Diane 23:1-35
23 Fa o nna fa fatshe gore o je le kgosi,Sekaseka ka kelotlhoko se se fa pele ga gago;
2 ItshwareFa e le gore o eletsa go ja thata.
3 O se ka wa eletsa dijo tsa gagwe tsa maemo,Gonne ke dijo tse di tsietsang.
4 O se ka wa dira ka natla e le gore o nne le dikhumo.+
Ema mme o bontshe temogo.*
5 Fa o latlhela matlho a gago kwa go tsone, ga di yo,+Gonne di tla tlhoga diphuka jaaka ntsu di bo di fofela kwa loaping.+
6 O se ka wa ja dijo tsa motho yo o timanang;*O se ka wa eletsa dijo tsa gagwe tsa maemo,
7 Gonne o tshwana le motho yo o kwalang lenaane la dikoloto.
O go raya a re, “Ja o bo o nwe,” mme tota a sa rate.*
8 O tla tlhatsa se o se jeleng,E bile mafoko a gago a go leboga e tla bo e le a lefela.
9 O se ka wa bua le sematla,+Gonne se tla nyatsa botlhale jwa mafoko a gago.+
10 O se ka wa sutisa letshwao la molelwane le le sa bolong go tlhomiwa,+Kgotsa wa tsena mo tshimong ya dikhutsana.*
11 Gonne Mofemedi* wa bone o nonofile;O tla ba femela a bo a go atlhola.+
12 Dira gore pelo ya gago e reetse kotlhaoLe gore tsebe ya gago e reetse mafoko a kitso.
13 O tshwanetse go otlhaya ngwana* wa gago.+
Fa o mo itaya ka thupa, ga a kitla a swa.
14 O mo iteye ka thupa,Gore o mo golole mo Lebitleng.*
15 Morwaaka, fa pelo ya gago e nna botlhale,Pelo ya me e tla itumela.+
16 Dikarolo tsa me tse di kwa tengteng* di tla itumelaFa molomo wa gago o bua se se siameng.
17 A pelo ya gago e se ka ya fufegela baleofi,+Mme a e boife Jehofa letsatsi lotlhe,+
18 Foo o tla nna le bokamoso jo bo molemo+E bile tsholofelo ya gago ga e kitla e kgaolwa.
19 Reetsa morwaaka, mme o tlhalefe,O bo o kaele pelo ya gago mo tseleng e e siameng.
20 O se ka wa nna le ba ba nwang beine bobe,+Le ba ba jang nama bobe,+
21 Gonne letagwa le yo o jang bobe ba tla humanega,+Le motho yo o ratang boroko o tla apara makgasa.
22 Reetsa rrago yo o dirileng gore o tsholwe,E bile o se ka wa nyatsa mmago fela ka gonne a tsofetse.+
23 Reka* boammaaruri mme le ka motlha o se ka wa bo rekisa,+O reke le botlhale le kotlhao le tlhaloganyo.+
24 Rre o tla itumela fa morwawe a siame;Ruri o tla itumela fa morwawe a le botlhale.
25 Rrago le mmago ba tla itumela,Le ene yo o go tshotseng o tla itumela.
26 Morwaaka, nneye pelo ya gago,E bile e kete o ka itumedisiwa ke go latela sekao sa me.+
27 Gonne mogwebakammele ke khuti e e botengE bile mosadi yo o dirang boitsholo jo bo sa siamang* ke sediba se sesesane.+
28 O lalela jaaka senokwane;+O oketsa palo ya banna ba ba sa ikanyegeng.
29 Ke mang yo o bogisegang? Ke mang yo o sa ritibalang?
Ke mang yo o nang le dikgotlhang? Ke mang yo o ngongoregang?
Ke mang yo o nang le dintho kwantle ga lebaka? Ke mang yo o nang le matlho a a letobo?
30 Ke ba ba fetsang lobaka lo loleele ba a nwa beine;+Ba ba senkang* beine e e tlhakantsweng.
31 O se ka wa leba mmala o mohibidu wa beineFa e ntse e phatsima mo koping e bile e le monate fa o e e nwa,
32 Gonne kwa bofelong e loma jaaka noga,E bile e ntsha botlhole jaaka lebolobolo.
33 Matlho a gago a tla bona dilo tse di sa tlwaelegang,Le pelo ya gago e tla bua dilo tse di sokameng.+
34 Mme o tla nna jaaka motho yo o rapameng mo lewatleng,Jaaka yo o rapameng kwa godimo ga pilara ya sekepe.
35 O tla re: “Ba ntiteile, mme ke ne ke sa utlwe sepe.*
Ba mpeditse, mme ke ne ke sa itse.
Ke tla tsoga leng?+
Ke batla go nwa gape.”*
Dintlha Tse di Kwa Tlase
^ Kgotsa gongwe “Tlogela tsela e o tlhaloganyang dilo ka yone.”
^ Kgotsa “tsa ope fela yo leitlho la gagwe le leng bosula.”
^ Seheb., “pelo ya gagwe e se na le wena.”
^ Seheb., “bana ba ba se nang borre.”
^ Seheb., “Morekolodi.”
^ Seheb., “mosimane.” Kgotsa “mosha.”
^ Kgotsa “Sheole.” Bona Ditlhaloso Tsa Mafoko.
^ Seheb., “Diphilo tsa me.”
^ Kgotsa “Senka.”
^ Kgotsa “Ba ba phuthegang gore ba lekeletse.”
^ Kgotsa “ke ne ke sa utlwe botlhoko.”
^ Kgotsa “Ke tla e batla gape.”
