Diane 2:1-22
2 Morwaaka, fa o ka amogela mafoko a meO bo o boloka ditaelo tsa me,+
2 Ka go tlhwaela botlhale tsebe+Le ka go bula pelo ya gago gore e nne le temogo;+
3 Mo godimo ga moo, fa o tlhaeletsa o kopa gore o tlhaloganye+E bile o tsholetsa lentswe la gago o kopa temogo;+
4 Fa o nna o senka dilo tseno jaaka selefera,+E bile o nna o di batla jaaka matlotlo a a fitlhegileng;+
5 Foo o tla tlhaloganya go boifa Jehofa,+E bile o tla bona kitso ya Modimo.+
6 Gonne Jehofa o naya botlhale;+Kitso le temogo di tswa mo molomong wa gagwe.
7 O bolokile botlhale jo bo mosola gore a bo abele ba ba siameng;Ke thebe ya ba ba se nang molato.+
8 O nna a lebeletse ditselana tsa tshiamiso,Mme o tla disa tsela ya batho ba gagwe ba ba ikanyegang.+
9 Foo o tla tlhaloganya tshiamo, tshiamiso le go nna tekatekano,O tla tlhaloganya gore ke tsela efe e e siameng e o tshwanetseng go tsamaya ka yone.+
10 Fa botlhale bo tsena mo pelong ya gago+Le kitso e nna monate mo go wena,+
11 Bokgoni jwa go akanya bo tla nna bo go lebeletse,+Le temogo e tla go sireletsa,
12 Gore e go golole mo tseleng e e bosula,Mo mothong yo o buang dilo tse di sokameng,+
13 Mo go ba ba tlogelang ditselana tse di siamengGore ba tsamaye mo ditseleng tsa lefifi,+
14 Mo go ba ba itumelelang go dira bosula,Ba ba ipelelang bosula jo bogolo,
15 Ba ditselana tsa bone di sokamengLe ba ba sa ikanyegeng.
16 Botlhale bo tla go sireletsa mo mosading yo o duleng mo tseleng,*Le mo mafokong a a borethe* a mosadi yo o dirang boitsholo jo bo sa siamang,*+
17 Yo o tlogelang monna* wa bosha jwa gagwe+Le yo o lebalang kgolagano ya gagwe le Modimo;
18 Gonne motho o wela mo khuting ya loso kwa ntlong ya gagwe,Le ditselana tsa gagwe di isa kwa go ba ba suleng.+
19 Mo go ba ba dirisanang le* ene ga go na ope yo o tla boang,E bile ba ka se boele mo ditselaneng tsa botshelo.+
20 Ka jalo, latela tsela ya batho ba ba siamengMme o nne mo ditselaneng tsa basiami,+
21 Gonne batho ba ba siameng ke bone fela ba ba tla agang mo lefatsheng,E bile ba ba se nang molato* ba tla sala mo go lone.+
22 Mme badirabosula bone ba tla kgaolwa mo lefatsheng,+Le maferefere a tla kumolwa mo go lone.+
Dintlha Tse di Kwa Tlase
^ Seheb., “mo mosading o sele.” Go lebega go tewa motho yo o sa ikobeleng melao ya Modimo ya boitsholo.
^ Kgotsa “tsietsang.”
^ Seheb., “mosadi wa motswakwa.” Go lebega go tewa motho yo o sa ikobeleng melao ya Modimo ya boitsholo.
^ Seheb., “molekane yo o atamalaneng le ene.”
^ Seheb., “ba ba yang kwa go.”
^ Kgotsa “batho ba ba thokgameng.”
