Dipesalema 44:1-26
Go mokaedi. Pesalema ya bomorwa Kora.+ Masekile.*
44 Modimo, re utlwile ka ditsebe tsa rona,Borraaronamogolo ba re boleletse+Ditiro tse o neng wa di dira mo metlheng ya bone,Mo metlheng ya bogologolo.
2 O ne wa leleka ditšhaba ka seatla sa gago+Mme wa baya borraaronamogolo mo mafelong a tsone.+
O ne wa thubaganya ditšhaba wa bo wa di leleka.+
3 E ne e se ka ntlha ya tšhaka ya bone go bo ba ile ba rua lefatshe leo,+E bile lebogo la bone ga le a ba tlisetsa phenyo.+
Go na le moo, e ne e le ka ntlha ya seatla sa gago sa moja le lebogo la gago+ le lesedi la sefatlhego sa gago,Gonne o ne o ba itumelela.+
4 Wena Modimo, o Kgosi ya me;+Laela gore Jakobe a fenye.*
5 Re tla busetsa baba ba rona kwa morago ka maatla a gago;+Re tla gataka ba ba re tlhaselang re dirisa leina la gago.+
6 Gonne ga ke ikanye bora jwa me,E bile tšhaka ya me ga e ka ke ya mpoloka.+
7 Ke wena yo o neng wa re golola mo babeng ba rona,+Wena yo o neng wa kokobetsa ba ba re tlhoileng.
8 Modimo wa me, re tla go baka letsatsi lotlhe,E bile re tla ntshetsa leina la gago ditebogo ka bosakhutleng. (Selah)
9 Le fa go ntse jalo, o re latlhile e bile o re kokobeditse,E bile ga o tsamaye le masole a rona.
10 O ntse o dira gore re tshabe mmaba wa rona;+Ba ba re tlhoileng ba tsaya sepe fela se ba se batlang.
11 O re tlogetse fela gore re jewe jaaka dinku;O re gasamiseditse mo ditšhabeng.+
12 O rekisa batho ba gago ka tlhwatlhwa e e seng ya sepe;+Ga o dire poelo epe fa o ba rekisa.
13 O dira gore baagelani ba rona ba re kgobe,Le gore ba ba re dikologileng ba re sotle ba bo ba re je ditshego.
14 O dira gore re nne sengwe se se nyadiwang ke ditšhaba,+Sengwe se merafe e tshikinyang tlhogo fa e se bona.
15 Ke ikutlwa ke kokobeditswe letsatsi lotlhe,E bile ke imetswe ke ditlhong tsa me,
16 Ka ntlha ya modumo wa ba ba nkgobang le ba ba ntlhapatsang,Ka ntlha ya mmaba wa rona yo o ipusolosetsang.
17 Re diragaletswe ke dilo tseno tsotlhe, le fa go ntse jalo ga re a go lebala,E bile ga re a tlola kgolagano ya gago.+
18 Dipelo tsa rona ga di a fapoga;Dikgato tsa rona ga di tswe mo tselaneng ya gago.
19 Mme o re thubaganyeditse kwa bophokoje ba nnang gone;O re baketse mahutsana a magolo.
20 Fa e le gore re lebetse leina la Modimo wa ronaKgotsa fa e le gore re otlololela diatla tsa rona kwa modimong o sele re o rapela,
21 A Modimo ga a kitla a lemoga seno?
O bona diphiri tse di mo pelong.+
22 Letsatsi le letsatsi re a bolawa ka gonne re le batho ba gago;Re kailwe re le dinku tse di tshwanetseng go tlhabiwa.+
23 Ao tlhe Jehofa, goreng o sa ntse o didimetse?+
Re kopa gore o re thuse. O se ka wa re latlhela ruri.+
24 Goreng o fitlha sefatlhego sa gago?
Ke eng fa o lebala go boga ga rona le go gatelelwa ga rona?
25 Gonne re isitswe kwa tlase kwa loroleng;Mebele ya rona e gateletswe fa fatshe.+
26 Tsweetswee re thuse!+
Re golole* ka ntlha ya lorato lwa gago lo lo sa kgaotseng.+
Dintlha Tse di Kwa Tlase
^ Bona Ditlhaloso Tsa Mafoko.
^ Kgotsa “a nne le poloko e kgolo.”
^ Seheb., “rekolole.”
