Dipesalema 32:1-11
Pesalema ya ga Dafide. Masekile.*
32 Go itumela yo molato wa gagwe o itshwaretsweng, yo boleo jwa gagwe bo phimotsweng.*+
2 Go itumela motho yo Jehofa a sa mmoneng molato,+Yo o sa akanyeng dikakanyo tsa go tsietsa.
3 Fa ke ne ke didimala, ke ne ke nna bokoa ka gonne ke ne ke lela selelo sa kutlobotlhoko letsatsi lotlhe.+
4 Gonne bosigo le motshegare seatla* sa gago se ne se le boima mo go nna.+
Maatla a me a ne a kgala* jaaka metsi mo mogoteng wa selemo. (Selah)
5 La bofelo ke ne ka go bolelela boleo jwa me;Ga ke a ka ka fitlha molato wa me.+
Ke ne ka re: “Ke tla bolelela Jehofa maleo a me.”+
Mme o ne wa itshwarela molato wa me le maleo a me.+ (Selah)
6 Ke gone ka moo mongwe le mongwe yo o ikanyegang a tla go rapelang+Fa o sa ntse o ka bonwa.+
Tota le merwalela ga e kitla e fitlha kwa go ene.
7 Wena o lefelo la me la go iphitlha;O tla ntshireletsa fa ke le mo matshwenyegong.+
O tla dira gore ke eme mo bathong ba ba goang ka boitumelo fa o nkgolola.+ (Selah)
8 “Ke tla go naya temogo ke bo ke go ruta tsela e o tshwanetseng go tsamaya mo go yone.+
Ke tla go naya kgakololo ke go beile leitlho.+
9 Lo se ka lwa tshwana le pitse kgotsa mmoulo o o se nang tlhaloganyo,+O o tshwanetseng go laolwa ka tomo kgotsa ka kgolePele ga o go atamela ka gonne o le tlhaga thata.”
10 Batho ba ba bosula ba na le ditlhabi tse dintsi;Mme yo o ikanyang Jehofa o sireleditswe ke lorato lwa Gagwe lo lo sa kgaotseng.+
11 Itumeleng ka ntlha ya se Jehofa a se dirileng, lona basiami;Goang ka boitumelo, lona lotlhe ba ba pelo e e siameng.
Dintlha Tse di Kwa Tlase
^ Bona Ditlhaloso Tsa Mafoko.
^ Kgotsa “itshwaretsweng.” Seheb., “bipilweng.”
^ Kgotsa “go sa intumelele.”
^ Kgotsa “Bongola jwa botshelo jwa me bo ne jwa fetoga.”
