Jobe 11:1-20
11 Sofare+ wa Monaama o ne a araba jaana:
2 “A mafoko ano otlhe a ka se arabiwe,Kgotsa a go bua thata go ka dira gore motho a tlhoke molato?*
3 A se o se buang se se se nang mosola se tla didimatsa batho?
A ga go ope yo o ka go kgalemelelang mafoko a gago a tshotlo?+
4 Gonne wena o a re, ‘Thuto ya me e itshekile,+E bile ke phepa mo matlhong a gago.’+
5 Fa Modimo a ne a ka buaMme a go bolelela,+
6 Foo o ne a tla go senolela diphiri tsa botlhale,Gonne botlhale jo bo mosola bo dikarolo dintsi.
Foo o ne o tla lemoga gore Modimo o letla gore melato mengwe ya gago e itshwarelwe.
7 A o ka kgona go lemoga dilo tse di boteng tsa ModimoKgotsa wa lemoga sengwe le sengwe ka* Mothatayotlhe?
8 Botlhale joo bo kwa godimo go feta legodimo. Ke eng se o ka se fitlhelelang?
Bo boteng go feta Lebitla.* Ke eng se o ka se itseng?
9 Bo boleele go feta lefatsheE bile bo atlhame go feta lewatle.
10 Fa a feta a bo a tshwara mongwe mme a tsenya tsheko,Ke mang yo o ka ganetsanang le ene?
11 Gonne o a itse fa batho ba tsietsa.
Fa a bona se se bosula, a ga a kitla a lemoga?
12 Mme motho yo o seeleele o tla tlhaloganyaFa fela tonki ya naga e ka tsala motho.*
13 Fa fela o ne o ka baakanya pelo ya gagoMme wa otlololela diatla tsa gago kwa go ene.
14 Fa e le gore o dira sengwe se se phoso, tlogela go se dira,Mme a se se sa siamang se se ka sa nna mo ditenteng tsa gago.
15 Foo o ka tsholetsa tlhogo ya gago o sa tlhabiwe ke ditlhong;O ka kgona go ema o tlhomame, o sa boife.
16 Foo o tla lebala matshwenyego a gago;O tla a gakologelwa jaaka metsi a a neng a elela a feta fa go wena.
17 Botshelo jwa gago bo tla phatsima go gaisa sethoboloko;Tota le lefifi la jone le tla nna jaaka moso.
18 O tla nna pelokgale ka gonne o na le tsholofelo,Mme o tla leba mo tikologong o bo o robala boroko.
19 O tla robala go se na ope yo o go tshosang,Mme batho ba le bantsi ba tla batla gore o ba utlwele botlhoko.
20 Le fa go ntse jalo, matlho a batho ba ba bosula* a tla koafala;Mme ga ba kitla ba bona lefelo la botshabelo,Tsholofelo ya bone e tla nna loso fela.”+
Dintlha Tse di Kwa Tlase
^ Kgotsa “a moipelafatsi a ka tlhoka molato?”
^ Kgotsa “wa batlisisa bogolo jwa.”
^ Kgotsa “Sheole.” Bona Ditlhaloso Tsa Mafoko.
^ Kgotsa “e ka tsalwa e le motho.”
^ Kgotsa “a baikepi.”
