Ruthe 4:1-22
4 Mme Boase ene, a tlhatlogela kwa kgorong+ mme a nna koo. Mme bonang! ga bo go feta morekolodi, yo Boase a neng a mo umakile.+ Mme a re: “Mokètè, a ko o fapogele kwano, a ko o nne fano fa fatshe.” Ka jalo a fapoga mme a nna fa fatshe.
2 Morago ga moo a tsaya banna ba le lesome mo bagolwaneng+ ba motse mme a re: “Nnang fano fa fatshe.” Ka jalo ba nna fa fatshe.
3 Jaanong a raya morekolodi+ a re: “Naomi, yo o boileng kwa tshimong ya Moabe,+ o tshwanetse go rekisa sebata sa tshimo se e neng e le sa ga morwarraarona Elimeleke.+
4 Mme nna, ke akantse gore ke tshwanetse go go lotlegela seno, ke re, ‘Se reke+ fa pele ga banni le bagolwane ba batho ba gaetsho.+ Fa e le gore o a se rekolola, se rekolole; mme fa o sa se rekolole, a ko o mpolelele, gore ke tle ke itse, ka gonne ga go na ope kwantle ga gago yo o ka se rekololang,+ mme ke latela wena.’” Foo a re: “Ke nna ke tla se rekololang.”+
5 Mme Boase a re: “Ka letsatsi le o rekang tshimo eno mo seatleng sa ga Naomi ka lone, o tshwanetse wa e reka le mo go Ruthe wa Momoabe, mosadi wa monna yo o suleng, gore o tsose leina la monna yo o suleng mo bosweng jwa gagwe.”+
6 Foo morekolodi a re: “Ga ke kgone go e ithekololela, ka ke boifa gore nka nna ka senya boswa jwa me ka nosi. Wena e ithekololele ka tshwanelo ya me ya go rekolola, ka gonne ga ke kgone go e rekolola.”
7 Jaanong ono e ne e le mokgwa wa metlha ya pele kwa Iseraele ka ga tshwanelo ya go rekolola le ka ga go ananya, go tlhomamisa selo sa mofuta mongwe le mongwe: Motho o ne a tshwanetse go somola mpaatšhane+ wa gagwe mme a o neye mongwe ka ene, mme seno e ne e le bosupi kwa Iseraele.
8 Ka jalo e rile morekolodi a raya Boase a re: “E ithekele,” a somola mpaatšhane+ wa gagwe.
9 Foo Boase a raya bagolwane le batho botlhe a re: “Lo basupi+ gompieno gore ke reka gotlhe mo e neng e le ga ga Elimeleke le gotlhe mo e neng e le ga ga Kilione le Mahelone mo seatleng sa ga Naomi.
10 Mme le Ruthe wa Momoabe, mosadi wa ga Mahelone, ke a mo ithekela gore e nne mosadi wa me e le go tsosa leina la monna yo o suleng+ mo bosweng jwa gagwe le gore leina la monna yo o suleng le tle le se ka la kgaolwa mo go bomorwarraagwe le mo kgorong ya lefelo la gagwe. Lo basupi+ gompieno.”
11 Foo batho botlhe ba ba neng ba le fa kgorong le bagolwane ba re: “Basupi! E kete Jehofa a ka dira gore mosadi yo o tlang mo ntlong ya gago a tshwane le Ragele+ le Lea,+ ba ka bobedi ba agileng ntlo ya Iseraele;+ mme wena o itshupe o le botlhokwa mo Eferatha+ o bo o itirele leina mo Bethelehema.+
12 Mme e kete ntlo ya gago e e tla tswang mo baneng ba Jehofa a tla ba go nayang ka lekgarebe+ leno, e ka nna jaaka ntlo ya ga Perese, yo Tamare a neng a mo tsholela Juda.”+
13 Ka jalo Boase a tsaya Ruthe mme a nna mosadi wa gagwe a ba a lala le ene. Jalo Jehofa a dira gore a ithwale+ mme a tshola ngwana wa mosimane.
14 Mme basadi ba simolola go raya Naomi ba re:+ “A go bakwe Jehofa,+ yo o sa letlang gore morekolodi a go swabise gompieno; gore leina la gagwe le bolelwe mo Iseraele.
15 Mme o ntse motsosolosi wa moya wa gago le yo o tla otlang botsofe jwa gago,+ ka gonne ngwetsi ya gago e e go ratang,+ e e botoka mo go wena go na le bana ba basimane ba le supa,+ e mmelege.”
16 Mme Naomi a tsaya ngwana a mmaya mo sehubeng sa gagwe, a nna motlhokomedi wa gagwe.
17 Mme basadi ba baagelani+ ba mo naya leina, ba re: “Naomi o tsaletswe ngwana wa mosimane.” Mme ba simolola go bitsa leina la gagwe ba re Obede.+ Ke ene rraagwe Jese,+ rraagwe Dafide.
18 Jaanong tseno ke dikokomana tsa ga Perese:+ Perese a nna rraagwe Heserone;+
19 Heserone a nna rraagwe Rame;+ Rame a nna Rraagwe Aminadabe;
20 Aminadabe+ a nna rraagwe Nashone;+ Nashone a nna rraagwe Salamone;
21 Salamone+ a nna rraagwe Boase; Boase+ a nna rraagwe Obede;
22 Obede a nna rraagwe Jese;+ Jese a nna rraagwe Dafide.+
