Nehemia 4:1-23
4 Jaanong ga diragala gore, fela fa Sanabalate+ a utlwa gore re ne re aga lobota sesha, a galefa+ a ba a kgopisega thata, mme a nna a sotla+ Bajuda.
2 Mme a simolola go bua jaana fa pele ga bomorwarraagwe+ le mophato wa sesole wa Samarea, ee, a simolola go bua jaana: “Bajuda ba ba bokoa bano ba dirang? A ba tla ikaega ka bone ka nosi? A ba tla ntsha setlhabelo?+ A ba tla fetsa ka letsatsi? A ba tla tshedisa maje go tswa mo mekoeng ya matlakala+ a a lorole fa a fisiwa?”
3 Jaanong Tobia+ wa Moamona+ o ne a le fa thoko ga gagwe, mme a tswelela a re: “Le se ba se agang, fa phokoje+ a ne a ka se palama, ruri o ne a tla thuba lobota lwa bone lwa maje.”
4 Utlwa,+ wena Modimo wa rona, gonne re fetogile ba ba nyadiwang;+ mme o busetse kgobo+ ya bone mo tlhogong ya bone, o bo o ba neelele gore ba gapiwe mo lefatsheng la botshwarwa.
5 Mme o se ka wa bipa tlolo+ ya bone le boleo jwa bone fa pele ga gago. A bo se ka jwa phimolwa, gonne ba kgopisitse baagi.
6 Ka jalo ra nna ra aga lobota, mme lobota lotlhe lwa kopana mo bogareng jwa bogodimo jwa lone, mme batho ba tswelela go nna le pelo ya go dira.+
7 Jaanong ga diragala gore, fela fa Sanabalate+ le Tobia+ le Baarabia+ le Baamona+ le Baashedoda+ ba utlwa gore go baakanngwa ga dipota tsa Jerusalema go ne go tsweletse pele, gonne diphatlha di ne di simolotse go thijwa, ba galefa thata.
8 Mme botlhe ba simolola go loga leano la boferefere+ mmogo la go tla go tlhabana le Jerusalema le go mpakela matshwenyego.
9 Mme ra rapela+ Modimo wa rona ra bo ra tlhoma badisa ka ntlha ya bone gore ba ba dise motshegare le bosigo.
10 Mme Juda a simolola go re: “Maatla a mosikari wa mokgweleo+ a kgopilwe, mme go na le matlakala+ a mantsi fela thata; mme rona ga re kgone go aga mo loboteng.”
11 Mo godimo ga moo, baba ba rona ba ne ba nna ba re: “Ga ba na go itse+ le gone ga ba na go bona go fitlha re tsena mo gare ga bone, mme ruri re tla ba bolaya re bo re emisa tiro.”
12 Mme ga diragala gore, le fa e le leng fela fa Bajuda ba ba nnang gaufi le bone ba tsena, ba ne ba re raya makgetlo a le lesome ba re: “[Ba tla tlhatloga] mo mafelong otlhe a lo tla boelang mo go rona kwa go one.”
13 Ka jalo ka nna ke tlhomile banna kwa dikarolong tse di kwa tlasetlase tsa lefelo le le fa morago ga lobota kwa mafelong a a bulegileng, mme ka nna ke tlhomile batho ka malapa a bone ba tshotse ditšhaka+ tsa bone, marumo+ a bone le mara a bone.
14 E rile ke bona poifo ya bone ka yone nako eo ka nanoga ka raya batlotlegi+ le bathusi ba mmusi+ le batho ba bangwe botlhe ka re: “Lo se ka lwa boifa+ ka ntlha ya bone. Nnang lo gopotse; Jehofa yo mogolo+ le yo o boitshegang;+ mme lo lwele bomorwarraalona,+ bomorwaalona le bomorwadialona, basadi ba lona le magae a lona.”
15 Mme ga diragala gore fela fa baba ba rona ba utlwa gore re ne re itse, mo e leng gore Modimo wa boammaaruri o ne a kgoreleditse maikaelelo+ a bone mme rotlhe re ne re boetse kwa loboteng, mongwe le mongwe kwa tirong ya gagwe,
16 ee, go ne ga diragala gore go simolola ka letsatsi leo go ya pele sephatlo sa makau+ a me se ne se le matlhagatlhaga mo tirong mme sephatlo sa bone se ne se tshwere marumo, dithebe le mara le meitshomelo ya phemelo;+ mme dikgosana+ di ne di le fa morago ga ntlo yotlhe ya Juda.
17 Fa e le baagi ba ba mo loboteng le ba ba neng ba tshotse mokgweleo wa basikari ba merwalo bone, mongwe le mongwe wa bone o ne a le matlhagatlhaga mo tirong ka seatla se le sengwe fa seatla se sengwe+ se ne se tshwere sebetsa se se konopiwang.+
18 Mme baagi ba ne ba ikgatlhile, mongwe le mongwe ka tšhaka ya gagwe mo nōkeng,+ fa ba ntse ba aga;+ mme yo o neng a tshwanetse go letsa lonaka+ o ne a le fa thoko ga me.
19 Mme ka raya batlotlegi le bathusi ba mmusi+ le batho ba bangwe botlhe ka re: “Tiro e kgolo e bile e a boitshega, mme re aname mo loboteng re katologane thata.
20 Kwa lefelong le lo utlwang modumo wa lonaka kwa go lone, ke teng kwa lo tla phuthegelang mmogo kwa go rona teng. Modimo wa rona o tla re lwela.”+
21 Fa re ne re le matlhagatlhaga mo tirong, sephatlo se sengwe sa bone le sone se ne se tshwere marumo, go tloga fa bo sa go fitlha dinaledi di tswa.
22 Mo godimo ga moo, ka nako eo ke ne ka raya batho ka re: “A banna ba lale, mongwe le mongwe le motlhokomedi wa gagwe, mo gare ga Jerusalema,+ mme ba nne badisa ba rona bosigo le badiri motshegare.”
23 Fa e le nna+ le bomorwarre+ le batlhokomedi+ ba me le banna ba badisa+ ba ba neng ba le fa morago ga me, re ne re sa apole diaparo tsa rona, mongwe le mongwe a tshotse sebetsa sa gagwe se se konopiwang+ mo seatleng sa gagwe sa moja.
