Jeremia 25:1-38
25 Lefoko le le ka ga batho botlhe ba Juda le ne la tla mo go Jeremia mo ngwageng wa bonê wa puso ya ga Jehoiakime+ morwa Josia, kgosi ya Juda, mme e le ngwaga wa ntlha wa ga Kgosi Nebukadenesare* wa Babelona.
2 Seno ke se moporofeti Jeremia a neng a se bua ka* batho botlhe ba Juda le banni botlhe ba Jerusalema:
3 “Go simolola ka ngwaga wa bo13 wa puso ya ga Josia+ morwa Amone, kgosi ya Juda, go fitlha gompieno, mo dingwageng tseno tse 23, Jehofa o ne a bua le nna, mme ke ne ke nna ke bua le lona gangwe le gape,* mme lo ne lo sa reetse.+
4 Mme Jehofa o ne a roma batlhanka botlhe ba gagwe kwa go lona, e leng baporofeti, a ba roma gangwe le gape,* mme lo ne lo sa reetse e bile lo sa tlhwaye tsebe gore lo utlwe.+
5 Ba ne ba tle ba re, ‘Tsweetswee, a mongwe le mongwe wa lona a tlogele ditsela tsa gagwe tse di bosula le ditiro tsa gagwe tse di bosula,+ mme lo tla nna lobaka lo loleele mo lefatsheng le Jehofa a sa bolong go le lo naya, lona le borraalonamogolo.
6 Lo se ka lwa sala medimo e mengwe morago, lwa e direla lwa bo lwa e ikobela, mme lwa nkgopisa ka tiro ya diatla tsa lona; go seng jalo ke tla lo tlisetsa masetlapelo.’
7 “Jehofa a re, ‘Le fa go ntse jalo, lo ne lwa se ka lwa ntheetsa. Go na le moo, lo ne lwa nkgopisa ka tiro ya diatla tsa lona, mme lwa itlisetsa masetlapelo.’+
8 “Ka jalo, Jehofa wa masomosomo a re, ‘“Ka gonne lo ne lo sa ikobele mafoko a me,
9 ke laela gore go bidiwe malapa otlhe a bokone,”+ go bua Jehofa, “ke laela gore go bidiwe Kgosi Nebukaderesare* wa Babelona, yo e leng motlhanka wa me,+ mme ke tla dira gore ba tlhasele lefatshe leno,+ banni ba lone le ditšhaba tseno tsotlhe tse di ba dikologileng.+ Ke tla ba senya ke bo ke dira gore ba nne selo se se tshosang le sengwe se se lelediwang molodi le se se kgakgabetseng.
10 Ke tla fedisa modumo wa boitumelo le modumo wa go ipela mo go bone,+ lentswe la monyadi+ le lentswe la monyadiwa, modumo wa lelwala le lesedi la lobone.
11 Mme lefatshe leno lotlhe le tla fetoga marope fela le selo se se tshosang, mme ditšhaba tseno di tla tshwanelwa ke go direla kgosi ya Babelona dingwaga di le 70.”’+
12 “Jehofa a re, ‘Le fa go ntse jalo, fa dingwaga tse 70 di sena go wela+ ke tla sekisetsa* kgosi ya Babelona le setšhaba seo molato wa bone,+ mme ke tla dira gore lefatshe la Bakaladia le kgakgabale ka bosakhutleng.+
13 Ke tla diragatsa mafoko a me otlhe a ke a buileng ka lefatshe leo, sotlhe se se kwadilweng mo bukeng eno se Jeremia a neng a se porofeta ka ditšhaba tsotlhe.
14 Gonne ditšhaba di le dintsi le dikgosi tse dikgolo+ di tla ba dira makgoba,+ mme ke tla ba duela go ya ka ditiro tsa bone le go ya ka se ba se dirileng ka diatla tsa bone.’”+
15 Gonne Jehofa, Modimo wa Iseraele o ne a nthaya a re: “Tsaya senwelo seno sa beine se se tshwantshetsang bogale jwa me mo seatleng sa me, mme o dire gore ditšhaba tsotlhe tse ke go romang kwa go tsone di se nwe.
16 Mme ba tla nwa, ba tla thetheekela ba bo ba itshwara jaaka ditsenwa ka ntlha ya tšhaka e ke e romelang mo go bone.”+
17 Ka jalo, ke ne ka tsaya senwelo mo seatleng sa ga Jehofa ke bo ke dira gore ditšhaba tsotlhe tse Jehofa a neng a nthomile kwa go tsone di se nwe:+
18 go simolola ka Jerusalema le metse ya Juda,+ dikgosi le dikgosana tsa gagwe. Ke ne ka dira jalo gore di tle di nne marope, e leng selo se se tshosang, selo se se lelediwang molodi le phutso,+ jaaka go ntse mo letsatsing leno;
19 go bo go latela Faro kgosi ya Egepeto le batlhanka ba gagwe, dikgosana tsa gagwe le batho botlhe ba gagwe,+
20 le batho botlhe ba ditso tse di farologaneng ba ba nnang le bone; dikgosi tsotlhe tsa lefatshe la Use; dikgosi tsotlhe tsa lefatshe la Bafilisitia,+ Ashekelona,+ Gasa, Ekerone le ba ba setseng kwa Ashedoda;
21 Edoma,+ Moabe+ le Baamone;+
22 dikgosi tsotlhe tsa Ture, dikgosi tsotlhe tsa Sidona+ le dikgosi tsa setlhaketlhake se se mo lewatleng;
23 Dedane,+ Tema, Buse le batho botlhe ba meriri ya bone e kgaotsweng mo matlhakoreng a tlhogo;+
24 dikgosi tsotlhe tsa Baarabia+ le dikgosi tsotlhe tsa batho ba ditso tse di farologaneng ba ba agileng mo nageng;
25 dikgosi tsotlhe tsa Simeri, dikgosi tsotlhe tsa Elama+ le dikgosi tsotlhe tsa Bameda;+
26 le dikgosi tsotlhe tsa kwa bokone tse di gaufi le tse di kgakala, ka go latelana, le magosi a mangwe otlhe a a mo lefatsheng; mme kgosi ya Sheshake*+ e tla nna yone ya bofelo go se nwa.
27 “Mme o ba reye o re, ‘Seno ke se Jehofa wa masomosomo, Modimo wa Iseraele, a se buang: “Nwang, lo tagwe mme lo kgwe lo bo lo we mo lo ka se kang lwa kgona go tsoga+ ka ntlha ya tšhaka e ke e romelang mo go lona.”’
28 Mme fa ba gana go tsaya senwelo mo seatleng sa gago gore ba se nwe, o ba reye o re, ‘Seno ke se Jehofa wa masomosomo a se buang: “Lo tshwanetse go se nwa!
29 Gonne fa e le gore ke tlisa masetlapelo pele mo motseng o leina la me le leng mo go one,+ a lona ga lo a tshwanelwa go otlhaiwa?”’+
“‘Le lona lo tshwanetse go otlhaiwa, ka gonne ke tlisetsa banni botlhe ba lefatshe tšhaka,’ go bua Jehofa wa masomosomo.
30 “Mme wena o ba porofetele mafoko ano otlhe mme o ba reye o re,‘Jehofa o tla kurutla a le kwa godimo,O tla dira gore lentswe la gagwe le utlwiwe a le kwa lefelong la gagwe le le boitshepo.
O tla kurutlela mo lefelong la gagwe le le mo lefatsheng.
A goa jaaka batho ba ba gatang segatisetso sa beine,O tla opela ka gonne a fentse banni botlhe ba lefatshe.’
31 ‘Modumo o tla utlwala go fitlha kwa dikhutlong tsa lefatsheKa gonne Jehofa o ganetsana le ditšhaba.
O tla atlhola batho botlhe* ka boene.+
Mme ba ba bosula o tla ba bolaya ka tšhaka,’ go bua Jehofa.
32 Seno ke se Jehofa wa masomosomo a se buang:
‘Masetlapelo a anama go tswa mo setšhabeng se sengwe go ya kwa go se sengwe,+Mme setsuatsue se segolo se tla tswa kwa dikarolong tse di kgakala thata tsa lefatshe.+
33 “‘Mme ba Jehofa a ba bolaileng mo letsatsing leo ba tla bo ba rapaletse fa fatshe go tloga kwa ntlheng e nngwe ya lefatshe go fitlha kwa ntlheng e nngwe ya lefatshe. Ga ba kitla ba hutsafalelwa, ga ba kitla ba phuthwa kgotsa ba fitlhwa. Ba tla nna jaaka motshotelo mo godimo ga mmu.’
34 Bokolelang lona badisa, lo bo lo goe!
Bidikamang lona ba ba tlotlegang mo letsomaneng,Ka gonne nako ya gore lo bolawe lo bo lo phatlaladiwe e gorogile,Mme lo tla wa lo bo lo thubagana jaaka sejana se se tlhwatlhwakgolo!
35 Badisa ga ba na lefelo le ba tshabelang kwa go lone,E bile ba ba tlotlegang mo letsomaneng ga ba kitla ba falola.
36 Reetsang! Go utlwala selelo sa badisaLe go bokolela ga ba ba tlotlegang mo letsomaneng,Ka gonne Jehofa o senya mafulo a bone.
37 Mafelo a go nniwang mo go one a a nang le kagiso ga a tlhole a na le botsheloKa ntlha ya bogale jwa ga Jehofa jo bo tukang.
38 Modimo o dule mo mongobong wa gagwe jaaka tawana,*+Gonne lefatshe la bone le fetogile selo se se tshosangKa ntlha ya tšhaka e e setlhogoLe ka ntlha ya bogale jwa gagwe jo bo tukang.”
Dintlha Tse di Kwa Tlase
^ Seheb., “Nebukaderesare,” tsela e nngwe ya go le kwala.
^ Kgotsa “a se bolelela.”
^ Seheb., “ke ne ke tsoga go sa le phakela ke bo ke bua.”
^ Seheb., “a tsoga go sa le phakela a bo a roma.”
^ Seheb., “Nebukaderesare,” tsela e nngwe ya go le kwala.
^ Kgotsa “otlhaela.”
^ Go bonala e le leina le lengwe la Babele (Babelona).
^ Seheb., “nama yotlhe.”
^ Kgotsa “tawana e e seriri.”
