Jobe 23:1-17
23 Jobe o ne a araba a re:
2 “Tota le gompieno ke tla tswelela ke ngongorega;*+Maatla a me a fedile ka ntlha ya go boga ga me.
3 E kete nkabo ke itse kwa nka bonang Modimo teng!+
Ke ne ke tla ya kwa lefelong le a nnang kwa go lone.+
4 Ke ne ke tla isa kgetsi ya me fa pele ga gagweKe bo ke ntsha bosupi jotlhe gore ke iphemele;
5 Ke ne ke tla itse kafa a neng a tla nkaraba ka goneKe bo ke ela tlhoko se a se mpolelelang.
6 A o ne a tla ganetsana le nna a dirisa maatla a gagwe a magolo?
Nnyaa, ruri o ne a tla ntheetsa.+
7 Yo o siameng o ne a ka tlhamalatsa dilo le ene koo,Mme Moatlhodi wa me o ne a tla nkgolola.
8 Le fa go ntse jalo, fa ke ya kwa botlhaba, ga a yo koo;Mme fa ke boela kwa ke neng ke le teng ga ke mo fitlhele.
9 Fa a bereka ka fa molemeng, ga ke mmone;Go tswa foo, o ya kwa mojeng, mme ke sa ntse ke sa mmone.
10 Mme o itse tselana e ke e tsereng.+
Fa a sena go nteka, ke tla tswa moo ke tshwana le gauta e e sa tswakanngwang.+
11 Dinao tsa me di lateletse dikgato tsa gagwe gaufi thata;Ke tsamaile mo tseleng ya gagwe ke sa fapoge.+
12 Ga ke a fapoga ditaelo tse a di buileng.
Ke bolokile mafoko a gagwe+ le e leng go feta se a neng a se batla mo go nna.*
13 Fa a ikemiseditse, ke mang yo o ka mo thibelang?+
Fa a batla go dira sengwe, o a se dira.+
14 Gonne o tla diragatsa ka botlalo se a neng a se ikaeletse* ka nna,Mme o mpeetse dilo tse di ntseng jalo di le dintsi.
15 Ke gone ka moo ke tlhobaelang ka ntlha ya gagwe;Fa ke akanya ka ene, poifo ya me e a oketsega.
16 Modimo o dirile gore ke nne boboi,E bile Mothatayotlhe o dirile gore ke tshoge.
17 Mme gone, ga ke ise ke didimadiwe ke lefifi
Kgotsa ke letobo le le khurumeditseng sefatlhego sa me.
Dintlha Tse di Kwa Tlase
^ Kgotsa “ngongorego ya me ke ya botlhanogi.”
^ Kgotsa “se a neng a se ntaetse.”
^ Kgotsa “laotse.”
