Mika 5:1-15
5 “Mo nakong eno o a itshegaka,+ wena morwadia tlhaselo; ene o re dikanyeditse.+ Ba tla itaya lerama la moatlhodi wa Iseraele ka thobane.+
2 “Mme wena, Bethelehema Eferatha,+ yo monnye thata go ka nna mo gare ga dikete tsa Juda,+ go tswa mo go wena+ go tla tla mo go nna yo o tla nnang mmusi mo Iseraele,+ yo o simologileng mo metlheng ya bogologolo, mo metlheng e e se nang tshimologo.+
3 “Ka jalo o tla ba tlogela+ go fitlha ka nako e yo o belegang a belega.+ Mme bomorwarraagwe ba bangwe botlhe ba tla boela kwa go bomorwa Iseraele.
4 “Mme eleruri o tla ema a bo a disa ka nonofo ya ga Jehofa,+ mo tlotlomalong ya leina la ga Jehofa Modimo wa gagwe.+ Mme eleruri ba tla tswelela ba nna,+ gonne jaanong o tla bo a le mogolo go ya kwa mafelelong a lefatshe.+
5 Mme yono o tla nna kagiso.+ Fa e le Moasiria ene, fa a tla mo lefatsheng la rona le fa a gata ditora tsa rona tsa bonno,+ le rona re tla tsosa badisa ba le supa kgatlhanong le ene, ee, dikgosana di le robedi tse di tswang mo bathong.
6 Mme ruri ba tla disa lefatshe la Asiria ka tšhaka,+ le lefatshe la ga Nimerode+ mo matsenong a lone. Mme ruri o tla tlisa kgololo e e tswang mo Moasirieng,+ fa a tla mo lefatsheng la rona le fa a gata karolo ya rona ya naga.
7 “Mme ba ba setseng ba ga Jakobe+ ba tla nna jaaka monyo o o tswang kwa go Jehofa+ mo gare ga ditšhaba di le dintsi, jaaka dipula tse dikgolo mo dimeleng,+ tse di sa solofeleng mo mothong kgotsa di sa letele bomorwa motho wa mo lefatsheng.+
8 Mme mo gare ga ditšhaba, mo gare ga batho ba bantsi, ba ba setseng ba ga Jakobe ba tla nna jaaka tau mo gare ga diphologolo tsa sekgwa, jaaka tawana e e seriri mo gare ga matsomane a dinku, e e reng fa e ralala, e bo e gataka e bile e gagoganya;+ mme go se na mogolodi.
9 Seatla sa gago se tla nna kwa godimo ga baba ba gago,+ mme baba botlhe ba gago ba tla kgaolwa.”+
10 “Mme go tla diragala mo letsatsing leo,” go bua Jehofa, “gore ke fedise dipitse tsa gago mo gare ga gago mme ke bo ke senya dikara tsa gago.+
11 Gape ke tla fedisa metse ya lefatshe la gago ke bo ke rutlolola mafelo otlhe a gago a a sireletsegileng.+
12 Mme ke tla fedisa boloi mo seatleng sa gago, e bile ga o kitla o tswelela o na le batho ba ba dirang maselamose.+
13 Gape ke tla fedisa ditshwantsho tsa gago tse di betlilweng le dipilara tsa gago mo gare ga gago, mme ga o na go tlhola o ikobela tiro ya diatla tsa gago.+
14 E bile ke tla kumola dikota tsa gago tse di boitshepo+ mo gare ga gago ke bo ke nyeletsa metse ya gago.
15 Ke tla diragatsa pusoloso ka bogale le ka tšararego mo ditšhabeng tse di sa utlwang.”+
