Duteronome 16:1-22
16 “A go bolokwe kgwedi ya Abibe,+ mme o ketekele Jehofa Modimo+ wa gago tlolaganyo, ka gonne mo kgweding ya Abibe Jehofa Modimo wa gago o ne a go ntsha kwa Egepeto bosigo.+
2 Mme o ntshetse Jehofa Modimo wa gago setlhabelo sa tlolaganyo,+ sa letsomane+ le sa motlhape, mo lefelong le Jehofa a tla le tlhophang gore leina la gagwe le age mo go lone.+
3 O se ka wa e ja le sepe se se bedisitsweng malatsi a le supa.+ O e je mmogo le dikuku tse di sa bedisiwang, senkgwe sa pogisego, ka gonne o ne wa tswa kwa lefatsheng la Egepeto+ ka potlako, gore o gakologelwe letsatsi le o duleng kwa lefatsheng la Egepeto ka lone malatsi otlhe a botshelo jwa gago.+
4 Go se ka ga bonwa sebediso sepe mo go wena mo karolong yotlhe ya gago ya naga malatsi a le supa,+ le gone nama epe, e o tla e ntshang setlhabelo mo maitseboeng mo letsatsing la ntlha, e se ka ya lala bosigo jotlhe go fitlha mo mosong.+
5 Ga o kitla o letlelelwa go ntsha setlhabelo sa tlolaganyo mo go ope wa metse ya gago e Jehofa Modimo wa gago a e go nayang.
6 Mme kwa lefelong le Jehofa Modimo wa gago a tla le tlhophang gore leina la gagwe le age kwa go lone,+ o ntshe setlhabelo sa tlolaganyo kwa go lone mo maitseboeng fela fa letsatsi le phirima,+ ka nako e e tlhomilweng ya go tswa ga gago kwa Egepeto.
7 Mme o apeye o bo o je+ mo lefelong le Jehofa Modimo wa gago a tla le tlhophang,+ mme mo mosong o retologe o ye kwa megopeng ya gago.
8 O je dikuku tse di sa bedisiwang malatsi a le marataro; mme mo letsatsing la bosupa go tla nna le kopano e e masisi ya ga Jehofa Modimo+ wa gago. O se ka wa dira tiro epe.
9 “O ipalele dibeke di le supa. O tla simolola go bala dibeke di le supa go simolola ka nako ya fa sekele e tsenngwa la ntlha mo dijong tse di emeng tsa ditlhaka.+
10 Morago ga moo o ketekele Jehofa Modimo wa gago moletlo wa dibeke,+ go ya ka tshupelo e e dirwang ka go rata ya seatla sa gago e o tla e nayang, go ya fela kafa Jehofa Modimo wa gago a ka go segofatsang+ ka teng.
11 Mme o ipele fa pele ga ga Jehofa Modimo+ wa gago, wena le morwao le morwadio le motlhanka wa gago le lelata la gago le Molefi yo o mo teng ga dikgoro tsa gago le moagi wa moeng+ le mosimane yo o se nang rre+ le motlholagadi,+ ba ba mo gare ga gago, mo lefelong le Jehofa Modimo wa gago a tla le tlhophang gore leina la gagwe le age mo go lone.+
12 Mme o gakologelwe gore o ne wa nna motlhanka kwa Egepeto,+ mme o boloke melao+ eno o bo o e diragatse.
13 “O iketekele meletlo ya diobo+ malatsi a le supa fa o phutha mo seboaneng sa gago le mo segatisetsong sa gago sa leokwane le beine.
14 Mme o ipele mo nakong ya moletlo+ wa gago, wena le morwao le morwadio le motlhanka wa gago le lelata la gago le Molefi le moagi wa moeng le mosimane yo o se nang rre le motlholagadi, ba ba mo teng ga dikgoro tsa gago.
15 O ketekele Jehofa Modimo wa gago moletlo+ malatsi a le supa mo lefelong le Jehofa a tla le tlhophang, ka gonne Jehofa Modimo wa gago o tla go segofatsa+ mo maungong otlhe a gago le mo tirong nngwe le nngwe ya seatla sa gago, mme o ipele+ fela thata.
16 “Motho mongwe le mongwe wa gago wa monna a bonale fa pele ga ga Jehofa Modimo wa gago gararo ka ngwaga mo lefelong le a tla le tlhophang:+ mo moletlong wa dikuku tse di sa bedisiwang+ le mo moletlong wa dibeke+ le mo moletlong wa diobo,+ mme ope a se ka a bonala fa pele ga ga Jehofa a iphotlhere+ fela.
17 Mpho ya seatla sa mongwe le mongwe e lekane le tshegofatso ya ga Jehofa Modimo wa gago e a e go neileng.+
18 “O itlhomele baatlhodi+ le badiredi+ mo teng ga dikgoro tsotlhe tsa gago tse Jehofa Modimo wa gago a di go nayang ka ditso tsa gago, mme ba atlhole batho ka katlholo e e siameng.
19 O se ka wa sokamisa katlholo.+ O se ka wa tlhaola batho+ kgotsa wa amogela pipamolomo, gonne pipamolomo e foufatsa matlho a ba ba botlhale+ e bile e sokamisa mafoko a ba ba siameng.
20 Tshiamiso—o latelele tshiamiso,+ gore o nne o ntse o tshela le gore ruri o rue lefatshe le Jehofa Modimo wa gago a le go nayang.+
21 “O se ka wa ijalela setlhare sa mofuta ope go nna kota e e boitshepo gaufi le sebeso sa ga Jehofa Modimo wa gago se o tla se itirelang.+
22 “Le gone o se ka wa itlhomela pilara e e boitshepo,+ selo se Jehofa Modimo wa gago a se tlhoileng eleruri.+
