Diane 11:1-31
11 Dikale tsa tsietso ke dilo tse di makgapha mo go Jehofa,Mme selekanyabokete se se lekanyang ka tsela e e tshwanetseng se a mo itumedisa.+
2 Fa motho a ikgogomosa, o tla tlontlololwa,+Mme motho yo o boingotlo o botlhale.+
3 Batho ba ba ikanyegang ba itse gore ba ka dira se se molemo jang,+Mme maferefere a tla senngwa ka gonne a sa ikanyege.+
4 Dikhumo* ga di kitla di nna le mosola ope mo letsatsing la tšhakgalo,+Mme go dira se se siameng ke gone go tla gololang motho mo losong.+
5 Tshiamo ya motho yo o se nang molato e dira gore tselana ya gagwe e tlhamalale,Mme motho yo o bosula o tla wa ka ntlha ya bosula jwa gagwe.+
6 Motho yo o siameng o tla bolokwa ka gonne a dira se se siameng,+Mme maferefere a tla gobadiwa ke dikeletso tsa bone.+
7 Fa motho yo o bosula a swa, tsholofelo ya gagwe e a nyelela;Le maatla a a ikaegileng ka one a nyelela mmogo le se a se solofetseng.+
8 Mosiami o namotswe mo matshwenyegong,Mme modirabosula o wela mo matshwenyegong ao.+
9 Motlhanogi* o bua mafoko a a utlwisang moagelani wa gagwe botlhoko,Mme basiami bone ba namolwa ka kitso.+
10 Ditiro tse di molemo tsa basiami di dira gore motse o itumele,E bile fa badirabosula ba nyelela, go nna le mokgosi wa boitumelo.+
11 Motse o a tlotlomadiwa ka gonne basiami ba segofadiwa,+Mme mafoko a badirabosula a o digela fa fatshe.+
12 Ope fela yo o seng botlhale o nyatsa moagelani wa gagwe,Mme motho yo o nang le temogo e kgolo o nna a didimetse.+
13 Motho yo o senyang batho maina o tsamayatsamaya a senola dikgang tsa sephiri,+Mme motho yo o ikanyegang* o boloka sephiri.*
14 Fa go se na kgakololo e e botlhale, batho ba a boga,Mme fa go na le bagakolodi ba bantsi, go nna le katlego.*+
15 Ope fela yo o tlhomamisetsang motswakwa gore o tla mo adima sengwe* dilo ga di na go mo tsamaela sentle,+Mme ope fela yo o tilang* go dira tumalano ya go dira peeletso, o tla sireletsega.
16 Mosadi yo o pelontle* o amogela kgalalelo,+Mme batho ba ba setlhogo ba gapa dikhumo.
17 Motho yo o pelonomi* o itsholegela molemo,+Mme motho yo o setlhogo o ipakela mathata.*+
18 Modirabosula o amogela dituelo tsa tsietso,+Mme yo o jalang tshiamo o amogela maduo a boammaaruri.+
19 Yo o ikemiseditseng go dira se se siameng o tla tshela,+Mme yo o nnang a dira se se bosula o tla swa.
20 Ba dipelo tsa bone di sokameng ba makgapha mo go Jehofa,+Mme ba ditsela tsa bone di se nang molato ba a mo itumedisa.+
21 Ruri motho yo o bosula ga a kitla a tlogelwa a sa otlhaiwa,+Mme bana ba basiami ba tla falola.
22 Mosadi yo montle yo o se nang tlhaloganyoO tshwana le lenyena la gauta mo nkong* ya kolobe.
23 Keletso ya basiami e isa kwa dilong tse di molemo,+Mme dilo tse badirabosula ba di solofelang di isa kwa tšhakgalong.
24 Motho mongwe o aba ka bopelotshweu* mme o felela a na le mo gontsi;+Yo mongwe ene o timana ka se a tshwanetseng go se aba, le fa go ntse jalo, o felela a humanegile.+
25 Motho yo o pelotshweu o tla atlega,*+E bile ope fela yo o lapolosang* ba bangwe le ene o tla lapolosiwa.+
26 Batho ba tla hutsa yo o ganang ka dijo,Mme ba tla segofatsa yo o di rekisang.
27 Yo o batlang go dira se se molemo ka tlhoafalo o batla go amogelwa,+Mme yo o senkang bosula, ruri bo tla tla mo go ene.+
28 Yo o ikanyang dikhumo tsa gagwe o tla wa,+Mme basiami ba tla tlhoga jaaka matlhare a ditlhare.+
29 Ope fela yo o tlisetsang ba lelapa la gagwe mathata* o tla rua phefo,+Mme motho yo o seeleele o tla nna motlhanka wa yo o pelo e botlhale.
30 Maungo a mosiami ke setlhare sa botshelo,+Mme yo o bolokang matshelo* o botlhale.+
31 Fa e le gore ruri mosiami mo lefatsheng o a duelwa,Go tweng ka modirabosula le moleofi!+
Dintlha Tse di Kwa Tlase
^ Kgotsa “Dilo tse di tlhwatlhwakgolo.”
^ Kgotsa “Motho yo o sa dumeleng mo Modimong.”
^ Seheb., “motho wa moya o o ikanyegang.”
^ Seheb., “o bipa kgang.”
^ Kgotsa “poloko.”
^ Kgotsa “yo o amogelang peeletso ya motswakwa.”
^ Seheb., “tlhoileng.”
^ Kgotsa “yo montle thata.”
^ Kgotsa “Motho yo o nang le lorato lo lo sa kgaotseng.”
^ Kgotsa “tlontlologo.”
^ Kgotsa “sefeneng.”
^ Seheb., “o a phatlalatsa.”
^ Seheb., “o tla nontshiwa.”
^ Seheb., “yo o nosetsang ka bopelotshweu.”
^ Kgotsa “tlontlologo.”
^ Gongwe go tewa motho yo o thusang ba bangwe go bona tsela e e isang botshelong.
