Hosea 9:1-17
9 “O se ka wa itumela, wena Iseraele,+O se ka wa itumela jaaka ditšhaba tse dingwe.
Gonne o tlogetse Modimo wa gago ka ntlha ya boaka* jo o bo dirileng.+
O ratile tuelo ya boaka e o e newang mo seboaneng sengwe le sengwe sa dijo tsa ditlhaka.+
2 Le fa go ntse jalo, seboana le segatisetso sa beine ga di kitla di ba fepa,E bile beine e ntšha e tla tlhaela.+
3 Ga ba kitla ba tswelela ba nna mo lefatsheng la ga Jehofa;+Go na le moo, Eferaime o tla boela kwa Egepeto,Mme fa ba le kwa Asiria ba tla ja se se seng phepa.+
4 Ga ba kitla ba tlhola ba tshelela Jehofa beine;+Ditlhabelo tsa bone ga di kitla di mo itumedisa.+
Di tshwana le senkgwe sa khutsafalo;Botlhe ba ba se jang ba tla iteswafatsa.
Gonne senkgwe sa bone ke sa bone fela;Ga se kitla se tsena mo ntlong ya ga Jehofa.
5 Lo tla dira eng mo letsatsing la kopano,*Mo letsatsing la moletlo wa ga Jehofa?
6 Gonne ba tla tshwanelwa ke go tshaba ka ntlha ya tshenyo.+
Egepeto o tla ba phutha mmogo,+ mme Memefise o tla ba fitlha.+
Dibabetsane di tla gola di bo di khurumetsa dilo tsa bone tsa selefera tse di tlhwatlhwakgolo,E bile ditlhatshana tsa mmitlwa di tla bo di le mo ditenteng tsa bone.
7 Malatsi a katlholo a tla tla,+Malatsi a go ipusolosetsa a tla tla,Mme Iseraele e tla itse ka gone.
Moporofeti wa bone o tla nna seeleele, mme motho wa gabone yo o ipolelang gore o tlhotlheleditswe ke Modimo o tla tsenwa;O tlhoilwe thata ka gonne melato ya gago e mentsi.”
8 Molebeledi+ wa Eferaime o ne a na le Modimo.+
Mme jaanong ditsela tsotlhe tsa baporofeti ba gagabo+ di tshwana le dirai tsa motshwaradinonyane;Go na le letlhoo mo ntlong ya Modimo wa gagwe.
9 Ba senyegile thata, fela jaaka ba ne ba ntse mo malatsing a Gibea.+
O tla gakologelwa melato ya bone, e bile o tla ba otlhaela maleo a bone.+
10 “Ke ne ka fitlhela Iseraele a tshwana le morara* mo nageng.+
Ke ne ka bona borraalonamogolo ba tshwana le difeige tse di buduleng pele mo setlhareng sa mofeige.
Le fa go ntse jalo, ba ne ba ya kwa go Baale wa Peore;+Ba ne ba ineela mo selong se se tlhabisang ditlhong,*+Mme ba ne ba fetoga ba ba ferosang sebete jaaka selo seo se ba se ratang.
11 Kgalalelo ya ga Eferaime e fofa jaaka nonyane;Ga ba ime e bile ga ba tshole.+
12 Tota le fa go ka direga gore ba godise bana,Ke tla ba ba amoga go fitlha go sa tlhole go na le ope yo o setseng;+Ruri ba tla latlhega fa ke ba tlogela!+
13 Eferaime yo o jetsweng mo mafulong o ne a tshwana le Ture mo go nna;+Jaanong Eferaime o tshwanetse go isa bomorwawe kwa mmolaing.”
14 Jehofa, ba neye se o tshwanetseng go se ba naya.
Ba neye popelo e e senyegelwang le mabele a a se nang mashi.*
15 “Bosula jotlhe jwa bone bo diragetse kwa Gilegala,+ ka gonne ke kwa ke neng ka simolola go ba tlhoa gone.
Ke tla ba leleka mo ntlong ya me ka ntlha ya ditiro tsa bone tse di bosula.+
Ga nkitla ke tlhola ke ba rata;+Dikgosana tsotlhe tsa bone di tlhogoethata.
16 Eferaime o tla kgemethiwa.+
Modi wa bone o tla omelela e bile ga ba kitla ba tlhagisa leungo lepe.
Mme le fa go ka direga gore ba tshole, ke tla bolaya bana ba bone ba ba ba ratang.”
17 Modimo o tla ba gana,Ka gonne ga ba a ka ba mo reetsa,+E bile ba tla nna batshabi mo ditšhabeng.+
Dintlha Tse di Kwa Tlase
^ Kgotsa “boitsholo jo bo sa siamang.”
^ Kgotsa “la mokete wa lona o o tlhomilweng.”
^ Kgotsa “diterebe; moretlwa.”
^ Kgotsa “mo modimong yo o tlhabisang ditlhong.”
^ Kgotsa “a a swabang.”
