Dipesalema 37:1-40
Pesalema ya ga Dafide.
א [Aleph]
37 O se ka wa galefa ka ntlha ya batho ba ba bosula.
Kgotsa wa tswela pelo ba ba dirang se se sa siamang.+
2 Ba tla swaba ka bonako jaaka bojang+E bile ba tla omelela jaaka bojang jo bosha jo botala.
ב [Beth]
3 Ikanye Jehofa mme o dire se se molemo;+Aga mo lefatsheng,* mme o dire ka boikanyegi.+
4 Jehofa o tla go tlisetsa boitumelo jo bogolo,E bile o tla go naya dilo tse o di eletsang.
ג [Gimel]
5 Itsise Jehofa tsela ya gago;*+Mo ikanye, mme o tla go thusa.+
6 O tla dira gore tshiamo ya gago e phatsime jaaka letsatsi fa le tlhaba,Le tshiamiso ya gago gore e nne jaaka letsatsi go le sethoboloko.
ד [Daleth]
7 Leta Jehofa o le pelotelele+Mo letele mme o bone gore o tla dira eng.
O se ka wa galefisiwa ke mothoYo o kgonang go diragatsa maano a gagwe.+
ה [He]
8 Tlogela bogale mme o lese go shakgala;+O se ka wa tenega o bo o dira bosula.*
9 Gonne batho ba ba bosula ba tla fedisiwa,+Mme ba ba solofetseng mo go Jehofa ba tla rua lefatshe.+
ו [Waw]
10 Go ise go ye kae, batho ba ba bosula ba tla bo ba sa tlhole ba le teng;+O tla sekaseka kwa ba neng ba le gone,Mme ba tla bo ba seyo.+
11 Le fa go ntse jalo, ba ba pelonolo ba tla rua lefatshe,+Mme ba tla tshela ka boitumelo go rena kagiso.+
ז [Zayin]
12 Modirabosula o logela mosiami leano;+O a galefa* fa a mmona.
13 Mme Jehofa o tla mo tshega,Gonne o a itse gore letsatsi la gagwe le tla tla.+
ח [Heth]
14 Batho ba ba bosula ba somola tšhaka e bile mongwe le mongwe wa bone o gagamatsa bora jwa gagweGore a dige ba ba bogisiwang le bahumanegi,Gore a bolaye ba ba dirang se se siameng.
15 Le fa go ntse jalo, tšhaka ya bone e tla phunyeletsa pelo ya bone;+Bora jwa mongwe le mongwe wa bone bo tla robagana.
ט [Teth]
16 Bonnye jo mosiami a nang le jone bo botokaGo gaisa letlotlo la batho ba bantsi ba ba bosula.+
17 Gonne maatla a batho ba ba bosula a tla tsewa,Mme Jehofa o tla tshegetsa basiami.
י [Yod]
18 Jehofa o lemoga se se diragalelang ba ba se nang molato,*Mme boswa jwa bone bo tla nnela ruri.+
19 Ga ba kitla ba tlhabiwa ke ditlhong ka nako ya masetlapelo;Ka nako ya leuba ba tla nna le mo gontsi.
כ [Kaph]
20 Le fa go ntse jalo, batho ba ba bosula ba tla fedisiwa;+Baba ba ga Jehofa ba tla nyelela jaaka mafulo a mantle;Ba tla nyelela jaaka mosi.
ל [Lamed]
21 Motho yo o bosula o a adima mme ga a duele,Mme mosiami o pelotshweu* e bile o a aba.+
22 Ba Modimo a ba segofatsang ba tla nna mo lefatsheng,Mme ba a ba hutsang ba tla fedisiwa.+
מ [Mem]
23 Jehofa o kaela* dikgato tsa motho+Fa a itumelela tsela ya motho yoo.+
24 Le fa a ka kgopiwa, ga a kitla a pirigana fa fatshe,+Gonne Jehofa o mo tshegetsa ka seatla.*+
נ [Nun]
25 Nkile ka bo ke le monnye mme jaanong ke tsofetse,Le fa go ntse jalo, ga ke ise ke bone ope yo o siameng a latlhilwe,+Kgotsa bana ba gagwe ba tlhoka dijo.*+
26 Ka metlha o adima ba bangwe ka bopelotshweu,+Mme bana ba gagwe ba tla segofadiwa.
ס [Samekh]
27 Tlogela bosula mme o dire se se molemo,+Mme o tla nna ka bosakhutleng.
28 Gonne Jehofa o rata tshiamiso,Mme ga a kitla a latlha batho ba gagwe ba ba ikanyegang.+
ע [Ayin]
Ba tla nna ba disitswe ka metlha;+Mme ditlogolwana tsa batho ba ba bosula di tla fedisiwa.+
29 Basiami ba tla rua lefatshe,+Mme ba tla nna mo go lone ka bosakhutleng.+
פ [Pe]
30 Molomo wa mosiami o ntsha botlhale,*Mme loleme lwa gagwe lo bua ka tshiamiso.+
31 Molao wa Modimo wa gagwe o mo pelong ya gagwe;+Dikgato tsa gagwe ga di na go reketla.+
צ [Tsade]
32 Modirabosula o nna a lebile mosiami,A batla go mmolaya.
33 Le fa go ntse jalo, Jehofa ga a kitla a mo tsenya mo seatleng sa ene yoo+Kgotsa a mmona molato fa a atlholwa.+
ק [Qoph]
34 Solofela mo go Jehofa mme o latele tsela ya gagwe,Mme o tla go godisa gore o rue lefatshe.
Fa batho ba ba bosula ba fedisiwa,+ o tla bona seo.+
ר [Resh]
35 Ke bone motho yo o setlhogo, yo o bosulaA anama jaaka setlhare se segolo se se mo mmung o o nonneng.+
36 Le fa go ntse jalo, ka tshoganyetso fela o ne a nyelela a bo a sa tlhole a le teng;+Ke ne ka nna ka mmatla, mme ka se ka ka mmona.+
ש [Shin]
37 Ela tlhoko motho yo o se nang molato,*Mme o nne o lebile motho yo o siameng,+Gonne motho yoo o tla tshela ka kagiso mo nakong e e tlang.+
38 Mme batho botlhe ba ba tlolang molao wa Modimo ba tla senngwa;Batho ba ba bosula ba tla fedisiwa.+
ת [Taw]
39 Jehofa ke ene a bolokang basiami;+Ke kago ya bone ya phemelo mo motlheng wa matshwenyego.+
40 Jehofa o tla ba thusa a bo a ba golola.+
O tla ba golola mo bathong ba ba bosula a bo a ba boloka,Ka gonne ba tshabetse mo go ene.+
Dintlha Tse di Kwa Tlase
^ Kgotsa “mo nageng.”
^ Seheb., “Pitikela tsela ya gago mo go Jehofa.”
^ Kgotsa gongwe “O se ka wa galefa ka gonne seo se ka felela ka mathata.”
^ Seheb., “O phuranya meno.”
^ Seheb., “o lemoga malatsi a ba ba se nang molato.”
^ Kgotsa “o utlwela ba bangwe botlhoko.”
^ Kgotsa “tlhomamisa; tsepamisa.”
^ Kgotsa “ka seatla sa Gagwe.”
^ Seheb., “senkgwe.”
^ Kgotsa “o bua botlhale ka lentswe le le kwa tlase.”
^ Kgotsa “motho yo o nnang a thokgame.”
