Dipesalema 112:1-10
112 Bakang Jah!*+
א [Aleph]
Go itumela motho yo o boifang Jehofa,+ב [Beth]Yo o itumedisiwang thata ke ditaelo tsa gagwe.+
ג [Gimel]
2 Ditlogolwana tsa gagwe di tla nna maatla mo lefatsheng,ד [Daleth]Mme kokomana ya ba ba siameng e tla segofadiwa.+
ה [He]
3 Matlotlo le dikhumo di mo ntlong ya gagwe,ו [Waw]Mme tshiamo ya gagwe e tswelela ka bosakhutleng.
ז [Zayin]
4 O phatsimela ba ba siameng jaaka lesedi mo lefifing.+
ח [Heth]
O pelotlhomogi,* o kutlwelobotlhoko+ e bile o tshiamo.
ט [Teth]
5 Motho yo o adimang ba bangwe ka bopelotshweu,* dilo di tla mo tsamaela sentle.+
י [Yod]
O dira ditiro tsa gagwe ka tshiamiso.
כ [Kaph]
6 Ga a kitla a reketlisiwa le ka motlha.+
ל [Lamed]
Basiami ba tla gopolwa ka bosakhutleng.+
מ [Mem]
7 Ga a kitla a boifa dikgang tse di bosula.+
נ [Nun]
Pelo ya gagwe e a ikanyega, e tshepa Jehofa.+
ס [Samekh]
8 Pelo ya gagwe ga e ka ke ya tshikinngwa;* ga a boife sepe;+ע [Ayin]Kwa bofelong o tla itumelela go bona baba ba gagwe ba fenngwa.+
פ [Pe]
9 O abile ka bontsi;* o neile bahumanegi.+
צ [Tsade]
Tshiamo ya gagwe e tswelela ka bosakhutleng.+
ק [Qoph]
Nonofo ya gagwe e tla oketsega* ka ntlha ya kgalalelo.
ר [Resh]
10 Motho yo o bosula o tla bona seo a bo a tenega.
ש [Shin]
O tla felelwa ke maatla* a bo a nyelela.
ת [Taw]
Dikeletso tsa batho ba ba bosula di tla nyelela.+
Dintlha Tse di Kwa Tlase
^ Kgotsa “Halelujah!” “Jah” ke khutshwafatso ya leina Jehofa.
^ Kgotsa “pelontle.”
^ Kgotsa “bopelontle.”
^ Kgotsa “e tlhomame; e nitame.”
^ Kgotsa “bopelotshweu.”
^ Seheb., “Lonaka lwa gagwe lo tla tsholetsega.”
^ Seheb., “phuranya meno.”
