Dipesalema 41:1-13
Go mokaedi. Pina ya ga Dafide.
41 Go itumela ope fela yo o akanyetsang motho wa maemo a a kwa tlase;+Jehofa o tla mo golola mo letsatsing la masetlapelo.
2 Jehofa o tla mo disa e bile o tla dira gore a nne a tshela.
Batho ba tla bona gore o itumetse;+Le ka motlha ga o kitla o mo neela baba ba gagwe.*+
3 Jehofa ga a kitla a mo latlha fa a le mo bolaong a lwala;+O tla mo tlhokomela fa a ntse a lwala.
4 Gonne ke ne ka re: “Ao tlhe Jehofa, nkutlwele botlhoko.+
Mphodise,+ ka gonne ke go leofetse.”+
5 Le fa go ntse jalo, baba ba me ba bua bosula ka nna ba re:
“O tla swa leng mme leina la gagwe la nyelela?”
6 Fa mongwe wa bone a tla go mpona, pelo ya gagwe e bua maaka.
O kokoanya sengwe se se utlwisang botlhoko se a ka se buang;Go tswa foo, o a tswa a bo a se anamisetsa kgakala.
7 Botlhe ba ba ntlhoileng ba sebaseba mmogo;Ba nkeleletsa sengwe se se bosula ba re:
8 “O diragaletswe ke sengwe se se tshosang;E re ka jaanong a rapame, ga a kitla a tsoga gape.”+
9 Tota le motho yo ke tshelang le ene ka kagiso, yo ke neng ke mo ikantse,+Yo o neng a ja le nna, o ntlhanogetse.*+
10 Nkutlwele botlhoko tlhe Jehofa, mme o ntsholetse,Gore ke tle ke ba otlhaele se ba se dirileng.
11 Ke tla itse ka seno gore o a nkgatlhegela:
Fa mmaba wa me a ka se ka a mphenya a bo a itumela.+
12 Mme nna, o ntlotlomaditse ka ntlha ya go bo ke ikanyega mo go wena;+O tla mpaya fa pele ga gago ka bosakhutleng.+
13 E kete Jehofa, Modimo wa Iseraele, a ka bakwaKa bosakhutleng.*+
Amen le Amen.
Dintlha Tse di Kwa Tlase
^ Kgotsa “o mo neela mo thatong ya baba ba gagwe.”
^ Seheb., “o ntsholeleditse serethe.”
^ Kgotsa “Go tswa bosasimologeng go ya bosakhutleng.”
