Dipesalema 64:1-10
-
Go sirelediwa mo ditlhaselong tse di bofitlha
-
“Modimo o tla ba hula” (7)
-
Go mokaedi. Pina ya ga Dafide.
64 Ao tlhe Modimo, ntheetse fa ke go kopa.+
Sireletsa botshelo jwa me gore ke se ka ka boifisiwa ke mmaba.
2 Ntshireletse mo maanong a sephiri a batho ba ba bosula,+Mo boidiiding jwa badirabosula.
3 Ba lootsa maleme a bone fela jaaka tšhaka;Ba lebaganya mafoko a bone a a setlhogo jaaka metswi,
4 Gore ba hule motho yo o se nang molato ba le mo mafelong a ba iphitlhang mo go one;Ba mo hula ka tshoganyetso, ba sa boife sepe.
5 Ba ngangatlela maikaelelo a bone a a bosula;*Ba buisana kafa ba ka fitlhang dirai tsa bone ka gone.
Ba re: “Ke mang yo o tla di bonang?”+
6 Ba batla ditsela tse disha tsa go dira bosula;Ba loga leano la bone la bolotsana mo sephiring;+Se mongwe le mongwe wa bone a se akanyang mo pelong ya gagwe se boteng.
7 Mme Modimo o tla ba hula;+Ka tshoganyetso fela ba tla bo ba gobaditswe ke motswi.
8 Loleme lwa bone lo tla dira gore ba we;+Botlhe ba ba lebileng ba tla tshikinya ditlhogo.
9 Foo batho botlhe ba tla boifa,Mme ba tla itsise se Modimo a se dirileng,E bile ba tla lemoga ditiro tsa gagwe.+
10 Motho yo o siameng o tla itumela mo go Jehofa e bile o tla tshabela mo go ene;+Botlhe ba ba dipelo di siameng ba tla itumela.*
