Isaia 35:1-10
35 Naga le lefatshe le le omeletseng di tla itumela,+E bile sekaka se tla itumela se bo se ntsha malômô* jaaka saferone.*+
2 Ruri se tla ntsha malômô;+Se tla itumela e bile se tla goa ka boitumelo.
Se tla newa kgalalelo ya Lebanona,+Bontlentle jwa Karemele+ le Sharona.+
Ba tla bona kgalalelo ya ga Jehofa, e leng bontlentle jwa Modimo wa rona.
3 Nonotshang ba ba bokoa,Le mangole a a roromang.+
4 Rayang ba ba dipelo di tlhobaelang lo re:
“Nonofang. Lo se ka lwa boifa.
Modimo wa lona o tla tla go lo busolosetsa mo babeng ba lona,Modimo o tla tla go diragatsa katlholo.+
O tla tla go lo boloka.”+
5 Ka nako eo, matlho a difofu a tla bulwa,+Le ditsebe tsa bosusu di tla thibololwa.+
6 Ka nako eo, motho yo o tlhotsang o tla tlolaka jaaka kgama,+Le loleme lwa yo o sa kgoneng go bua lo tla goa ka boitumelo.+
Gonne metsi a tla pomponyega mo nageng,Le melatswana e tla pomponyega mo sekakeng.
7 Mmu o o omeleditsweng ke mogote o tla nna jaaka mogobe o o tletseng lotlhaka,Le mmu o o nyorilweng o tla nna jaaka metswedi ya metsi.+
Go tla nna le bojang jo botala le lotlhaka le papiraseMo mengobong e bophokoje ba ikhutsang mo go yone.+
8 Mme go tla nna le tsela e kgolo,+Tsela e e bidiwang Tsela ya Boitshepo.
Yo o seng phepa ga a kitla a tsamaya mo go yone.+
E baakanyeditswe ba ba tsamayang ka tsela;Ga go na ope yo o seeleele yo o tla fapogelang mo go yone.
9 Ga go kitla go nna le tau teng,E bile ga go kitla go nna le dibatana dipe tse di kotsi mo go yone.
Ga di kitla di fitlhelwa teng;+Ba ba rekolotsweng ke bone fela ba tla tsamayang teng.+
10 Ba Jehofa a ba golotseng ba tla boa+ ba bo ba tla mo Siona ba goa ka boitumelo.+
Boitumelo jo bo sa feleng bo tla nna mo ditlhogong tsa bone,+Ba tla nna le boitumelo le boipelo,Mme khutsafalo le selelo di tla tshaba.+
