Dipesalema 7:1-17
-
Jehofa ke Moatlhodi yo o siameng
-
“Nkatlhole, tlhe Jehofa” (8)
-
Pina ya ga Dafide ya khutsafalo e a neng a e opelela Jehofa ka ntlha ya mafoko a ga Kushe wa Mobenjamine.
7 Ao tlhe Jehofa, Modimo wa me, ke tshabetse mo go wena.+
Nkgolole mo bathong botlhe ba ba mpogisang mme o mpoloke.+
2 Go seng jalo ba tla nkgaoganya dikarolwana jaaka tau e dira,+Ba ntsaya go se na ope yo o ka nkgololang.
3 Ao tlhe Jehofa, Modimo wa me, fa e le gore ke phoso mo go seno,Fa e le gore ke dirile tshiamololo,
4 Fa e le gore ke diretse motho yo o ntirelang molemo phoso,+Kgotsa fa e le gore ke gapetse mmaba wa me dithoto kwantle ga lebaka,*
5 Foo a mmaba a ntelekise a bo a ntshware;A a gatakele botshelo jwa me fa fatsheA bo a dire gore kgalalelo ya me e nyelele mo loroleng. (Selah)
6 Ao tlhe Jehofa, dira sengwe go bontsha gore o galefile;Thibela baba ba me ba ba nkgalefetseng;+Ema mme o nthuse, mme o dire gore go dirwe tshiamiso.+
7 A ditšhaba di eme go go dikologa;Mme o tla di atlhola o le kwa legodimong.
8 Jehofa o tla atlhola ditšhaba.+
Nkatlhole, tlhe Jehofa,Mme o bone gore ke siame e bile ga ke na molato.*+
9 Tsweetswee, fedisa ditiro tsa batho ba ba bosula.
Mme dira gore mosiami a nne maatla,+Ka gonne o Modimo yo o siameng+ yo o tlhatlhobang dipelo+ le maikutlo a a kwa tengteng.*+
10 Modimo ke thebe ya me,+ Mmoloki wa ba ba pelo e e siameng.+
11 Modimo ke Moatlhodi yo o siameng,+E bile Modimo o itsise dikatlholo tsa gagwe letsatsi le letsatsi.
12 Fa go na le motho ope yo o sa ikwatlhayeng,+ Modimo o lootsa tšhaka ya Gagwe;+O oba bora jwa gagwe a bo a bo baakanyetsa go hula.+
13 O baakanya dibetsa tsa gagwe tse di bolayang;O tlhoma metswi ya gagwe mo molelong.+
14 Bona motho yo o imileng se se bosula;O ima mathata mme o tla belega maaka.+
15 O epa khuti e bile o nna a e epela kwa teng,Le fa go ntse jalo, o wela mo go yone khuti e a e epileng.+
16 Mathata a a a bakang a tla boela mo go ene;+Dilo tse di setlhogo tse a di dirang di tla boela mo go ene.
17 Ke tla baka Jehofa ka ntlha ya tshiamiso ya gagwe;+Ke tla opelela* leina la ga Jehofa,+ Mogodimodimo+ dipako.
Dintlha Tse di Kwa Tlase
^ Kgotsa gongwe “Fa e le gore ke bolokile motho yo o nkganetsang kwantle ga lebaka.”
^ Kgotsa “e bile ke thokgame.”
^ Kgotsa “yo o lekang dipelo le diphilo.”
^ Kgotsa “letsa mmino.”
