Isaia 1:1-31
1 Ponatshegelo e Isaia*+ morwa Amosi a neng a e bona ka se se tla diragalelang Juda le Jerusalema mo metlheng ya ga Usia,+ Jothame,+ Ahase+ le Hesekia,+ dikgosi tsa Juda:+
2 Utlwang lona magodimo, mme o sekege tsebe wena lefatshe,+Gonne Jehofa o buile jaana:
“Ke godisitse bana ba basimane ka bo ka ba tlamela,+Mme ba ntlhanogetse.+
3 Poo e itse moreki wa yone sentle,Le tonki e itse bojelo jwa diruiwa jwa mong wa yone;Mme Baiseraele bone ga ba nkitse,*+Batho ba me ba itshwara ka go tlhoka tlhaloganyo.”
4 Ruri setšhaba seno se se leofileng,+Batho ba ba imetsweng ke molato wa bone,Losika lwa batho ba ba bosula, bana ba ba senyegileng, ba tla atlholwa.
Ba tlogetse Jehofa;+Ba nyaditse Modimo yo o Boitshepo wa Iseraele;Ba mo tlogetse.
5 Lo tla itewa fa kae gape, fa lo ntse lo tlhanogela pele jaana?+
Tlhogo yotlhe e a lwala,Le pelo yotlhe e koafetse.+
6 Go tloga mo lonaong go fitlha kwa tlhogong, ga go na sepe se se itekanetseng.
Go na le dintho le matsadi le diso tse di phunyegileng,Ga di a alafiwa,* ga di a hapiwa e bile ga di a sidilwa ka leokwane.+
7 Naga ya lona e kgakgabetse.
Metse ya lona e fisitswe ka molelo.
Batswakwa ba ja thobo ya naga ya lona lo ntse lo ba lebile.+
E ntse jaaka naga e e phaphaletseng e e gapilweng ke batswakwa.+
8 Morwadia Siona o tlogetswe jaaka loobo* mo tshimong ya morara,*Jaaka ntlwana mo tshimong ya dikomokomore,*Jaaka motse o o dikologilweng ke masole.+
9 Fa Jehofa wa masomosomo a ne a sa re tlogelela bafalodi ba le mmalwa,Re ka bo re ntse jaaka Sodoma,E bile re ka bo re tshwana le Gomora.+
10 Lona babusaesi* ba Sodoma, utlwang lefoko la ga Jehofa.+
Lona batho ba Gomora, sekegelang molao* wa Modimo wa rona tsebe.+
11 Jehofa a re, “Ditlhabelo tsa lona tse dintsi di ntsholegela molemo ka eng?+
Ke lapisitswe ke ditlhabelo tsa lona tse di fisiwang tsa diphelefu+ le mafura a diphologolo tse di fepilweng sentle,+E bile ga ke itumedisiwe ke madi+ a dipowana+ le a dikwanyana le a dipodi.+
12 Fa lo tla go nkobamela,+Ke mang yo o lo kopilengGore lo gatake malwapa a me?+
13 Tlogelang go tlhola lo tlisa ditlhabelo tsa dijo tsa ditlhaka tse di se nang mosola.
Maswalo a lona a makgapha mo go nna.+
Lo keteka meletlo fa kgwedi e simologa,+ lo bo lo keteka bosabata+ e bile lo rulaganya gore go nne le dikopano.+
Mme ga nkitla ke itshokela kopano ya lona e e kgethegileng mme ka fa letlhakoreng le lengwe lo dirisa maatla a maselamose.+
14 Ke tlhoile meletlo e lo e ketekang fa kgwedi e simologa le meletlo e mengwe.
E fetogile morwalo mo go nna;E ntapisitse.
15 Mme fa lo otlolola diatla tsa lona,Ke lo fitlhela matlho a me.+
Le fa gone lo rapela gantsintsi,+Ga ke a lo reetsa;+Lo bolaile thata.*+
16 Tlhapang, lo iphepafatse;+Tlosang ditiro tsa lona tse di bosula fa pele ga me;Tlogelang go dira bosula.+
17 Ithuteng go dira se se molemo, batlang tshiamiso,+Kgalemelang mogateledi,Femelang ditshwanelo tsa khutsana,*Lo bo lo seke kgang ya motlholagadi.”+
18 Jehofa a re, “Jaanong tlang, mme re tlhamalatse dilo fa gare ga rona,+Le fa gone maleo a lona a le mahibidu,A tla dirwa masweu fela jaaka kapoko;+Le fa gone a le mahibidu jaaka letsela le le bohibidu jo bo tseneletseng,A tla nna jaaka boboa.
19 Fa lo ikemiseditse go reetsa,Lo tla ja dilo tse di molemo tsa naga ya lona.+
20 Mme fa lo gana go reetsa e bile lo tlhanoga,Lo tla bolawa ka tšhaka,+Gonne molomo wa ga Jehofa o buile seno.”
21 Ruri motse o o ikanyegang+ o fetogile mogwebakammele!+
O ne o tletse tshiamiso;+Tshiamo e kile ya bo e nna mo go one,+Mme jaanong go nna babolai.+
22 Selefera ya gago e fetogile leswe,+E bile bojalwa* jwa gago bo tlhaolositswe ka metsi.
23 Dikgosana tsa gago di tlhogoethata e bile ke ditsala tsa magodu.+
Mongwe le mongwe wa bone o rata pipamolomo e bile o batla go newa dimpho.+
Ga ba direle dikhutsana* tshiamiso,E bile ga ba ke ba reetsa motlholagadi fa a ikuela.+
24 Ka jalo, Morena wa boammaaruri, Jehofa wa masomosomo,Yo o Maatla wa Iseraele, a re:
“Go lekane! Ke tla tlosa baganetsi ba me mo go nna,E bile ke tla ipusolosetsa mo babeng ba me.+
25 Ke tla go tsholeletsa seatla,Ke tla tlosa leswe mo go wena jaaka fa batho ba gakolosa selefera gore ba ntshe leswe le le mo go yoneE bile ke tla tlosa dilo tsotlhe tse di sa batlegeng mo go wena.+
26 Ke tla go naya baatlhodi ba gago gapeLe bagakolodi ba gago jaaka kwa tshimologong.+
Morago ga seno o tla bidiwa Motse wa Tshiamo, Motse o o Ikanyegang.+
27 Siona o tla gololwa ka tshiamiso,+E bile batho ba gagwe ba ba boang, ba tla gololwa ka tshiamo.
28 Batlhanogi le baleofi ba tla robaganngwa botlhe,+E bile ba ba tlogelang Jehofa ba tla fedisiwa.+
29 Gonne batho ba tla tlhabiwa ke ditlhong ka ntlha ya ditlhare tse dikgolo tse lo neng lo di eletsa,+E bile lo tla tlontlologa ka ntlha ya ditshingwana* tse lo di tlhophileng.+
30 Gonne lo tla nna jaaka setlhare se segolo se se nang le matlhare a a swabang,+Le jaaka tshingwana e e se nang metsi.
31 Motho yo o nonofileng o tla nna jaaka leodi,*Le tiro ya gagwe e tla nna jaaka tlhase;Tsoopedi di tla tuka ka nako e le nngwe,Go se na ope yo o ka di timang.”
Dintlha Tse di Kwa Tlase
^ Mo go kayang “Poloko ya ga Jehofa.”
^ Kgotsa “ga ba itse mong wa bone.”
^ Seheb., “tamolwa.”
^ Kgotsa “dikhukhamba; diphare.”
^ Kgotsa “diterebe; moretlwa.”
^ Bona “Moletlo wa Diobo” mo Ditlhaloso Tsa Mafoko.
^ Kgotsa “babusi.”
^ Kgotsa “taelo.”
^ Kgotsa “Diatla tsa lona di tletse madi.”
^ Seheb., “ngwana yo o se nang rre.”
^ Kgotsa “bojalwa jwa korong.”
^ Seheb., “bana ba ba se nang borre.”
^ Go lebega go tewa ditlhare le ditshingwana tse di amanang le kobamelo ya medingwana.
^ Kgotsa “boboanyana.” Tlhale e e tshwanang le mogala e e shang motlhofo.
