Hosea 14:1-9
14 “Wena Iseraele, boela kwa go Jehofa, Modimo wa gago,+Ka gonne o ne wa kgopiwa ka ntlha ya molato wa gago.
2 Boelang kwa go Jehofa ka mafoko ano,Mo reyeng lo re, ‘E kete o ka re itshwarela molato wa rona+ mme wa amogela se se molemo go tswa mo go rona,A mafoko a rona+ a tshwane le dipowana tse re di go ntshetsang setlhabelo.*
3 Asiria ga e kitla e re boloka.+
Ga re kitla re palama dipitse.+
E bile ga re kitla re tlhola re raya tiro ya diatla tsa rona re re, “Ao tlhe Modimo wa rona!”
Gonne ke wena yo o utlwelang khutsana* botlhoko.’+
4 Ke tla ba fodisa mme ba tla ikanyega.+
Ke tla ba rata ka pelo yotlhe,+Ka gonne bogale jwa me bo fapogile mo go bone.+
5 Ke tla nna jaaka monyo mo go Iseraele;O tla ntsha lelômô* jaaka lelômô la lesoma,E bile medi ya gagwe e tla nama jaaka ditlhare tsa kwa Lebanona.
6 Dikalana tsa gagwe di tla anama,Bontle jwa gagwe bo tla tshwana le jwa setlhare sa motlhware,Le monko wa gagwe o tla utlwala jaaka wa kwa Lebanona.
7 Ba tla boa ba nna mo moriting wa gagwe gape.
Ba tla jala dijo tsa ditlhaka, e bile ba tla ntsha matlhogela jaaka morara.*+
Go tuma* ga gagwe go tla nna jaaka ga beine ya kwa Lebanona.
8 Eferaime o tla re, ‘Ke sa ntse ke tla dira eng ka medingwana?’+
Ke tla mo araba ke bo ke nna ke mo lebile.+
Ke tla tshwana le setlhare sa mofira se se golang thata.
Maungo a gagwe a tla fitlhelwa mo go nna.”
9 Ke mang yo o botlhale? A a tlhaloganye dilo tseno.
Ke mang yo o tlhalefileng? A a di itse.
Ka gonne ditsela tsa ga Jehofa di siame,+Mme basiami ba tla tsamaya mo go tsone;Le fa go ntse jalo, badirabosula ba tla kgopiwa mo go tsone.
Dintlha Tse di Kwa Tlase
^ Seheb., “Re tla ntsha dipowana ka melomo ya rona.”
^ Seheb., “ngwana yo o se nang rre.”
^ Kgotsa “sethunya.”
^ Kgotsa “diterebe; moretlwa.”
^ Seheb., “Segopotso.”
