Amose 2:1-16
2 “Jehofa a re,‘“E re ka Moabe a ne a tlhanoga gangwe le gape,+ ga nkitla ke fetola se ke se ikaeletseng,Ka gonne o ne a fisa marapo a kgosi ya Edoma gore a sale e le melora.
2 Ka jalo, ke tla romela molelo mo Moabe,Mme o tla laila ditora tse di sireletsegileng tsa Keriothe;+Moabe o tla swela mo pheretlhegong eoGo na le mokgosi wa ntwa, le modumo wa lonaka.+
3 Ke tla tlosa mmusi* mo go eneKe bo ke bolaya dikgosana tsotlhe tsa gagwe mmogo le mmusi yoo,”+ go bua Jehofa.’
4 Jehofa a re,‘E re ka Juda a ne a tlhanoga gangwe le gape,+ ga nkitla ke fetola se ke se ikaeletseng,Ka gonne ba ile ba gana molao* o nna Jehofa, ke ba o neileng,Le ka gonne ba ile ba se ka ba ikobela melawana ya me;+Mme ba ne ba faposiwa ke maaka a borraabonemogolo ba neng ba a sala morago.+
5 Ka jalo, ke tla romela molelo mo Juda,Mme o tla laila ditora tse di sireletsegileng tsa Jerusalema.’+
6 Jehofa a re,‘E re ka Iseraele a ne a tlhanoga gangwe le gape,+ ga nkitla ke fetola se ke se ikaeletseng,Ka gonne ba rekisa motho yo o siameng gore ba bone seleferaLe motho yo o humanegileng gore ba bone ditlhako.*+
7 Ba gatakela ditlhogo tsa batho ba maemo a a kwa tlase mo loroleng,+E bile ba thiba tsela ya batho ba ba pelonolo.+
Motho le rraagwe ba tlhakanela dikobo le mosetsana a le mongwe,Ba dira gore leina la me le le boitshepo le se ka la tlhola le nna boitshepo.
8 Ba namalala gaufi le sebeso sengwe le sengwe+ mo diaparong tse ba di tsereng e le peeletso ya se ba se adimileng mongwe;+E bile beine e ba e nwelang mo ntlong* ya medimo ya bone ba e tsere mo bathong ba ba neng ba ba duedisa.’
9 ‘Mme ke nna yo ke neng ka nyeletsa Baamore fa pele ga bone,+Ba ba neng ba le baleele jaaka masedara e bile ba nonofile jaaka ditlhare tsa moakere;*Ke ne ka nyeletsa maungo a bone le medi ya bone.+
10 Ke ne ka lo ntsha kwa lefatsheng la Egepeto,+Mme ke ne ka dira gore lo tsamaye mo nageng dingwaga di le 40,+Gore lo ye go rua lefatshe la Baamore.
11 Ke ne ka dira gore bangwe ba bomorwaalona e nne baporofeti+Le makawana mangwe a lona gore a nne Banasirite.+
A ga go a nna jalo, lona batho ba Iseraele?’ go bua Jehofa.
12 ‘Le fa go ntse jalo, lo ne lwa nna lwa naya Banasirite beine gore ba nwe,+E bile lo ne lwa laela baporofeti lwa re: “Lo se ka lwa porofeta.”+
13 Ka jalo, ke tla lo tšhwetlakanya mo lefelong la lona,Fela jaaka kara e e tletseng dijo tsa ditlhaka tse di robilweng e tšhwetlakanya se se ka fa tlase ga yone.
14 Yo o bofefo o tla tlhoka lefelo le a tla tshabelang kwa go lone,+Yo o nonofileng ga a kitla a tswelela a le maatla,E bile ga go na motlhabani ope yo o tla falotsang botshelo* jwa gagwe.
15 Motho yo o tsholang bora ga a kitla a kgona go ikemela,Ba ba dinao di bofefo ga ba kitla ba kgona go falola,E bile lesole le le tsamayang ka pitse ga le kitla le kgona go falotsa botshelo* jwa lone.
16 Tota le motlhabani yo o pelokgale* go ba gaisa botlheO tla tshaba a sa apara sepe mo letsatsing leo,’+ go bua Jehofa.”
Dintlha Tse di Kwa Tlase
^ Seheb., “moatlhodi.”
^ Kgotsa “taelo.”
^ Seheb., “bompaatšhane.”
^ Kgotsa “mo tempeleng.”
^ Mofuta mongwe wa ditlhare tse dikgolo. Ka Seesemane se bidiwa oak.
^ Seheb., “ne′phesh.” Bona Ditlhaloso Tsa Mafoko.
^ Seheb., “ne′phesh.” Bona Ditlhaloso Tsa Mafoko.
^ Kgotsa “le ba ba nonofileng mo pelong.”
