Dipesalema 120:1-7
Pina Ya fa Go Tlhatlogelwa Kwa Motseng.*
120 Ke ne ka goela kwa go Jehofa ke le mo matshwenyegong,+Mme o ne a nkaraba.+
2 Ao tlhe Jehofa, nkgolole mo melomong e e buang maaka,Le mo lolemeng lo lo tsietsang.
3 Wena loleme lo lo tsietsang,+Modimo o tla go dira eng, e bile o tla go otlhaya jang?*
4 Ka metswi e e bogale+ ya motlhabaniLe magala a a tukang+ a dikgong tsa setlhare sa monnamotswe.
5 Ruri go latlhega nna, ka gonne ke ne ke agile ke le motswakwa kwa Mesheke.+
Ke ntse ke nna mo ditenteng tsa Kedare.+
6 Ke ntse lobaka lo loleele thataLe batho ba ba tlhoileng kagiso.+
7 Ke rata kagiso, mme fa ke bua,Ba a ntwantsha.
