Timotheo wa Bobedi 4:1-22
4 Ke go laela ka tlhoafalo fa pele ga Modimo, le fa pele ga Keresete Jesu yo o tla atlholang+ batshedi le baswi+ fa go nna gone ga gagwe go itsiwe+ le fa a busa mo Bogosing jwa gagwe:+
2 Rera lefoko;+ dira jalo ka bonako ka nako e e siameng le ka nako ya mathata; o kgalemele,+ o tlhagise o le pelotelele e bile o rute ka botswerere.+
3 Gonne go tla tla nako e ba se kitlang ba amogela thuto e e boammaaruri,*+ mme ba tla ikgobokanyetsa barutisi go ya ka dikeletso tsa bone gore ditsebe tsa bone di tsikitliwe.*+
4 Ba tla tlogela go reetsa boammaaruri ba bo ba reetsa dipolelo tsa maaka.
5 Mme wena, nna o thantse mo tlhaloganyong mo dilong tsotlhe,+ itshokele mathata, dira tiro ya moefangele,* direla Modimo ka botlalo.+
6 Gonne ke tshwana le setlhabelo sa senô+ se se tshololelwang mo sebesong, mme nako ya gore ke gololwe e tloga e goroga.+
7 Ke lole ntwa e e molemo,+ ke weditse lobelo go ya kwa bofelong,+ tumelo ya me e sa ntse e nonofile.
8 Jaanong Morena yo o atlholang ka tsela e e siameng,+ o mpeetse serwalo se se newang ba ba siameng.+ Mme o tla ntuela ka sone mo letsatsing la katlholo.+ Ga a kitla a duela nna fela mme gape o tla duela le botlhe ba ba ntseng ba eletsa go bona nako e a tla iponatsang ka yone.
9 Leka ka bojotlhe gore o tle kwa go nna mo bogautshwaneng.
10 Demase+ o ntatlhile ka gonne a ne a rata lefatshe leno,* mme o ile kwa Thesalonika, Keresense ene o ile kwa Galatia mme Tito ene o ile kwa Dalamatia.
11 Ke na le Luke fela. O tle le Mareko, ka gonne o nthusa thata mo bodireding.
12 Mme ke rometse Tikiko+ kwa Efeso.
13 Fa o tla, o tle le kobo e ke e tlogetseng kwa Teroase mo go Karepo le memeno, segolobogolo ya letlalo.
14 Alekesandere mothudi wa kopore o nkutlwisitse botlhoko thata. Jehofa* o tla mo duela go ya ka ditiro tsa gagwe.+
15 Mme le wena o mo ele tlhoko, ka gonne o ne a ganetsana le molaetsa wa rona fela thata.
16 Fa ke ne ke iphemela lekgetlo la ntlha fa pele ga balaodi, ga go na ope yo o neng a nkema nôkeng, ba ne ba ntatlha botlhe. Ke eletsa gore Modimo a se ka a ba bona molato.
17 Mme Morena o ne a ema gaufi le nna mme a nnaya maatla, gore ke kgone go rera ka botlalo le gore ditšhaba tsotlhe di utlwe molaetsa;+ mme ke ne ka gololwa mo molomong wa tau.+
18 Morena o tla nkgolola mo dilong tsotlhe tse di bosula e bile o tla mpoloka a bo a nkisa kwa Bogosing jwa gagwe jo bo kwa legodimong.+ A kgalalelo e nne kwa go ene ka bosakhutleng le go ya go ile. Amen.
19 Ntumedisetse Periseka le Akhwila+ le ba ba nnang mo ntlong ya ga Onesiforo.+
20 Eraseto+ o ne a sala kwa Korintha, mme ke ne ka tlogela Terofimo+ a lwala kwa Mileto.
21 Leka ka natla gore o tle kwano pele mariga a tsena.
Yubulo, Pudenese, Lino, Kalaudia le bakaulengwe botlhe ba a go dumedisa.
22 E kete Morena Jesu Keresete a ka lo naya bopelonomi jwa gagwe jo bogolo* ka ntlha ya moya o montle o lo nang le one.
Dintlha Tse di Kwa Tlase
^ Kgotsa “e e mosola; e e solegelang molemo.”
^ Kgotsa “ba ba bolelele dilo tse ba batlang go di utlwa.”
^ Kgotsa “nna o rera dikgang tse di molemo.”
^ Seger., “tsamaiso ya jaanong ya dilo.” Bona Ditlhaloso Tsa Mafoko.
^ Bona Dintlha A5.
^ Bona Ditlhaloso Tsa Mafoko.
