Jeremia 45:1-5
-
Molaetsa wa ga Jehofa o o yang kwa go Baruke (1-5)
45 Leno ke lefoko le moporofeti Jeremia a neng a le bolelela Baruke+ morwa Neria, fa a ne a kwala mafoko ano mo bukeng Jeremia+ a ntse a mmolelela one mo ngwageng wa bonê wa puso ya ga Jehoiakime+ morwa Josia, kgosi ya Juda:
2 “Seno ke se Jehofa, Modimo wa Iseraele a se buang ka ga gago, wena Baruke,
3 ‘O ne wa bua jaana: “Ruri ke tlhomola pelo, ka gonne Jehofa o okeditse botlhoko jwa me ka khutsafalo! Ke lapisitswe ke go nna ke lela, e bile ga ke a bona lefelo lepe la boikhutso.”’
4 “O mo reye o re, ‘Seno ke se Jehofa a se buang: “Se ke se agileng ke a se rutlolola, le se ke se jadileng ke a se kumola. Ke tla dira seno mo lefatsheng lotlhe.+
5 Mme wena, o ipatlela* dilo tse dikgolo. Tlogela go batla dilo tse di ntseng jalo.”’
“‘Gonne ke tloga ke tlisetsa batho botlhe* masetlapelo,’+ go bua Jehofa, ‘mme gongwe le gongwe kwa o ka yang gone, botshelo* jwa gago bo tla bolokwa.’”+
Dintlha Tse di Kwa Tlase
^ Kgotsa “solofela.”
^ Seheb., “nama yotlhe.”
^ Seheb., “ne′phesh.” Bona Ditlhaloso Tsa Mafoko.
