Jobe 16:1-22
16 Jobe o ne a araba a re:
2 “Ga se la ntlha ke utlwa dilo di le dintsi tse di tshwanang le tseno.
Lotlhe lo bagomotsi ba ba letshwenyo!+
3 A lo tla fetsa go bua mafoko a a se nang mosola?
O tenwa ke eng gore o bo o bua jalo?
4 Fa lo ne lo le mo boemong jwa me,Le nna ke ne nka bua jaaka lo bua.
Ke ne ke tla bua dilo tse di bosula ka lonaKe bo ke lo thukuthela tlhogo.+
5 Go na le moo, ke ne ke tla lo nonotsha ka mafoko a molomo wa me,E bile mafoko a a molemo a ke a buang a ne a tla lo imolola.+
6 Fa ke bua, setlhabi sa me ga se okobale,+Mme fa ke emisa go bua, a setlhabi sa me se a fokotsega?
7 Mme jaanong, wena Modimo o dirile gore ke lape;+O fedisitse ba lelapa la me botlhe.*
8 Le wena o a ntshwara, mme seo ke bosupi,Ke bopame mme seo se dira gore batho ba akanye gore ke molato.
9 Bogale jwa gagwe bo nkgagogantse dikarolwana, mme o nna a ntlhoile.+
O a galefa* fa a mpona.
Mmaba wa me o ntlhaba ka matlho a gagwe.+
10 Ba butse molomo wa bone go nkometsa,+E bile ba iteile marama a me ka tshotlo;Ba nkokoanela ba le bantsintsi.+
11 Modimo o nneetse basimanyana,Mme o ntsenya mo diatleng tsa ba ba bosula.+
12 Ke ne ke se na mathata, mme a nthubaganya;+O ne a mphamola ka fa morago mo molaleng mme a ntšhwetlakanya;Go tswa foo o ne a ntlhoma jaaka selo se a se kwaileng.
13 Bahudi ba gagwe ba metswi ba ntikologile;+O tlhaba diphilo tsa me+ e bile ga a ntlhomogele pelo;O tshololela santlhoko ya me fa fatshe.
14 O mphunya diphatlhaphatlha;O itlhaganelela kwa go nna jaaka motlhabani.
15 Ke rokagantse letsela la kgetsi gore ke apese letlalo la me,+E bile ke fitlhile seriti* sa me mo loroleng.+
16 Sefatlhego sa me se sehibidu ka ntlha ya go lela,+Mme matlho a me a rurugile,
17 Le fa gone diatla tsa me di sa dira thubakanyo epe
E bile thapelo ya me e itshekile.
18 Ao tlhe lefatshe, o se ka wa katela madi a me!+
Mme a selelo sa me se se ka sa didimadiwa!
19 Tota le gone jaanong, mosupi wa me o kwa magodimong;Yo o ka kgonang go naya bosupi ka ga me o kwa godimodimo.
20 Balekane ba me ba a ntshotla+Fa leitlho la me le tshololela dikeledi* kwa Modimong.+
21 A mongwe a atlhole fa gare ga motho le Modimo,Jaaka motho a ka atlhola fa gare ga batho ba babedi.+
22 Gonne dingwaga tse di setseng di mmalwa,Ke tla tsamaya mme ga nkitla ke boa.+
Dintlha Tse di Kwa Tlase
^ Kgotsa “ba ba phuthegang le nna.”
^ Seheb., “O phuranya meno.”
^ Kgotsa “nonofo.” Seheb., “lonaka.”
^ Kgotsa gongwe “le tlhorega boroko.”
