Mika 1:1-16
1 Lefoko la ga Jehofa le le neng la tla kwa go Mika+ wa Moreshethe, mo metlheng ya ga Jothame,+ Ahase,+ Hesekia,+ dikgosi tsa Juda,+ le a neng a le bona mo ponatshegelong ka ga Samarea+ le Jerusalema:+
2 “Utlwang, lona ditšhaba, lotlhe fela; tlhwaya tsebe, wena lefatshe le se se tletseng mo go wena,+ mme a Morena Molaodimogolo Jehofa a nne mosupi+ kgatlhanong le wena, Jehofa a le mo tempeleng ya gagwe e e boitshepo.+
3 Gonne, bonang! Jehofa o tswa mo lefelong la gagwe,+ mme ruri o tla fologa mme a gate mafelo a a kwa godimo a lefatshe.+
4 Mme dithaba di tla gakologa kafa tlase ga gagwe,+ le mabala a a kwa tlase a tla fatoga, jaaka bonota ka ntlha ya molelo, jaaka metsi a a tshololwang mo lefelong le le fologelang.
5 “Ke ka ntlha ya botlhanogi jwa ga Jakobe gore go bo go na le seno sotlhe, ee, ka ntlha ya maleo a ntlo ya Iseraele.+ Botlhanogi jwa ga Jakobe ke eng? A ga se Samarea?+ Mme mafelo a a kwa godimo a Juda ke eng?+ A ga se Jerusalema?
6 Mme eleruri ke tla dira Samarea mokoa wa marope a naga,+ mafelo a go jala tshimo ya mofine; mme ke tla tshololela maje a gagwe mo mokgatšheng, le metheo ya gagwe ke tla e bipolola.+
7 Ditshwantsho tsa gagwe tse di betlilweng di tla thubaganngwa+ tsotlhe, mme dimpho tsotlhe tse a di filweng e le tuelo ya gagwe di tla fisiwa mo molelong;+ mme ke tla dira medingwana yotlhe ya gagwe kgakgabalo. Gonne o di phuthile mo dilong tse di neilweng e le tuelo ya seaka, mme di tla boela kwa go seo se se neilweng e le tuelo ya seaka.”+
8 Ka ntlha ya seno ke tla lela ke bo ke bokolela;+ ke tla tsamaya ke sa rwala mo maotong e bile ke sa ikatega.+ Ke tla kuruetsa jaaka bophokoje, ke bo ke hutsafala jaaka bontšhe ba ba namagadi.
9 Gonne titeo e e mo go ene ga e kgone go fodisiwa;+ gonne e fitlhile mo Juda,+ sebetso se fitlhile kwa kgorong ya batho ba me, go fitlha kwa Jerusalema.+
10 “Lo se ka lwa se bolela kwa Gathe; ruri lo se ka lwa lela.+
“Mo ntlong ya ga Afera bidikamang mo loroleng.+
11 Kgabaganya, wena mosadi yo o nnang mo Shafire, mo bosaikategang jwa matlhabisa ditlhong.+ Mosadi yo o nnang mo Saanane ga a tsamaya. Go lela ga ga Bethe-esele go tla bona lefelo la gone la go ema, mo go lona.
12 Gonne mosadi yo o nnang mo Marothe o letetse se se molemo,+ mme se se bosula se fologile kwa go Jehofa se ya kwa kgorong ya Jerusalema.+
13 Golegelela kara mo setlhopheng sa dipitse, wena mosadi yo o nnang mo Lakishe.+ Ene o ne a le tshimologo ya boleo mo go morwadia Siona,+ gonne go tlhanoga ga Iseraele go fitlhetswe mo go wena.+
14 Ka jalo o tla naya Moreshethe-gathe+ dimpho tsa go kgaogana. Matlo a Akesibe a ne a ntse jaaka sengwe se se tsietsang mo dikgosing tsa Iseraele.
15 Ke sa ntse ke tla go tlisetsa mogapi,+ wena mosadi yo o nnang mo Mareshahe.+ Kgalalelo ya Iseraele e tla tla go fitlha mo Adulama.+
16 Dira gore go nne le lefatla, mme o pome moriri wa gago ka ntlha ya bomorwao ba ba itumedisang thata.+ Atolosa lefatla la gago jaaka la ntsu, ka gonne ba dule mo go wena ba ya botshwarwa.”+
