Nehemia 10:1-39
10 Jaanong ba ba neng ba e netefatsa ka letshwao+ e ne e le:
Nehemia+ wa Motireshatha,+ morwa Hakalia,+Le Sedekia,
2 Seraia,+ Asaria, Jeremia,
3 Pashure, Amaria, Malekija,
4 Hatushe, Shebania, Maluke,
5 Harime,+ Meremothe, Obadia,
6 Daniele,+ Ginethone, Baruke,
7 Meshulame, Abija, Mijamine,
8 Maasia, Bilegai le Shemaia, bano e le baperesiti.
9 Le Balefi: Jeshua+ morwa Asania, Binui wa bomorwa Henadade,+ Kadamiele
10 le bomorwarraabone Shebania,+ Hodia, Kelita, Pelaia, Hanane,
11 Miga, Rehobe, Hashabia,
12 Sakure, Sherebia,+ Shebania,
13 Hodia, Bani le Beninu.
14 Ditlhogo tsa batho: Paroshe, Pahathe-moabe,+ Elama, Satu, Bani,
15 Bunni, Asegade, Bebai,
16 Adonija, Bigefai, Adine,
17 Atere, Hesekia, Asure,
18 Hodia, Hashume, Besai,
19 Harife, Anathothe, Nebai,
20 Magepiashe, Meshulame, Hesire,
21 Meshesabele, Sadoke, Jadua,
22 Pelatia, Hanane, Anaia,
23 Hoshea, Hanania, Hashube,
24 Haloheshe, Pileha, Shobeke,
25 Rehume, Hashabena, Maaseia,
26 le Ahija, Hanane, Anane,
27 Maluke, Harime, Baana.
28 Fa e le batho ba bangwe botlhe, baperesiti,+ Balefi,+ balebedi ba kgoro,+ baopedi,+ Banethinime+ le mongwe le mongwe yo o ikgaoganyang le ditšhaba tsa mafatshe+ ba ya kwa molaong+ wa Modimo wa boammaaruri, basadi ba bone, bomorwaabone le bomorwadiabone, mongwe le mongwe yo o nang le kitso le tlhaloganyo,+
29 ba ne ba ngaparela bomorwarraabone,+ batho ba bone ba ba tlotlometseng,+ le go lebanwa ke phutso+ le ikano+ ya go tsamaya mo molaong wa Modimo wa boammaaruri, o o neng o neilwe ka seatla sa ga Moshe motlhanka wa Modimo wa boammaaruri,+ le go boloka+ le go dira ditaolo tsotlhe tsa ga Jehofa Morena+ wa rona le ditshwetso tsa gagwe tsa boatlhodi le melao+ ya gagwe;
30 le gore ga re a tshwanela go naya ditšhaba bomorwadiarona, le bomorwadiabone ga re a tshwanela go ba tseela bomorwaarona.+
31 Fa e le ditšhaba tsa lefatshe+ tse di neng di tlisa dithoto le mefuta yotlhe ya dijo tsa dithoro mo letsatsing la sabata gore di di rekise, ga re a tshwanela go tsaya sepe mo go tsone mo letsatsing la sabata+ kgotsa mo letsatsing le le boitshepo,+ gape re tshwanetse go itima ngwaga wa bosupa+ le molato wa seatla sengwe le sengwe.+
32 Gape, re ne ra inaya ditaelo tsa gore mongwe le mongwe wa rona, a ntshe karolo ya boraro ya shekele ngwaga le ngwaga a ntshetsa tirelo ya ntlo ya Modimo+ wa rona,
33 a ntshetsa senkgwe se se tlhatlagantsweng+ le tshupelo ya dijo tsa ditlhaka+ ya ka metlha le tshupelo e e fisiwang ya ka metlha ya bosabata,+ dingwedi tse disha,+ mediro e e tlhomilweng+ le dilo tse di boitshepo+ le ditshupelo tsa boleo+ go direla Iseraele tetlanyo le tiro yotlhe ya ntlo ya Modimo wa rona.+
34 Gape, re ne ra latlha bola+ malebana le dikgong+ tse baperesiti, Balefi le batho ba tshwanetseng go di tlisa mo ntlong ya Modimo wa rona, ka ntlo ya borraaronamogologolwane, ka dinako tse di tlhomilweng, ngwaga le ngwaga, gore ba di fise mo sebesong sa ga Jehofa Modimo wa rona,+ go ya ka se se kwadilweng mo molaong;+
35 le go tlisa maungo a mabutswapele a mmu+ wa rona le maungo a mabutswapele a maungo otlhe a setlhare sa mofuta mongwe le mongwe,+ ngwaga le ngwaga, kwa ntlong ya ga Jehofa;
36 le leitibolo+ la bomorwaarona le la diruiwa tsa rona,+ go ya ka se se kwadilweng mo molaong,+ le leitibolo la metlhape ya rona le la matsomane+ a rona, go di tlisa mo ntlong ya Modimo wa rona, kwa baperesiting ba ba neng ba direla mo ntlong ya Modimo wa rona.+
37 Gape, mabutswapele a bupi jwa rona jo bo seng boleta+ le meneelo+ ya rona le maungo a setlhare sa mofuta mongwe le mongwe,+ beine e ntšha+ le leokwane+ re tshwanetse go di tlisa kwa baperesiting kwa diholong tsa bojelo+ tsa ntlo ya Modimo wa rona, le sa bosome se se tswang mo mmung wa rona se re se nayang Balefi,+ jaaka bone, Balefi, e le bone ba ba amogelang sa bosome mo metseng yotlhe ya rona ya temothuo.
38 Mme moperesiti, morwa Arone, o tshwanetse gore a bo a na le Balefi fa Balefi ba amogela sa bosome; mme Balefi ba tshwanetse go isa sa bosome sa sa bosome kwa ntlong ya Modimo+ wa rona kwa diholong tsa bojelo+ tsa ntlo ya dithoto.
39 Gonne bomorwa Iseraele le bomorwa Balefi ba tshwanetse go tlisa moneelo+ wa dijo tsa ditlhaka, beine e ntšha+ le leokwane kwa diholong tsa bojelo, mme ke teng kwa dilwana tsa lefelo le le boitshepo le baperesiti ba ba neng ba direla,+ le balebedi ba kgoro+ le baopedi+ ba leng teng; mme ga re a tshwanela go tlhokomologa ntlo ya Modimo wa rona.+
