Jobe 21:1-34
21 Jobe o ne a araba a re:
2 “Reetsang ka kelotlhoko se ke se buang;A seno e nne kgomotso e lo e nnayang.
3 Lo se ka lwa mphelela pelo fa ke ntse ke bua;Fa ke sena go bua, foo lo ka nna lwa ntshotla.+
4 A ke ngongorega ka motho?
Fa go ne go ntse jalo, a ke* ne nka se fele pelo?
5 Ntebeng mme lo rotole matlho lo gakgametse;Bayang diatla tsa lona mo melomong ya lona.
6 Fa ke akanya ka gone, ke a tshwenyega,E bile mmele otlhe wa me o a roroma.
7 Goreng batho ba ba bosula ba tswelela ba tshela,+Ba tsofala e bile ba huma?*+
8 Bana ba bone ba nna le bone ka metlha,Mme ba feleletsa ba bone ditlogolwana tsa bone.
9 Matlo a bone a sireletsegile, ga go na sepe se ba se boifang,+E bile Modimo ga a ba otlhaye ka thobane ya gagwe.
10 Dipoo tsa bone ga di kgaotse go gwela;Dikgomo tsa bone di a tsala mme ga di folotse.
11 Basimane ba bone ba taboga kwa ntle fela jaaka letsomane,Mme bana ba bone ba a tlolaka.
12 Ba opela ba ntse ba letsa moropana le harepa,Mme ba itumelela go utlwa modumo wa fulutu.*+
13 Ba nna ba kgotsofetse malatsi otlhe a boneMme ba fologela kwa Lebitleng* ka kagiso.*
14 Le fa go ntse jalo, ba raya Modimo wa boammaaruri ba re, ‘Re tlogele!
Ga re batle go itse ditsela tsa gago.+
15 Mothatayotlhe ke mang, gore re mo direle?+
Re tla boelwa ke eng fa re mo itse?’+
16 Mme ke a itse gore ga ba na maatla a go dira gore dilo di ba tsamaele sentle.+
Ga ke akanye jaaka batho ba ba bosula.+
17 Ke ga kae lobone lwa batho ba ba bosula lo timiwa?+
Ke ga kae ba welwa ke masetlapelo?
Ke ga kae Modimo a ba otlhaya a galefile?
18 A ba kile ba nna jaaka lotlhaka mo phefongLe jaaka mmoko o o phepheulwang ke phefo ya matsubutsubu?
19 Modimo o tla boloka kotlhao ya motho a e bolokela barwa ba gagwe.
Mme e kete Modimo a ka mo duela gore a tle a itse ka gone.+
20 E kete matlho a gagwe a ka bona fa a senngwa,Mme e kete e ka nna ene a nwang tšhakgalo ya Mothatayotlhe.+
21 Gonne a o kgathala ka se se diregang mo ntlong ya gagwe fa a sena go swaFa palo ya dikgwedi tsa gagwe e khutshwafadiwa?*+
22 A go na le yo o ka rutang Modimo,+Fa e le Ene a atlholang tota le ba ba kwa godimo?+
23 Motho mongwe o swa a sa ntse a na le matlhagatlhaga+A se na matshwenyego gotlhelele e bile a iketlile,+
24 Dirope tsa gagwe di tletse mafuraLe marapo a gagwe a nonofile.*
25 Mme motho yo mongwe o swa a tshwenyegile thata,*A ise a ke a latswe dilo tse di molemo.
26 Botlhe ba tla boela mo loroleng,+Mme boobabedi ba tla jewa ke diboko.+
27 Ke itse sentle se lo se akanyangLe maano a lo a logang gore lo ntirele bosula.*+
28 Gonne lwa re, ‘E kae ntlo ya motho yo o tlotlegang,E bile e kae tente e motho yo o bosula a nnang mo go yone?’+
29 A ga lo a botsa batsamai?
A ga lo a ithuta ka kelotlhoko dilo tse ba di lemogileng,*
30 Gore yo o bosula o a bolokwa mo letsatsing la masetlapelo,Le gore o a gololwa mo letsatsing la tšhakgalo?
31 Ke mang yo o ka mmolelelang gore ga a itshware sentle,E bile ke mang yo o tla mo otlhaelang se a se dirileng?
32 Fa a isiwa kwa mabitleng,Lebitla la gagwe le tla nna le disitswe.
33 Makwete a mmu wa mokgatšha* a tla nna botshe mo go ene,+Mme batho botlhe ba mo sala morago*+Fela jaaka ba bantsi ba ba kwa pele ga gagwe.
34 Ka jalo, goreng lo nnaya kgomotso e e se nang mosola?+
Dikarabo tsa lona ke tsietso fela!”
Dintlha Tse di Kwa Tlase
^ Seheb., “moya wa me (e leng maatla a botshelo).”
^ Kgotsa “ba nna maatla.”
^ Kgotsa “phala ya lotlhaka.”
^ Kgotsa “Sheole.” Bona Ditlhaloso Tsa Mafoko.
^ Kgotsa “ka nakwana,” go tewa loso lwa ka bonako lo lo seng botlhoko.
^ Kgotsa “e kgaoganngwa ka bogare.”
^ Seheb., “moko wa marapo a gagwe o le bongola.”
^ Kgotsa “a utlwile botlhoko.”
^ Kgotsa gongwe “gore lo ntirele thubakanyo.”
^ Seheb., “ditshupo tsa bone.”
^ Kgotsa “molapo.”
^ Seheb., “Mme o tla goga batho botlhe ka fa morago ga gagwe.”
