Jeremia 47:1-7
-
Boporofeti ka se se tla diragalelang Bafilisitia (1-7)
47 Leno ke lefoko la ga Jehofa le le neng la tla mo go moporofeti Jeremia le le amanang le Bafilisitia,+ pele ga Faro a kgemetha Gasa.
2 Seno ke se Jehofa a se buang:
“Metsi a tla a tswa kwa bokone.
A tla fetoga molatswana o o penologang.
Mme a tla gogola lefatshe le sengwe le sengwe se se mo go lone,Motse le ba ba nnang mo go one.
Banna ba tla goa,Le mongwe le mongwe yo o nnang mo nageng eo o tla bokolela.
3 Fa go utlwala modumo wa go tiba ga ditlhakwana tsa dipitse tsa gagwe tse ditonanyana,Go tlharakana ga dikara tsa gagwe tsa ntwaLe modumo wa maotwana a dikara tsa gagwe,Tota le borre ba tla sia,Ka gonne ba se na bopelokgale jwa go thusa bana ba bone,
4 Ka gonne letsatsi le le tlang le tla fedisa Bafilisitia botlhe;+Le tla fedisa batho botlhe ba ba setseng, ba ba ikgolagantseng le Ture+ le Sidona.+
Gonne Jehofa o tla fedisa BafilisitiaBa ba setseng ba ba tswang kwa setlhaketlhakeng sa Kafetore.*+
5 Gasa o tla nna lefatla.*
Ashekelone o didimaditswe.+
Lona masalela a lebala le le kwa tlase,Lo tla nna lo itshegaka ka lobaka lo lo kae?+
6 Ao tlhe tšhaka ya ga Jehofa!+
O tla nna o sa didimala ka lobaka lo lo kae?
Boela mo kgetsaneng ya gago.
Ikhutse mme o didimale.
7 E ka didimala jangJehofa a e laetse?
O e rometse gore e ye go tlhaselaKwa Ashekelona le kwa losing lwa lewatle.”+
Dintlha Tse di Kwa Tlase
^ Go tewa Kereta.
^ Go tewa gore ba tla beola ditlhogo tsa bone ka ntlha ya khutsafalo le go tlhabiwa ke ditlhong.