Ditiragalo wa Ntlha 16:1-43
16 Ka jalo, ba ne ba tsenya Letlole la Modimo wa boammaaruri mo teng ga tente e Dafide a neng a e le tlhometse ba bo ba le baya mo lefelong la lone;+ mme ba ne ba ntsha ditlhabelo tse di fisiwang le ditlhabelo tsa go abelana fa pele ga Modimo wa boammaaruri.+
2 E rile Dafide a sena go ntsha ditlhabelo tse di fisiwang+ le ditlhabelo tsa go abelana,+ o ne a segofatsa batho mo leineng la ga Jehofa.
3 Mo godimo ga moo, o ne a abela Baiseraele botlhe, monna le mosadi mongwe le mongwe senkgwe se se kgolokwe, kuku ya leungo la mokolane le kuku ya morara* o o swabisitsweng.
4 Go tswa foo, o ne a tlhoma bangwe ba Balefi gore ba direle fa pele ga Letlole la ga Jehofa,+ gore ba tlotle,* ba leboge ba bo ba bake Jehofa, Modimo wa Iseraele.
5 Asafe+ e ne e le tlhogo ya bone, mme wa bobedi e le Sekarea; mme Jeiele, Shemiramothe, Jehiele, Matithia, Eliabe, Benaia, Obede-edoma le Jeiele+ ba ne ba letsa diletswa tsa megala le diharepa;+ Asafe o ne a letsa disemebala,+
6 mme Benaia le Jahasiele e bong baperesiti ba ne ba letsa diterompeta ka metlha fa pele ga letlole la kgolagano ya Modimo wa boammaaruri.
7 E ne ya nna mo letsatsing leo mo Dafide a neng a tlhama pina lekgetlo la ntlha ya go leboga Jehofa a bo a laela Asafe+ le bomorwarraagwe gore ba e opele, ba re:
8 “Ntshetsang Jehofa ditebogo,+ bitsang leina la gagwe,Itsiseng ditiro tsa gagwe mo ditšhabeng!+
9 Mo opeleleng, mo opeleleng dipako,*+Akanyang thata* ka ditiro tsotlhe tsa gagwe tse di gakgamatsang.+
10 Ipelafatseng ka leina la gagwe le le boitshepo.+
A dipelo tsa ba ba direlang Jehofa di itumele.+
11 Direlang Jehofa+ mme lo mo kope gore a lo neye nonofo ya gagwe.
Mo kopeng gore a lo thuse ka metlha.+
12 Gakologelwang ditiro tse di gakgamatsang tse a di dirileng,+Dikgakgamatso tsa gagwe le dikatlholo tse a neng a di bolela,
13 Lona bana* ba ga Iseraele motlhanka wa gagwe,+Lona bomorwa Jakobe, ba a ba tlhophileng.+
14 Ke Jehofa, Modimo wa rona.+
Dikatlholo tsa gagwe di mo lefatsheng lotlhe.+
15 Gakologelwang kgolagano ya gagwe ka bosakhutleng,Tsholofetso e a e dirileng,* go fitlha dikokomaneng tse di sekete,+
16 Kgolagano e a neng a e dira le Aborahame,+Le maikano a a neng a a direla Isake,+
17 A a neng a tlhomamisetsa Jakobe+ gore o tla a diragatsa ka go dira molaoE bile e le kgolagano e e nnelang ruri mo go Iseraele,
18 O ne a re, ‘Ke tla go naya lefatshe la Kanana+E le boswa jwa lona jo lo bo abetsweng.’+
19 Ke ka nako ya fa lo ne lo le mmalwa ka palo,Lo ne lo le mmalwa thata, e bile lo ne lo le batswakwa mo lefatsheng.+
20 Ba ne ba nna ba tsamaya ba tswa mo setšhabeng se sengwe ba ya kwa setšhabeng se sengwe,Ba tswa mo bogosing jo bongwe ba ya kwa morafeng o mongwe.+
21 Ga a ka a letlelela motho ope go ba gatelela,+Mme o ne a kgalemela dikgosi ka ntlha ya bone,+
22 O ne a re, ‘Lo se ka lwa kgoma batlodiwa ba me,E bile lo se ka lwa dira baporofeti ba me sepe se se bosula.’+
23 Opelelang Jehofa, lona lefatshe lotlhe!
Itsiseng poloko ya gagwe letsatsi le letsatsi!+
24 Bolelelang ditšhaba kgalalelo ya gagwe,Bolelelang merafe yotlhe ditiro tsa gagwe tse di gakgamatsang.
25 Gonne Jehofa o mogolo e bile o tshwanelwa ke pako yotlhe.
O tshwanelwa ke go boifiwa go feta medimo e mengwe yotlhe.+
26 Medimo yotlhe ya ditšhaba ke medimo e e se nang mosola,+Mme Jehofa ke ene yo o dirileng magodimo.+
27 Kwa go ene go na le tlotlomalo* le kgalalelo;+Nonofo le boitumelo di mo lefelong le a nnang mo go lone.+
28 Nayang Jehofa se se mo tshwanetseng, lona malapa a ditšhaba,Nayang Jehofa se se mo tshwanetseng ka ntlha ya kgalalelo le nonofo ya gagwe.+
29 Nayang Jehofa kgalalelo e e tshwanelang leina la gagwe;+Tlisang mpho mme lo tle fa pele ga gagwe.+
Ikobeng fa pele ga ga* Jehofa lo apere diaparo tse di boitshepo.*+
30 Roromang fa pele ga gagwe, lona lefatshe lotlhe!
Lefatshe* le tlhomamisitswe thata; ga le ka ke la sutisiwa.*+
31 A magodimo a itumele, a lefatshe le itumele;+Bolelang mo ditšhabeng lo re: ‘Jaanong Jehofa ke Kgosi!’+
32 A lewatle le goe ka boitumelo le tsotlhe tse di mo go lone;A naga le sotlhe se se mo go yone di itumele.
33 A ditlhare tsa sekgwa le tsone di goe ka boitumelo fa pele ga ga Jehofa,Gonne o tlile go atlhola lefatshe.
34 Ntshetsang Jehofa ditebogo, ka gonne o molemo;+Lorato lwa gagwe lo lo sa kgaotseng lo nnela ruri.+
35 Mme lo re, ‘Re boloke tlhe Modimo wa poloko ya rona,+Re phuthe mme o re golole mo ditšhabeng,Gore re tle re ntshetse leina la gago le le boitshepo ditebogo,+Mme re itumelele go go baka.*+
36 E kete Jehofa, Modimo wa Iseraele, a ka bakwa
Ka bosakhutleng.’”*
Mme batho botlhe ba ne ba re: “Amen!”* mme ba ne ba baka Jehofa.
37 Go tswa foo, Dafide o ne a tlogela Asafe+ le ba masika a gagwe foo fa pele ga letlole la kgolagano ya ga Jehofa gore ba tswelele ba direla fa pele ga Letlole,+ go ya ka thulaganyo ya letsatsi le letsatsi.+
38 Obede-edoma le ba masika a gagwe ba le 68, le Obede-edoma, morwa Jeduthune, le Hosa e ne e le badisa ba dikgoro;
39 mme moperesiti Sadoke+ le baperesiti mmogo le ene ba ne ba le fa pele ga motlaagana wa ga Jehofa mo lefelong le le kwa godimo le le boitshepo kwa Gibeone+
40 gore ba ntshetse Jehofa ditlhabelo tse di fisiwang ka metlha mo sebesong sa ditlhabelo tse di fisiwang, mo mosong le maitseboa, le gore ba dire sotlhe se se kwadilweng mo Molaong wa ga Jehofa o a neng a o laetse Baiseraele.+
41 Ba ne ba na le Hemane le Jeduthune+ le banna ba bangwe botlhe ba ba tlhophilweng ba ba neng ba tlhaotswe ka maina gore ba leboge Jehofa,+ ka gonne “lorato lwa gagwe lo lo sa kgaotseng lo nnela ruri”;+
42 mme ba ne ba na le Hemane+ le Jeduthune gore ba letse diterompeta, disemebala le diletswa tse di neng di dirisiwa go baka* Modimo wa boammaaruri; mme bomorwa Jeduthune+ ba ne ba le kwa kgorong.
43 Go tswa foo, batho botlhe ba ne ba ya kwa magaeng a bone, mme Dafide o ne a ya go segofatsa ba lelapa la gagwe.
Dintlha Tse di Kwa Tlase
^ Kgotsa “diterebe; moretlwa.”
^ Seheb., “ba gakologelwe.”
^ Kgotsa “mo leletseng mmino.”
^ Kgotsa gongwe “Buang.”
^ Kgotsa “ditlogolwana.” Seheb., “losika.”
^ Seheb., “Lefoko le a le laetseng.”
^ Kgotsa “seriti.”
^ Kgotsa gongwe “ka ntlha ya bontlentle jwa boitshepo jwa gagwe.”
^ Kgotsa “Obamelang.”
^ Kgotsa “Naga e e ungwang.”
^ Kgotsa “tshikinngwa; reketlisiwa.”
^ Kgotsa “re itumele mo pakong ya gago.”
^ Kgotsa “Go tswa bosasimologeng go ya bosakhutleng.”
^ Kgotsa “A go nne jalo!”
^ Kgotsa “diletswa tsa pina ya.”
