Habakuke 2:1-20
2 Ke tla nna ke eme mo lefelong la me la go lebelela,+E bile ke tla ema mo kagong ya phemelo.
Ke tla nna ke lebeletse gore ke bone gore o tla bua eng a ntirisaLe gore ke tla araba ke reng fa ke kgalemelwa.
2 Foo Jehofa o ne a nkaraba a re:
“Kwala ponatshegelo eno, mme o e gabe mo dikwalelong ka tsela e e bonalang sentle,+Gore yo o e balelang kwa godimo a tle a dire jalo motlhofo.*+
3 Gonne ponatshegelo eno e sa ntse e letetse nako e e tlhomilweng,Mme e itlhaganelela kwa bokhutlong jwa yone,* e bile ga e kitla e bua maaka.
Le fa e ka diega,* nna o e lebeletse!*+
Gonne ruri e tla diragala.
Ga e kitla e tla morago ga nako!
4 Leba motho yo o mabela;*Ga a siama.
Mme mosiami o tla tshela ka gonne a ikanyega.*+
5 Eleruri, beine e ka dira gore motho a nne sematla.
Mme ka ntlha ya seno, motho yo o ikgogomosang ga a na go fitlhelela sepe.
Keletso ya gagwe e kgolo fela jaaka Lebitla;*O tshwana le loso, ga a ke a kgotsofala.
O nna a phutha merafe yotlheE bile a kokoanyetsa ditšhaba tsotlhe kwa go ene.+
6 A bano botlhe ga ba kitla ba bua seane le dithamalakane ka ga gagwe?+
Ba tla re:
‘Ruri go latlhega motho yo o kokoanyang dilo tse e seng tsa gagweLe yo o ikokeletsang sekoloto!
O tla di kokoanya ka lobaka lo lo kae?
7 A batho ba o ba kolotang ga ba kitla ba go tlhasela ka tshoganyetso?
Ba tla tsoga ba bo ba go tshikinya botlhoko,Mme o tla fetoga sengwe se ba ka se gapang.+
8 E re ka o ne wa gapa merafe e le mentsi,Ditšhaba tse dingwe tsotlhe di tla go gapa+Ka ntlha ya madi a batho a o neng wa a tshololaLe ka ntlha ya thubakanyo e o neng wa e dira mo lefatsheng,Le mo metseng le mo go botlhe ba ba nnang mo go yone.+
9 Ruri go latlhega motho yo o direlang ba lelapa la gagwe lotseno ka tsela e e sa siamang,Gore a tlhome sentlhaga sa gagwe kwa godimodimo,E le gore a tle a falole masetlapelo!
10 Maano a gago a a bosula a tliseditse ba lelapa la gago matlhabisaditlhong.
O a iteofela ka go bolaya ditšhaba di le dintsi.+
11 Gonne leje le tla goa le le mo loboteng,Mme tlhomeso e tla le araba e le mo borulelong.
12 Ruri go latlhega motho yo o agang motse ka go bolaya batho,Le yo o tiisang motsana ka go dira se se sa siamang!
13 Bonang! A Jehofa wa masomosomo ga se ene a dirang gore ditšhaba di bereke ka natla gore di tlhosetse molelo,Le gore merafe e itapisetse lefela?+
14 Gonne lefatshe le tla tlala batho ba ba itseng ka kgalalelo ya ga JehofaFela jaaka metsi a khurumeditse lewatle.+
15 Ruri go latlhega motho yo o galefileng le yo o bogale,A bo a naya ditsala tsa gagwe sengwe sa go nwa gore ba tagwe,E le gore a ba bone ba sa apara!
16 O tla tlontlololwa mo go botlhoko go na le go galalediwa.
Le wena o tla nwa, e bile o tla tsewa jaaka yo o sa rupang.*
Senwelo se se mo seatleng sa ga Jehofa sa moja se tla tla kwa go wena,+Mme matlhabisaditlhong a tla khurumetsa kgalalelo ya gago;
17 Gonne o tla fedisiwa ka tsela e o neng wa fedisa Lebanona ka yone,E bile o tla senngwa ka tsela e o neng wa senya diphologolo tse di tshosang ka yoneKa ntlha ya madi a batho a o neng wa a tshololaLe ka ntlha ya thubakanyo e o neng wa e dira mo lefatsheng,Le mo metseng le mo go botlhe ba ba nnang mo go yone.+
18 Setshwantsho se se betlilweng se na le mosola ofe,Sone se se dirilweng ke motho?
Sefikantswe se se bopilweng le morutisi wa maaka di na le mosola ofe,Le fa gone yo o di dirileng a di ikanya,Mme tota a dira medimo e e se nang mosola e e sa kgoneng go bua?+
19 Ruri go latlhega motho yo o rayang logong a re: “Tsoga!”
Kgotsa yo o rayang leje a re: “A ko o tsoge! Re rute”!
Le manegilwe gauta le selefera,+E bile ga le heme gotlhelele.+
20 Mme Jehofa o mo tempeleng ya gagwe e e boitshepo.+
Didimalang fa pele ga gagwe, lona lotlhe ba ba mo lefatsheng!’”+
Dintlha Tse di Kwa Tlase
^ Kgotsa “ka thelelo.”
^ Kgotsa “go diragadiwa.”
^ Kgotsa “fa go lebega e diega.”
^ Kgotsa “e letele ka bopelotelele!”
^ Kgotsa “Bona! O gogomogile.”
^ Kgotsa gongwe “a na le tumelo; a dumela.”
^ Kgotsa “Sheole.” Bona Ditlhaloso Tsa Mafoko.
^ Kgotsa gongwe “e bile o tla thetheekela.”
