Dipesalema 84:1-12
Go mokaedi wa Gitithe.* Pesalema ya bomorwa Kora.+ Pina.
84 Jehofa wa masomosomo,Ruri motlaagana wa gago o mogolo o montle tota!*+
2 Ke tlhologeletsweMalwapa a ga Jehofa,+Eleruri ke a tlhologeletswe fela thata.
Ke itumelela go goela kwa Modimong yo o tshelang ka pelo ya me yotlhe le ka bojotlhe jwa me.
3 Tota le nonyane e bone legae teng kooLe peolwane e itiretse sentlhaga gone,Kwa e tlhokomelang bana ba yone goneGaufi le sebeso sa gago se segolo, wena Jehofa wa masomosomo,Kgosi ya me le Modimo wa me.
4 Go itumela ba ba nnang mo ntlong ya gago.+
Ba tswelela ba go baka.+ (Selah)
5 Go itumela batho ba o ba nayang nonofo,+Ba ba tlhomileng dipelo tsa bone mo ditseleng tse dikgolo.
6 Fa ba feta ba raletse Mokgatšha wa Bakha,*Ba o dira lefelo le le nang le metswedi;Mme pula ya ntlha e o apesa* ka ditshegofatso.
7 Nonofo ya bone e tla nna e oketsega fa ba ntse ba tsamaya;+Mongwe le mongwe wa bone o iponatsa fa pele ga Modimo kwa Siona.
8 Ao tlhe Jehofa Modimo wa masomosomo, utlwa thapelo ya me;Reetsa tlhe Modimo wa ga Jakobe. (Selah)
9 Leba, wena thebe ya rona+ le Modimo wa rona,*Leba sefatlhego sa motlodiwa wa gago.+
10 Gonne letsatsi le le lengwe fela mo malwapeng a gago le gaisa a le sekete go sele.+
Ke tlhopha go ema fa kgorong ya ntlo ya Modimo wa meGo na le go nna mo ditenteng tsa batho ba ba bosula.
11 Gonne Jehofa Modimo ke letsatsi+ le thebe;+O kutlwelobotlhoko e bile o naya kgalalelo.
Jehofa ga a kitla a tima batho ba ba se nang molato+Sepe se se molemo.
12 Go itumela motho yo o go ikanyang,+Wena Jehofa wa masomosomo.
Dintlha Tse di Kwa Tlase
^ Bona Ditlhaloso Tsa Mafoko.
^ Kgotsa “o ratega thata.”
^ Kgotsa “mokgatšha wa ditlhatshana tsa bakha.”
^ Kgotsa gongwe “Mme motlhatlheledi o ikhurumetsa.”
^ Kgotsa gongwe “Ao tlhe Modimo, leba thebe ya rona.”
