Dipesalema 57:1-11
Go mokaedi; e opelwe ka molodi wa “O se Ka wa Ntshenya.” Pesalema ya ga Dafide. Miketame.* Fa a ne a tshabetse mo logageng+ ka ntlha ya ga Saulo.
57 Nkutlwele botlhoko tlhe Modimo, nkutlwele botlhoko,Gonne ke tshabetse mo go wena,+Ke tshabetse mo moriting wa diphuka tsa gago go fitlha mathata a feta.+
2 Ke goela kwa Modimong yo e leng Mogodimodimo,Kwa Modimong wa boammaaruri, yo o a fedisang ka ntlha ya me.
3 O tla romela thuso go tswa kwa legodimong a bo a mpoloka.+
O tla thibela motho yo o ntlhaselang. (Selah)
Modimo o tla romela lorato lwa gagwe lo lo sa kgaotseng le boammaaruri jwa gagwe.+
4 Ke dikologilwe ke ditau;+Ke tshwanelwa ke go lala fa gare ga batho ba ba batlang go nkometsa,Ba meno a bone e leng marumo le metswiLe ba maleme a bone e leng ditšhaka tse di bogale.+
5 Bontsha bogolo jwa gago kwa magodimong, Modimo wa me;E kete kgalalelo ya gago e ka okama lefatshe lotlhe.+
6 Baba ba me ba mpeetse serai;*+Ke tshwenyegile thata.+
Ba epile khuti kwa pele ga me,Le fa go ntse jalo, ke bone ba ba welang mo go yone.+ (Selah)
7 Pelo ya me e a ikanyega, tlhe Modimo,+Pelo ya me e a ikanyega.
Ke tla opela ke bo ke letsa mmino.
8 A ko o thanye, kgalalelo ya me.
A ko o thanye, wena seletswa sa megala; le wena harepa.
Ke tla tsoga go sa le phakela.+
9 Ke tla go baka mo merafeng, Jehofa;+Ke tla go opelela dipako* mo ditšhabeng.+
10 Gonne lorato lwa gago lo lo sa kgaotseng lo logolo, lo kwa godimo jaaka magodimo,+Le boammaaruri jwa gago bo fitlha kwa loaping.
11 Bontsha bogolo jwa gago kwa magodimong, Modimo wa me;E kete kgalalelo ya gago e ka okama lefatshe lotlhe.+
Dintlha Tse di Kwa Tlase
^ Bona Ditlhaloso Tsa Mafoko.
^ Seheb., “letlowa.”
^ Kgotsa “leletsa mmino.”
