesiro sa kgoro+ ya mogope wa bokopanelo,
26 le matsela a a lepeletseng+ a lolwapa le sesiro sa botseno jwa kgoro+ ya lolwapa se se dikologileng motlaagana le sebeso, le megala ya mogope ya tsone le dilwana tsotlhe tsa tsone tsa go direla, le dilo tsotlhe tse tiro e dirwang ka tsone ka metlha. Ba direle jalo.
27 Tirelo yotlhe ya bomorwa Bagereshone+ e dirwe ka taelo ya ga Arone le bomorwawe+ ka ga merwalo yotlhe ya bone le tirelo yotlhe ya bone, mme lo ba abele merwalo yotlhe ya bone e le boikarabelo jwa bone.
28 Eno ke tirelo ya malapa a bomorwa Bagereshone+ mo mogopeng wa bokopanelo, mme tirelo ya maikarabelo a bone e laolwa ke Ithamare+ morwa moperesiti Arone.
29 “Fa e le bomorwa Merari,+ o tla ba kwadisa ka malapa a bone mo ntlong ya borraabone.
30 O tla ba kwadisa go simolola ka ba ba nang le dingwaga di le masome a mararo go ya kwa godimo go fitlha ka ba ba nang le dingwaga di le masome a matlhano, botlhe ba ba tsenang mo setlhopheng se se direlang go tla go dira tirelo ya mogope wa bokopanelo.+
31 Mme jono ke boikarabelo jwa bone, morwalo wa bone,+ go ya ka tirelo yotlhe ya bone mo mogopeng wa bokopanelo: dimati+ tsa motlaagana le mephakalego+ ya one le dipilara+ tsa one le metheo ya tsone e e khuti,+
32 le dipilara+ tsa lolwapa go dikologa le metheo ya tsone e e khuti+ le dimapo+ tsa tsone tsa mogope le megala ya tsone ya mogope mmogo le didirisiwa tsotlhe tsa tsone le tirelo yotlhe ya tsone. Mme o ba abele ka maina a bone didirisiwa tse ba di abetsweng, go nna morwalo wa bone.+
33 Eno ke tirelo ya malapa a bomorwa Merari+ go ya ka tirelo yotlhe ya bone mo mogopeng wa bokopanelo, kafa tlase ga taolo ya ga Ithamare morwa moperesiti Arone.”+
34 Mme Moshe le Arone le dikgosana+ tsa phuthego ba kwadisa bomorwa Bakohathe+ ka malapa a bone le ka ntlo ya borraabone,
35 go simolola ka ba ba nang le dingwaga di le masome a mararo+ go ya kwa godimo go fitlha ka ba ba nang le dingwaga di le masome a matlhano,+ botlhe ba ba neng ba tsena mo setlhopheng se se direlang gore ba direle mo mogopeng wa bokopanelo.+
36 Mme ba ba kwadisitsweng ba bone ka malapa a bone ba nna dikete di le pedi makgolo a le supa le masome a matlhano.+
37 Bano ke ba ba kwadisitsweng+ ba malapa a Bakohathe, botlhe ba ba direlang mo mogopeng wa bokopanelo, ba Moshe le Arone ba neng ba ba kwadisa ka taelo ya ga Jehofa ka Moshe.
38 Fa e le ba ba kwadisitsweng ba bomorwa Gereshone+ ka malapa a bone le ka ntlo ya borraabone,
39 go simolola ka ba ba nang le dingwaga di le masome a mararo go ya kwa godimo go fitlha ka ba ba nang le dingwaga di le masome a matlhano, botlhe ba ba neng ba tsena mo setlhopheng se se direlang gore ba direle mo mogopeng wa bokopanelo,+
40 ba ba kwadisitsweng ba bone ka malapa a bone, ka ntlo ya borraabone, ba nna dikete tse pedi le makgolo a le marataro le masome a mararo.+
41 Bano ke ba ba neng ba kwadisitswe ba malapa a bomorwa Gereshone, botlhe ba ba direlang mo mogopeng wa bokopanelo, ba Moshe le Arone ba neng ba ba kwadisa ka taelo ya ga Jehofa.+
42 Fa e le ba ba kwadisitsweng ba malapa a bomorwa Merari ka malapa a bone, ka ntlo ya borraabone,
43 go simolola ka ba ba nang le dingwaga di le masome a mararo go ya kwa godimo go fitlha ka ba ba nang le dingwaga di le masome a matlhano, botlhe ba ba tsenang mo setlhopheng se se direlang gore ba direle mo mogopeng wa bokopanelo,+
44 ba ba kwadisitsweng ba bone ka malapa a bone ba nna dikete di le tharo le makgolo a mabedi.+
45 Bano ke ba ba neng ba kwadisitswe ba malapa a bomorwa Merari, ba Moshe le Arone ba neng ba ba kwadisa ka taelo ya ga Jehofa ka Moshe.+
46 Botlhe ba ba kwadisitsweng ba Moshe le Arone le dikgosana tsa Iseraele ba neng ba ba kwadisa jaaka Balefi ka malapa a bone le ka ntlo ya borraabone,
47 go simolola ka ba ba nang le dingwaga di le masome a mararo go ya kwa godimo go fitlha ka ba ba nang le dingwaga di le masome a matlhano,+ botlhe ba ba tlang go dira tirelo ya bonatla le tirelo ya go sikara merwalo mo mogopeng wa bokopanelo,+
48 ba ba kwadisitsweng ba bone ba ne ba nna dikete di le robedi makgolo a le matlhano le masome a le robedi.+
49 Ba ne ba kwadisiwa ka Moshe ka taelo ya ga Jehofa, mongwe le mongwe kafa tirelong ya gagwe le morwalo wa gagwe; ba ne ba kwadisiwa fela jaaka Jehofa a ne a laetse Moshe.+
