Diane 27:1-27
27 O se ka wa ipelafatsa ka letsatsi la kamoso,Gonne ga o itse gore letsatsi leo le tla tla ka eng.*+
2 Letla motho yo mongwe* a go bake, mme e seng molomo wa gago;Letla batho ba bangwe* ba go bake, mme e seng wena ka bowena.+
3 Leje le bokete e bile motlhaba o boima,Mme go serwa ke seeleele go bokete go di feta tsotlhe di le pedi.+
4 Go na le tšhakgalo e e setlhogo le morwalela wa bogale,Mme ke mang yo o ka itshokelang lefufa?+
5 Go botoka go kgalemela motho o sa iphitlhe go na le go nna le lorato mme o sa lo bontshe.+
6 Go botoka go utlwisiwa botlhoko ke tsala e e ikanyegang,+Go na le go direlwa dilo tse di molemo ke mmaba wa gago.
7 Motho yo o kgotsheng o gana* tswina ya dinotshe,*Mme mo mothong yo o tshwerweng ke tlala, tota le selo se se bogalaka se utlwala se le botshe.
8 Motho yo o tshabang mo legaeng la gagweO tshwana le nonyane e e tshabang mo sentlhageng sa yone.
9 Leokwane le maswalo di itumedisa pelo;Go ntse jalo le ka botsala jo bo molemo jo bo nnang gone ka ntlha ya kgakololo e e tswang pelong.+
10 O se ka wa latlha tsala ya gago kgotsa tsala ya ga rrago,E bile o se ka wa tsena mo ntlong ya wa losika lwa gago mo letsatsing la fa o wetswe ke masetlapelo;Moagelani yo o gaufi o botoka go na le wa losika lwa gago yo o kgakala.+
11 Tlhalefa morwaaka, mme o itumedise pelo ya me,+Gore ke kgone go fetola ene yo o nkgobang.+
12 Motho yo o botlhale o bona kotsi a bo a iphitlha,+Mme yo o se nang maitemogelo o tswelela a tsamaya a bo a tlelwa ke ditlamorago tse di botlhoko.
13 Tsaya seaparo sa motho, fa e le gore motho yoo o dumalane go ntshetsa motswakwa peeletso;Tsaya peeletso eo mo go ene fa e le gore o e ntsheditse mosadi wa motswakwa.*+
14 Fa motho a dumedisa* motho yo mongwe ka lentswe le le kwa godimo phakela,Motho yoo o tla tsaya seo e le sengwe se se bosula.*
15 Mosadi yo o ratang go omana* o tshwana le borulelo jo bo nelang ka metlha fa pula e na.+
16 Ope fela yo o kgonang go mo thibela a ka kgona go thibela phefoE bile a ka kgona go ngangatlela leokwane ka seatla sa gagwe sa moja.
17 Fela jaaka tshipi e lootsa tshipi,Motho le ene o lootsa tsala ya gagwe.*+
18 Yo o tlhokomelang setlhare sa mofeige o tla ja maungo a sone,+E bile motho yo o tlhokomelang mong wa gagwe o tla tlotliwa.+
19 Fela jaaka motho a kgona go bona sefatlhego sa gagwe mo metsingPelo ya motho le yone e kgona go bontsha se se mo pelong ya yo mongwe.
20 Lebitla le lefelo la tshenyego* ga di ke di kgotsofala,+Matlho a motho le one ga a ke a kgotsofala.
21 Motho o lekwa ka pako e a e newang*Fela jaaka selefera e itshekisiwa mo pitseng le gauta e itshekisiwa mo molelong o mogolo.+
22 Tota le fa o ka nna o betsa seeleele,Jaaka e kete o thuga korong mo kikeng,Ga a kitla a fetoga.
23 O tshwanetse go itse sentle tsela e letsomane la gago le lebegang ka yone.
Tlhokomela dinku tsa gago ka kelotlhoko,*+
24 Gonne dikhumo ga di nnele ruri,+E bile serwalo sa bogosi ga se nnele ruri mo dikokomaneng tsotlhe.
25 Bojang jo botala bo a nyelela, bojang jo bosha bo a tlhoga,E bile dimela tsa mo dithabeng di a phuthiwa.
26 Diaparo tsa gago di tswa mo diphelefung tse dipotlana,E bile o kgona go duelela tlhwatlhwa ya tshimo ka diphoko.
27 Mme go tla nna le mashi a dipodi a le mantsi a a lekaneng go go tlamela,Go tlamela ba lelapa la gago, le go tlamela malata a gago.
Dintlha Tse di Kwa Tlase
^ Seheb., “le tla tsala eng.”
^ Seheb., “motho o sele.”
^ Seheb., “motswakwa.”
^ Seheb., “gataka.”
^ Seheb., “tswina ya dinotshe e e mo lomepeng.”
^ Kgotsa “o e ntsheditse motswakwa.”
^ Seheb., “segofatsa.”
^ Seheb., “e le phutso.”
^ Kgotsa “yo o nnelang go tshwayatshwaya diphoso.”
^ Seheb., “sefatlhego sa tsala ya gagwe.”
^ Kgotsa “Sheole le Abadona.”
^ Kgotsa “Motho o lekwa go ya ka pako ya gagwe.”
^ Kgotsa “Tlhoma pelo ya gago mo dinkung tsa gago.”
