Dipesalema 21:1-13
Go mokaedi. Pina ya ga Dafide.
21 Wena Jehofa, kgosi e itumelela nonofo ya gago;+Ruri e itumelela ditiro tsa gago tsa poloko!+
2 O mo neile se a se eletsang,+E bile ga o a gana go mo naya se a se kopileng. (Selah)
3 Gonne o mo kgatlhantsha ka masego a magolo;O mo rwesa serwalo sa gauta e e sa tswakanngwang.*+
4 O ne a go kopa botshelo, mme o ne wa bo mo naya,+Botshelo jo boleele,* ka bosakhutleng le go ya go ile.
5 O tlotliwa thata ka gonne o a mmoloka.+
O mo naya seriti le bontlentle.
6 O dira gore a segofadiwe ka bosakhutleng;+O dira gore a itumele ka gonne o na le ene.+
7 Gonne kgosi e ikanya Jehofa;+Ka ntlha ya lorato lo lo sa kgaotseng lwa Mogodimodimo, ga e kitla e tshikinngwa.*+
8 Seatla sa gago se tla tshwara baba ba gago botlhe;Seatla sa gago sa moja se tla tshwara ba ba go tlhoileng.
9 Ka nako e o e tlhomileng fa o tla bo o ba tlhatlhoba, o tla ba senya jaaka e kete o ba latlhela mo molelong.
Jehofa o tla ba kometsa a galefile, mme molelo o tla ba laila.+
10 O tla fedisa ditlogolwana* tsa bone,E bile o tla nyeletsa bana ba bone.
11 Gonne ba ikemiseditse go go direla se se bosula;+Ba logile maano a a ka se kang a atlega.+
12 Gonne o tla dira gore ba kate ka morago+Ka go hulela bora* jwa gago kwa go bone.*
13 Dira sengwe tlhe Jehofa, mme o bontshe nonofo ya gago.
Re tla go opelela dipako* ka ntlha ya maatla a gago.
Dintlha Tse di Kwa Tlase
^ Kgotsa “e e itshekisitsweng.”
^ Seheb., “Boleele jwa malatsi.”
^ Kgotsa “ga e kitla e thetheekela (reketla).”
^ Seheb., “maungo.”
^ Seheb., “megala ya bora.”
^ Seheb., “kwa difatlhegong tsa bone.”
^ Seheb., “go opelela le go go leletsa mmino.”
