Dipesalema 1:1-6
1 Go itumela motho yo o sa lateleng kgakololo ya batho ba ba bosula,Yo o sa tsamayeng mo tselaneng ya baleofi+E bile a sa nne le batho ba ba nyatsang sepe fela se se molemo.+
2 Mme o itumedisiwa ke molao wa ga Jehofa,+E bile o balela molao wa Gagwe kwa tlase* motshegare le bosigo.+
3 O tla nna jaaka setlhare se se jetsweng fa melatswaneng ya metsi,Setlhare se se ntshang maungo ka paka ya sone,Se matlhare a sone a sa swabeng.
Mme sengwe le sengwe se a se dirang se tla atlega.+
4 Batho ba ba bosula bone ga ba a nna jalo;Ba tshwana le mmoko o o fokwang ke phefo.
5 Ke gone ka moo batho ba ba bosula ba tla bonwang molato fa ba atlholwa;+Le baleofi ga ba kitla ba fitlhelwa mo phuthegong ya basiami.+
6 Gonne Jehofa o bona tsela ya basiami,+Mme tsela ya batho ba ba bosula e tla nyelela.+
Dintlha Tse di Kwa Tlase
^ Kgotsa “o akanyetsa kwa teng ka molao wa Gagwe.”
