Dipesalema 31:1-24
Go mokaedi. Pina ya ga Dafide.
31 Ke tshabetse mo go wena, tlhe Jehofa.+
E kete nka se tlhabiwe ke ditlhong le ka motlha.+
Mphalotse ka ntlha ya tshiamo ya gago.+
2 Ntshekegele tsebe.*
Tla ka bonako mme o nkgolole.+
Nna jaaka thaba e e sireletsang mo go nna,Le lefelo le le sireletsegileng gore o mpoloke.+
3 Gonne o lefika la me le kago ya me e e thata;+Ka ntlha ya leina la gago,+ o tla nkgoga o bo o nkaela.+
4 O tla nkgolola mo letloweng le ba mpeetseng lone mo sephiring,+Gonne o kago ya me ya phemelo.+
5 Ke tlogelela botshelo* jwa me mo seatleng sa gago.+
O nkgolotse Jehofa, Modimo wa boammaaruri.*+
6 Ke tlhoile ba ba obamelang medingwana e e se nang mosola e bile e le ya lefela,Mme nna, ke ikanya Jehofa.
7 Ke tla itumela thata ka ntlha ya lorato lwa gago lo lo sa kgaotseng,Ka gonne o bone gore ke a boga;+O itse matshwenyego a me a magolo.
8 Ga o a ntsenya mo seatleng sa mmaba,Mme o dirile gore ke eme mo lefelong le le sireletsegileng.*
9 Nkutlwele botlhoko, tlhe Jehofa, ka gonne ke mo matshwenyegong.
Khutsafalo e koafaditse matlho a me,+ mmele otlhe wa me le one o koafetse.*+
10 Botshelo jwa me bo aparetswe ke khutsafalo+Le dingwaga tsa me di aparetswe ke mahutsana.+
Maatla a me a a fela ka ntlha ya molato wa me;Marapo a me a a koafala.+
11 Baba ba me botlhe ba a ntshotla,+Segolobogolo baagelani ba me.
Batho ba ke tlwaelaneng le bone ba a mpoifa;Fa ba mpona kwantle, ba a ntshaba.+
12 Ba nketshitse* mo megopolong ya bone e bile ba ntebetse, jaaka e kete ke sule;Ke ntse jaaka nkgo e e thubegileng.
13 Ke utlwile magatwe a mantsi a a bosula;Ke aparetswe ke letshogo.+
Ba phuthega mmogo,Gore ba loge leano la go mpolaya.+
14 Mme ke ikanya wena, tlhe Jehofa.+
Ke rile: “O Modimo wa me.”+
15 Botshelo jwa me bo mo seatleng sa gago.
Nkgolole mo seatleng sa baba ba me le mo go ba ba mpogisang.+
16 Dira gore sefatlhego sa gago se phatsimele motlhanka wa gago.+
Mpoloke ka lorato lwa gago lo lo sa kgaotseng.
17 Ao tlhe Jehofa, e kete nka se tlhabiwe ke ditlhong fa ke go bitsa.+
E kete batho ba ba bosula ba ka tlhabiwa ke ditlhong;+E kete ba ka didimadiwa mo Lebitleng.*+
18 E kete ba ba buang maaka ba ka tlhoka puo,+Ba ba buang ka mosiami ba le mabela e bile ba le lenyatso.
19 Ruri molemo wa gago o mogolo!+
O o boloketse batho ba ba go boifang,+E bile o dirile gore batho botlhe ba o bone, fa o o bontsha ba ba tshabelang mo go wena.+
20 O tla ba fitlha mo lefelong la gago la sephiri+O ba ntsha mo bathong ba ba ba logelang maano;O tla ba suba mo lefelong le le sireletsegilengO ba ntsha mo bathong ba ba ba latofatsang.+
21 E kete Jehofa a ka bakwa,Gonne o nthatile ka lorato lo lo sa kgaotseng ka tsela e e gakgamatsang+ mo motseng o o dikologilweng ke baba.+
22 Mme nna ke ne ka tshoga ka bo ka re:
“Ke tla fedisiwa fa pele ga gago.”+
Mme o ne wa utlwa dikopo tsa me ke goela kwa go wena ke kopa thuso.+
23 Ratang Jehofa, lona lotlhe ba lo ikanyegang mo go ene!+
Jehofa o sireletsa ba ba ikanyegang,+Le fa go ntse jalo, o duela ka botlalo ope fela yo o mabela.+
24 Nnang pelokgale, mme e kete pelo ya lona e ka nonofa,+Lona lotlhe ba lo letileng Jehofa.+
Dintlha Tse di Kwa Tlase
^ Kgotsa “Obegela kwa tlase mme o ntheetse.”
^ Kgotsa “Modimo yo o ikanyegang.”
^ Seheb., “moya.”
^ Kgotsa “mo lefelong le le bulegileng.”
^ Kgotsa “ke bokoa e bile mpa ya me e botlhoko.”
^ Kgotsa “nkentshitse.”
^ Kgotsa “Sheole.” Bona Ditlhaloso Tsa Mafoko.
