Ditiro 1:1-26
1 Pego ya ntlha, wena Theofilo,+ ke ne ka e rulaganya kaga dilo tsotlhe tse Jesu a neng a simolola go di dira le go di ruta,+
2 go fitlha ka letsatsi le a neng a tseelwa kwa godimo ka lone,+ fa a sena go naya baaposetoloi ba a neng a ba tlhopha+ taelo, ka moya o o boitshepo.
3 O ne a ipontsha le mo go bano ka ditshupo di le dintsi tse di tlhomameng gore o a tshela fa a sena go boga,+ ba mmona malatsi otlhe a le masome a manè e bile a bolela dilo tse di ka ga bogosi jwa Modimo.+
4 Mme ya re a ntse a kopane le bone a ba naya ditaelo tseno: “Lo se ka lwa tloga mo Jerusalema,+ mme nnang lo letetse se Rara a se solofeditseng,+ se lo neng lwa utlwa ka sone mo go nna;
5 ka gonne Johane, eleruri, o ne a kolobetsa ka metsi, mme lona lo tla kolobediwa ka moya o o boitshepo+ malatsi a se mantsi morago ga seno.”
6 Jaanong, e rile ba kopane, ba simolola go mmotsa ba re: “Morena, a o busetsa bogosi+ mo Iseraele mo nakong eno?”
7 A ba raya a re: “Ga se ga lona go nna le kitso ya dinako kgotsa dipaka+ tse Rara a di beileng mo taolong ya gagwe;+
8 lo tla amogela maatla+ fa moya o o boitshepo o goroga mo go lona, mme lo tla nna basupi+ ba me mo Jerusalema+ mmogo le mo Judea yotlhe le Samarea+ le go ya karolong e e kwa kgakalakgakala ya lefatshe.”+
9 Mme ya re a sena go bua dilo tseno, ba ntse ba lebile, a tsholelediwa kwa godimo+ mme leru la mo tseela kwa godimo le mo tlosa mo ponong ya bone.+
10 Mme ya re ba lebile kwa loaping fa a ntse a tsamaya, gape, bona! banna ba le babedi ba apere diaparo tse ditshweu+ ba ema go bapa le bone,
11 mme ba re: “Banna ba Galalea, ke ka ntlha yang lo eme lo lebile kwa loaping? Jesu yono yo o neng a tlhatlosediwa kwa godimo kwa loaping a tswa mo go lona o tla tla jalo ka mokgwa o o tshwanang+ le o lo mmoneng a ya kwa loaping ka one.”
12 Go tswa foo ba boela+ Jerusalema ba tswa mo thabeng e e bidiwang Thaba ya Lotlhware, e e gaufi le Jerusalema, e le bokgakala jwa loeto lwa letsatsi la sabata.+
13 Jalo, e rile ba sena go tsena, ba tlhatlogela kwa ntlwaneng e e kwa godimo,+ koo ba neng ba nna gone, Petere mmogo le Johane le Jakobe le Anderea, Filipo le Thomase, Barotholomeo le Mathaio, Jakobe morwa Alefaeo le Simone motlhoafadi, le Judase morwa Jakobe.+
14 Botlhe bano ba ne ba nnetse ruri mo thapelong+ ba le seoposengwe, mmogo le basadi bangwe+ le Marea mmaagwe Jesu le bomorwarraagwe.+
15 Jaanong mo malatsing ano Petere a ema mo gare ga bakaulengwe mme a re (boidiidi jwa batho botlhe ba ne ba ka nna lekgolo le masome a mabedi):
16 “Banna, bakaulengwe, go ne go tlhokega gore lokwalo lo diragadiwe,+ lo moya o o boitshepo+ o neng wa lo bua go sa le pele ka molomo wa ga Dafide kaga Judase,+ yo o neng a nna mokaedi wa ba ba neng ba tshwara Jesu,+
17 ka gonne o ne a baletswe mo gare ga rona+ e bile o ne a na le seabe mo bodireding jono.+
18 (Jalo, ene monna yono, o ne a reka+ tshimo ka dituelo tsa tshiamololo,+ mme ya re a wa ka tlhogo pele,+ a phanyega mo teng ka modumo mme mala otlhe a gagwe a gorometsegela kwa ntle.
19 Gape go ne ga itsiwe ke banni botlhe ba Jerusalema, mo e leng gore tshimo eo e ne ya bidiwa Akeledama ka puo ya bone, ke gore, Tshimo ya Madi.)
20 Gonne go kwadilwe mo bukeng ya Dipesalema ga twe, ‘A lefelo la gagwe la bonno le kgakgabale, mme a go se nne monni ope mo go lone,’+ ga ba ga kwalwa ga twe, ‘Tiro ya gagwe ya bolebedi a e tsewe ke mongwe o sele.’+
21 Jalo go a tlhokega gore mo banneng ba ba neng ba kopana le rona mo nakong yotlhe e Morena Jesu a neng a tsena a ba a tswa gareng ga rona,+
22 go simolola ka go kolobediwa ga gagwe ke Johane+ le go fitlha ka letsatsi le a neng a tlhatlosediwa kwa godimo ka lone a tswa mo go rona,+ mongwe wa banna bano o tshwanetse go nna mosupi mmogo le rona wa tsogo ya gagwe.”+
23 Jalo ba tlhopha ba babedi, Josefa yo o bidiwang Baresabase, yo sefane sa gagwe e neng e le Juseto, le Mathiase.
24 Mme ba rapela ba re: “Wena, Jehofa, yo o itseng dipelo tsa botlhe,+ supa gore ke ofe wa banna ba babedi bano yo o mo tlhophileng,
25 gore a tseye sebaka sa bodiredi jono le boaposetoloi,+ jo Judase a neng a fapoga mo go jone a ya lefelong la gagwe.”
26 Jalo ba tshela bola+ ka ga bone, mme bola jwa wela Mathiase; mme a balelwa mmogo le baaposetoloi ba ba lesome le bongwe.+
