Dipesalema 80:1-19
Go mokaedi wa “Malômô a Masoma.”* Sengwe se se gopotsang. Pesalema ya ga Asafe.+ Pina.
80 Ao tlhe Modisa wa Iseraele, reetsa,Wena yo o kaelang Josefa fela jaaka letsomane.+
Wena yo o ntseng fa godimo* ga ditšheruba,+A ko o phatsime.*
2 Bontsha bogolo jwa gago+Fa pele ga ga Eferaime le Benjamine le Manase;Tlaa mme o re boloke.+
3 Ao tlhe Modimo, re amogele gape;+Re phatsimisetse sefatlhego sa gago, gore re tle re bolokwe.+
4 Jehofa Modimo wa masomosomo, o tla nna setlhogo mo* bathong ba gago ka lobaka lo lo kae e bile o gana go reetsa dithapelo tsa bone?+
5 O ba fepa ka dikeledi gore e nne senkgwe sa bone,E bile o dira gore ba nwe dikeledi tse di se nang selekanyo.
6 O letla gore baagelani ba rona ba nne le kgotlhang le rona;Baba ba rona ba nna ba re sotla jaaka ba rata.+
7 Ao tlhe Modimo wa masomosomo, re amogele gape;Re phatsimisetse sefatlhego sa gago, gore re tle re bolokwe.+
8 O ne wa ntsha setlhare sa morara*+ kwa Egepeto.
O ne wa leleka ditšhaba o bo o se jala.+
9 O ne wa se baakanyetsa lefelo,Mme se ne sa mela medi se bo se tlala lefatshe.+
10 Dithaba di ne tsa khurumediwa ke moriti wa sone,Le masedara a Modimo a ne a khurumediwa ke dikala tsa sone.
11 Dikala tsa sone di ne tsa fitlha kwa lewatleng,Le matlhogela a sone a ne a fitlha kwa Nokeng.*+
12 Ke ka ntlha yang fa o thubile dipota tsa maje tsa tshimo ya morara,+Gore batho botlhe ba ba fetang ka tsela ba kgetle maungo a yone?+
13 Dikolobe tse ditonanyana tse di nnang mo sekgweng di a se senya,Le diphologolo tsa naga di fula mo go sone.+
14 Ao tlhe Modimo wa masomosomo, tsweetswee boa.
Leba o le kwa legodimong mme o bone!
Tlhokomela setlhare seno sa morara,+
15 Kutu* e o e jadileng ka seatla sa gago sa moja,+Mme o lebe morwa* yo o mo nonotshitseng gore o tlotliwe.+
16 Se fisitswe ka molelo,+ se kgaotswe.
Ba a nyelela fa o kgalema.*
17 E kete seatla sa gago se ka tshegetsa motho yo o ka fa seatleng sa gago sa moja,Morwa motho yo o mo nonotshitseng gore o tlotliwe.+
18 Foo ga re kitla re fapoga re go tlogela.
Re boloke, gore re tle re bitse leina la gago.
19 Ao tlhe Jehofa Modimo wa masomosomo, re amogele gape;Re phatsimisetse sefatlhego sa gago, gore re tle re bolokwe.+
Dintlha Tse di Kwa Tlase
^ Gongwe go tewa seletswa sa megala, mofuta wa mmino kgotsa molodi wa pina, mme gone bokao jwa yone jwa mmatota ga bo itsiwe.
^ Kgotsa gongwe “fa gare.”
^ Kgotsa “Senola phatsimo ya gago.”
^ Seheb., “o tla galefela.”
^ Kgotsa “diterebe; moretlwa.”
^ Go tewa Euferatese.
^ Kgotsa “Thito ya setlhare sa morara.”
^ Kgotsa “kala.”
^ Seheb., “ka ntlha ya go kgalema ga sefatlhego sa gago.”
