Esekiele 15:1-8
15 Mme lefoko la ga Jehofa la tswelela go tla mo go nna, le re:
2 “Morwa motho, setlhare sa mofine+ se farologana jang le setlhare sengwe le sengwe se sele, letlhogela, le le mo gare ga ditlhare tsa sekgwa?
3 A go tsewa kota mo go sone gore go dirwe tiro nngwe ka yone? Kgotsa a batho ba tsaya lomapo mo go sone lwa go pega selwana sa mofuta mongwe le mongwe?
4 Bona! Se tla tsenngwa mo molelong gore se tukise.+ Molelo o laila dintlha tsa sone ka bobedi, mme bogare jwa sone bo a sha+. A se tshwanela tiro epe?
5 Bona! Fa se feletse, ga se dirisediwe tiro epe. A bo se ka se ka sa dirisediwa tiro epe e nngwe bogolo jang fa molelo o se laitse mme se shele!”+
6 “Ka jalo Morena Molaodimogolo Jehofa o buile jaana, ‘Fela jaaka setlhare sa mofine mo gare ga ditlhare tsa sekgwa, se ke se tsentseng mo molelong gore se tukise, ke tsentse banni ba Jerusalema+ fela jalo.
7 Mme ke lebisitse sefatlhego sa me kgatlhanong le bone.+ Ba dule mo molelong, mme molelo o tla ba laila.+ Mme lo tla itse gore ke nna Jehofa, fa ke lebisa sefatlhego sa me kgatlhanong le bone.’”+
8 “‘Mme ke tla dira lefatshe kgakgabalo,+ ka lebaka la gore ba dirile ka go tlhoka boikanyegi,’+ go bua Morena Molaodimogolo Jehofa.”
