Dipesalema 104:1-35
104 Mma ke bake Jehofa.+
Jehofa, Modimo wa me o mogolo thata.+
O apere seriti le bontlentle.+
2 O apara lesedi+ jaaka e kete o apara seaparo;O tsharolola magodimo jaaka letsela la tente.+
3 Modimo o baya dikota tsa diphaposi tsa gagwe tse di kwa godimo mo metsing a a kwa godimo,*+O dira maru kara ya gagwe,+O tsamaya mo diphukeng tsa phefo.+
4 O dira gore baengele ba gagwe ba nne maatla,*O dira gore badiredi ba gagwe e nne molelo o o lailang.+
5 O dirile lefatshe mo metheong ya lone e e thata;+Ga le kitla le sutisiwa mo lefelong la lone* ka bosakhutleng le go ya go ile.+
6 O ne wa le khurumetsa ka metsi a a boteng fela jaaka e kete ka seaparo.+
Metsi a ne a khurumeditse dithaba.
7 Fa o ne o kgalema a ne a tshaba;+Fa a utlwa modumo wa tumo ya gago a ne a sia a tshogile
8 A ya kwa lefelong la one le o le tlhomileng.Dithaba di ne tsa tlhatloga+ mme mekgatšha e ne ya fologela.
9 O ne wa tlhoma molelwane gore a se ka a o tlola,+Gore a se ka a tlhola a khurumetsa lefatshe gape.
10 O romela metswedi mo mekgatšheng;*E elela fa gare ga dithaba.
11 E naya dibatana tsotlhe metsi;Ditonki tsa naga di itimola lenyora.
12 Dinonyane tsa loapi di aga dintlhaga mo ditlhareng tse di gaufi le metswedi eo;Di opela mo gare ga dikala tse di kitlaneng.
13 Modimo o nosetsa dithaba go tswa kwa diphaposing tsa gagwe tse di kwa godimo.+
Lefatshe le kgotsofadiwa ke maungo a ditiro tsa gago.+
14 O tlhogisetsa dikgomo bojangE bile o dira gore dimela di tlhoge gore batho ba di dirise,+Gore ba leme dijo mo lefatsheng
15 Le beine e e dirang gore pelo ya motho e itumele,+Leokwane le le dirang gore sefatlhego se phatsime,Le senkgwe se se nayang motho* maatla.+
16 Ditlhare tsa ga Jehofa di kgotsofetse,Masedara a kwa Lebanona a a a jadileng,
17 Kwa dinonyane di agang dintlhaga gone.
Legae la mogolori+ le mo ditlhareng tsa mofira.
18 Dithaba tse di kwa godimo ke bonno jwa dipodi tsa kwa dithabeng;+Mafika ke botshabelo jwa dipela.+
19 O dirile ngwedi gore o tshwaye dinako tse di tlhomilweng;Letsatsi le itse sentle gore le phirima leng.+
20 O tlisa lefifi, go bo go nna bosigo,+E leng nako e diphologolo tsotlhe tsa naga di tsamayatsamayang ka yone.
21 Ditawana* di a kurutla fa di ntse di tsoma+
E bile di batla dijo tsa tsone mo Modimong.+
22 Fa letsatsi le tlhaba,Di a boa di bo di rapama mo mengobong ya tsone.
23 Motho o ya kwa tirong ya gagwe,A bo a bereka go fitlha maitseboa.
24 Ruri ditiro tsa gago di dintsi, wena Jehofa!+
Tsotlhe fela o di dirile ka botlhale.+
Lefatshe le tletse dilo tse o di dirileng.
25 Go na le lewatle, le legolo e bile le atlhame,Le le tletseng ditshedi tse dintsintsi tse di se nang palo, tse dinnye le tse dikgolo.+
26 Dikepe di tsamaya mo go lone;Le Lefiathane,*+ e o e bopetseng gore e tshamekele mo go lone.
27 Tsotlhe fela di a go letela,Gore o di neye dijo tsa tsone ka paka ya tsone.+
28 Di phutha se o di nayang sone.+
Fa o bula seatla sa gago, di kgotsofadiwa ke dilo tse di molemo.+
29 Fa o fitlha sefatlhego sa gago, di a tlhobaela.
Fa o tsaya maatla a tsone a botshelo, di a swa di bo di boela mo loroleng.+
30 Fa o romela moya wa gago, di a bopiwa,+Mme o ntšhafatsa lefatshe.
31 Kgalalelo ya ga Jehofa e tla nnela ruri.
Jehofa o tla itumelela ditiro tsa gagwe.+
32 O leba lefatshe le bo le roroma;O kgoma dithaba di bo di kua mosi.+
33 Ke tla opelela Jehofa+ botshelo jwa me jotlhe;Ke tla opelela* Modimo wa me dipako fa ke sa ntse ke tshela.+
34 A dikakanyo tsa me di mo itumedise.*
Ke tla itumela fa ke akanya ka Jehofa.
35 Baleofi ba tla nyelela mo lefatsheng,Mme batho ba ba bosula ga ba kitla ba tlhola ba nna teng.+
Mma ke bake Jehofa. Bakang Jah!*
Dintlha Tse di Kwa Tlase
^ Seheb., “mo metsing a mantsi.”
^ Kgotsa “meya e e maatla.”
^ Kgotsa “Ga le kitla le reketla.”
^ Kgotsa “mo melapong.”
^ Seheb., “pelo ya motho.”
^ Kgotsa “Ditawana tse di seriri.”
^ Bona Ditlhaloso Tsa Mafoko.
^ Kgotsa “letsa mmino.”
^ Kgotsa gongwe “A go tlhatlhanya ga me ka ene go nne monate.”
^ Kgotsa “Halelujah!” “Jah” ke khutshwafatso ya leina Jehofa.
