Hosea 7:1-16
7 “Nako le nako fa ke leka go fodisa Iseraele,Molato wa Eferaime o a senoga,+Bosula jwa Samarea+ le jone bo a senoga.
Gonne ba a tsietsa;+Magodu a a thuba, mme ditlhopha tsa dirukutlhi di tlhasela kwa ntle.+
2 Le fa go ntse jalo, ga go tle mo dipelong tsa bone gore ke tla gakologelwa bosula jotlhe jwa bone.+
Jaanong ditiro tsa bone tse di bosula di dirile gore ba nne bosula le go feta;Ke bona ditiro tsa bone tsotlhe.
3 Ba itumedisa kgosi ka dilo tse di bosula tse ba di dirang,E bile ba dira gore dikgosana di itumele ka gonne ba a tsietsa.
4 Botlhe ke diaka,Ba tuka jaaka onto* e e goteditsweng ke mmesi,Yo o tlogelang go kgotletsa molelo fa a sena go duba bupi go fitlha bo bela.
5 Mo letsatsing la kgosi ya rona, dikgosana di ne tsa lwalaDi shakgetse ka ntlha ya beine.+
Kgosi e otlololetse basotli seatla.
6 Gonne ba atamela ka dipelo tse di tukang jaaka onto.*
Mmesi o robala bosigo jotlhe;Mo mosong obene e babola jaaka kgabo ya molelo.
7 Botlhe fela ba mogote jaaka onto,Mme ba kometsa babusi* ba bone.
Dikgosi tsotlhe tsa bone di ole;+Ga go na ope mo go bone yo o tlhaeletsang kwa go nna.+
8 Eferaime o ikopanya le batho ba ditšhaba tse dingwe.+
Eferaime o tshwana le kuku e kgolokwe e e bakilweng mo letlhakoreng le le lengwe fela.
9 Batswakwa ba mo feditse maatla,+ mme ga a itse.
E bile meriri ya gagwe e fetogile, jaanong e mesweu, mme ga a lemoge.
10 Boikgogomoso jwa Iseraele bo mo latofaditse,+Le fa go ntse jalo, ga ba a boela kwa go Jehofa, Modimo wa bone,+E bile ga ba a mmatla le fa ba diragalelwa ke dilo tseno tsotlhe.
11 Eferaime o tshwana le leeba le le seeleele, le le se nang tlhaloganyo.+
Ba ne ba kopa thuso kwa Egepeto;+ ba ne ba kopa thuso kwa Asiria.+
12 Gongwe le gongwe kwa ba yang teng, ke tla tsharololela letlowa la me mo godimo ga bone.
Ke tla ba folosetsa kwa tlase jaaka dinonyane.
Ke ne ka tlhagisa phuthego ya bone gore ke tla ba otlhaya, mme ke tla dira fela jalo.+
13 Ruri ba tlhomola pelo, ka gonne ba tshabile ba ntlogetse!
Ruri ba tla senngwa ka gonne ba nteofetse!
Ke ne ke ipaakanyeditse go ba golola, mme ba ne ba bua maaka ka nna.+
14 Ga ba a ka ba ikuela kwa go nna gore ke ba thuse,+Le fa gone ba ne ba nna ba bokolela mo malaong a bone.
Ba ne ba tle ba itshegake ka tsholofelo ya gore ba tla bona dijo tsa ditlhaka le beine e ntšha;Ba a ntlhasela.
15 Le fa gone ke ile ka ba kgalemela ka bo ka nonotsha mabogo a bone,Ba lwantshana le nna, e bile ba ntogela leano le le bosula.
16 Ba fetotse tsela ya bone, mme ga ba a boela kwa kobamelong ya boammaaruri;Ba ne ba se na mosola fela jaaka bora jo bo bofologileng.+
Dikgosana tsa bone di tla bolawa ka tšhaka ka ntlha ya maleme a bone a a tsietsang.
Ka ntlha ya seno, ba tla nna selo se se kgobiwang mo lefatsheng la Egepeto.”+
Dintlha Tse di Kwa Tlase
^ Kgotsa “obene.”
^ Kgotsa gongwe “Gonne dipelo tsa bone di tshwana le onto fa ba ntse ba atamela ka maano a bone a a bosula.”
^ Seheb., “baatlhodi.”
